ابيــــــــــــــات لــــــــم تكــــــــتـــــــمل

**معلومات** **العضو** · 02-09-2005, 10:32 AM

اخواني اعظاء هذا المنتدى الراقي اسعد الله اوقاتكم بكل خير يسرني ان اهديكم مجموعة هذه الخواطر والحقيقه ان كل واحد منا قد يمر في احد المواقف التي من خلالها يحاول ان يعبر عن مشاعره ومن ذلك بعض الابيات التي يحس انها قد ادت الغرض المطلوب ولا يستطيع تكملتها ومن ذلك اقول

مانيب امل مشاهد الطيبيني= اهل المعزه والقلوب النظافي
ولقيت في سج القدم لذتيني= سوجة نفس ولا معرفة سنافي
انا رفيقي لا حصل منه زله= اخذتها منه على المحمل الزين
اما دمحت لزلته حشمة له= ولا قصرت الهرج واغضيت بالعين
ملزوم من بينّ لك الود ملزوم= حق ٍعليك وياجب انك تزوره
خلك سوات الشمس في دورة اليوم= ولا تجي مثل الهلال بظهوره
وداعتك في عز نفسك عن الناس= والعرض لا ترضى بشي ٍيمسه
حتاك تبقى دايم ٍرافع الراس= والبال ماحد ٍفي حياتك يحسه
من بان لك في رفقة ظن وشكوك= لا ترتجي ود ٍيجي فيه شكه
نزه جنابك عنه والبعد مبروك= وخلك عليه اثقل من جبال مكه
لاتنصح الخبل عند الناس تنشبّه= تراك لامن نصحته نفص عيونه
اما ادخلك فالملام وحطك السبه= ولا تهايل وجاك يعد طبلونه
الواجب اني مالحقه ذم وهروج= باقفي وهو مني بعد ذاك دربه
بذرت بذر ٍماحصل منه منتوج= المشكل انه ما لقى طيب تربه
سلم الهوى بين العرب شان تاليه= ينعاف عقب علومه اللي تجينا
اسباب ناس ٍبالجهاله مشوا فيه= الله يعـافيهـم ولا يبــتليـنا
عد كلمتك لي لو تكرمت عدها= عدها تراني ما عرفت مغزاها
اقول يمكن قالها ما قصدها= ولا ان نفسي بس يبحث خفاها
الانعزال امن الخلايق فيه لذه= كود من خاطي رفيق ٍلك سنافي
كل شهم ٍينلقى بالطيب فذه= منصح ٍوان قال قول ٍفيه يافي
امدح شيوخ وناش مدحي مطاليق= في كل مدغوش ٍبراسه نعاره
فيهم صدقت وحالف المدح توفيق= الا وحيد ٍمدحتي له خساره
وعذري لقيته مثل عذر التفافيق= ما كل رمي ٍصاب مظرب الاشاره

**معلومات** **العضو** · 02-09-2005, 11:22 AM

السلام عليكم ورحمة الله وبركاته

ابو محسن

الله يصح السانك يالغالي

والله يعطيك العافيه

وفي انتظار جديدك

مشكور مشكور

**معلومات** **العضو** · 02-09-2005, 12:44 PM


	مانيـب امـل مشاهـد الطيبينـي=اهل المعـزه والقلـوب النظافـي ولقيت فـي سـج القـدم لذتينـي=سوجة نفس ولا معرفـة سنافـي الشاعر المبدع ولاديب الكبير ابومحسن " محمد الخضراني " حيه وحي ماجاب وصح الله السانك وعتلا شانك وزادك الله في مقامك والله يابومحسن ان اباياتك التي طرحت بين ايدنا لهيا منبع الحكمه وليس مستغرب منك هذا فانت اهل الحكمه والمشوره جعلك تحيى والله يابومحسن مدري ويش اقول ما شاء الله عليك على هذي الابيات التي توقف الواحد منا كثيراً مع نفسه وهو يتمعن في معانيها فالحكمه تنبع بين ثناياها والجزاله في معانيها ابومحسن لا فض فوك على ماتطرحه بين ايدنا من جزل القصيد وعذب القوافي وسلاسة المعاني جعل عمرك طويل على طاعته تقبل تحياتي وتقديري واحترامي واعتزازي فيك يابومحسن اخــــوك / فــــهــــد الــغــريــري,,,

**معلومات** **العضو** · 02-09-2005, 02:12 PM

ابيات في قمة المعنى والكلمة..
صـــــــح لســــــــــانك اخوي ابو محسن..
وبيتين عن قصـــيـــدة..
لاهنت ولاعدمنااااك..

**معلومات** **العضو** · 02-09-2005, 02:20 PM

مانيـب امـل مشاهـد الطيبينـي=اهل المعـزه والقلـوب النظافـي
ولقيت فـي سـج القـدم لذتينـي=سوجة نفس ولا معرفـة سنافـي
انا رفيقـي لا حصـل منـه زلـه=اخذتها منه على المحمـل الزيـن
امـا دمحـت لزلتـه حشمـة لـه=ولا قصرت الهرج واغضيت بالعين
وداعتك في عز نفسك عن الناس=والعرض لا ترضى بشـي ٍيمسـه
حتاك تبقى دايـم ٍرافـع الـراس=والبال ماحد ٍفـي حياتـك يحسـه
من بان لك في رفقة ظن وشكـوك=لا ترتجـي ود ٍيجـي فيـه شكـه
نزه جنابك عنه والبعـد مبـروك=وخلك عليه اثقل من جبـال مكـه
لاتنصح الخبل عند الناس تنشبّـه=تراك لامن نصحته نفص عيونـه
اما ادخلك فالملام وحطـك السبـه=ولا تهايـل وجـاك يعـد طبلونـه
الواجب اني مالحقـه ذم وهـروج=باقفي وهو مني بعـد ذاك دربـه
بذرت بذر ٍماحصل منـه منتـوج=المشكل انه ما لقـى طيـب تربـه
الانعزال امن الخلايـق فيـه لـذه=كود من خاطي رفيق ٍلـك سنافـي
كل شهـم ٍينلقـى بالطيـب فـذه=منصح ٍوان قال قـول ٍفيـه يافـي


	الشاعر والحكيم والأديب محمد بن محسن الخضراني الحقيقه الكلام يقل أمام جمال هذه الأبيات النابعه من الصميم أبيات حكمه من أستاذ حكيم وملمٍ بالعلوم الغانمه كلها لله درك من شاعرٍ راقي ومبدع ومنهلٍ لمن أراد التعلم صح الله لسانك ملاييييييييييييييييييييييييييييييين تقبل الود والتقدير والشكر والعرفان من أخوك ومغليك محب الجميع : دغش البطي

**معلومات** **العضو** · 02-09-2005, 03:58 PM

ابو محسن

أنا أرى أن الأبيات متكاملة و تحمل من الحكم الثمينة و المفيدة مما يجعل كل منها و كأنها قصيدة بحد ذاتها ... وقد طرحت فكره و موقف في كل منها يدل على فهم وخبرة لتجارب الحياة رغم صغر سنك .... لكنك كبير بقدرك .... و أخترت من الكلمات التي تبلور المعنى الذي أردت أن يصل للمتلقي و يستنبط الحكمه من وراء تلك الكلمات التي كتبتها مع أنها قليلة في عددها .... لكنها كبيرة في معانيها

فأكثر القصايد المشهورة لشعراء لهم وزنهم سواء قدماء أو معاصرين لم يحفظ من تلك القصايد الا بيتين أو ثلاثة .... و ذلك بسبب أنها حوت على مضمون الفكرة التي جعلت من الشاعر أن يبحث عن باقي الكلمات ليجعل من الفكرة قصيدة ....
و أنا أسميها زبدة القصيدة .... فتجد الناس لا ينسونها وينسون باقي القصيدة

ابو محمد كفى و وفى و علق عليها بشكل جميل .... و نهنئ أنفسنا بوجود شاعر مثلك في هذا المنتدى

أخوك في الله

العرابي

**معلومات** **العضو** · 03-09-2005, 05:39 AM

سلمت على ما قدمت من تعقيب بيض الله وجهك شهاده وافتخر بها تقبل اجمل التحايا والتقدير من اخوك محمد

**معلومات** **العضو** · 03-09-2005, 05:47 AM

الشاعر والصديق (الواصل)أبو محسن

صح لسانك على هذه المقطوعات الثمينه

ومثل ماقال المثل مامن طيب كثرة

والهرج يكفي صامله عن كثيره

**معلومات** **العضو** · 03-09-2005, 04:48 PM

سلمت على ما قدمت من الكلام الطيب عساك تدوم ويفدونك الرخوم اشكرك من كل قلبي تقبل مني اجمل التحايا

**معلومات** **العضو** · 03-09-2005, 04:51 PM

دايم وانت وافي بيض الله وجهك على مابديت من الكلام الطيب تقبل من وافر الشكر والعرفان اخوك محمد

**معلومات** **العضو** · 03-09-2005, 04:59 PM

الأخ / الشاعر محمد الخضراني

صح الله لسانك ولا هان الله منطوقك

هذه مهيب أبيات لم تكتمل بل قصائد

اليوم كلٍ يختار من ذا الدرر

**معلومات** **العضو** · 03-09-2005, 07:06 PM

الحقيقه ان من حسنات هذا المنتدى هو معرفة اخيار الرجال وانا اعتبر ان كل ماقدم دون قدركم وامنتي هي ان اكون قد وفقت بما يليق بمقام اهل الطيب والمعرفه شرواكم ,, تقبل مني وافر الشكر والامتنان لخوك محمد

**معلومات** **العضو** · 03-09-2005, 07:16 PM

الشاعر والحكيم والأديب محمد بن محسن الخضراني

(( محمد ))
لله درك من مبدع

أبيات من أروع ما سمعت

أبيات حكمة من الطراز الأول

كل بيت يسوى له قصيدة كاملة

مبدع بحق يا أبا محسن

القاف لا من شاف مثلك وشرواك ** أرخى الزمام وقام له ينحني له
يصب دهن العود من فوق يمـناك ** وترفع لك البيضا براس الطـويلة

تقبل مني أسمى الود والإعجاب المنتهي النظير

محبك
تأبط خيرا

..

**معلومات** **العضو** · 03-09-2005, 08:34 PM

ابو محمد غامري بجميلك دائماً عسى الله يطول حياتك على طاعته والوكاد ان القلوب شواهد تقبل مني وافر الشكر والعرفان اخوك محمد

**معلومات** **العضو** · 03-09-2005, 08:42 PM

(الوصل) مشتركين انا وانت فيه سوى طالت حياتك والحقيقه اني سررت بتواجدك وتعقيبك تقبل مني اجمل التحايا اخوك ومحبك محمد

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية