معلم طويق والذيب

[معلومات العضو فارس الدبالين]

السلام عليكم ورحمة الله وبركاته

اسعد الله جميع اوقاتكم اخواني مرتادي هذا الصرح الشامخ

متواضعه من الارشيف واتمنى تعجبكم وتحوز على رضاكم

البارحه كني على معلم طويق=اجاوب السرحان لامن عوالي
وكل ماعوا جاوبته بونة الضيق=إعواه جوع وونتي ماجرالي
وانا على بوح الصناديق ماطيق=لكنّ صوت الذيب حرك خيالي
وقمت اتخيلني على معلم طويق=اجاوبه لامن عوى من اجزالي
كنه يقول انته بروس الشواهيق=واعرف ترى ماهيب سهل المنالي
خل الهموم وبوح سر المغاليق=ومن باح سره شاف كثر الهوالي
بعلمك شين درسته بتدقيق=وهذي نصيحه من رفيقٍ موالي
صاحب هل العليا وجنب عن الهيق=ترى الصبي من سيره باحتمالي
واحقر هل النمات واهل التلافيق=اللي يذمونك ليا جا مجالي
وادمح عن الزلات لوهي مسابيق=وان كررت عطها بحد السلالي
واحذر عدوك لايجيله تلاحيق=وعادة شجيع القوم لا مايمالي
واكرم ضيوفك بالذي عندك يليق=الجود بالموجود قوتن ومالي
واعرف ترى رجلٍ بلا ربع في ضيق=ورجلٍ وسط ربعه عزومه جلالي
وعامل جميع الناس حسب التناسيق=أحدٍ سوا وأحدٍ عزيزٍ وغالي
وارفع مقامك عن جميع المخاليق=خلك عزيزٍ رافع الراس عالي
وإليا بغيت الطيب يتبعه توفيق=ناسب معرب من عمام وخوالي
ياتيك صبيٍ له خوالٍ مطاليق=والصبي طيبه عايدٍ للخوالي
خل الجمال وخل عنك الغرانيق=لاياخذك زين الدلع والدلالي
لاصار مال الطيب فيها تعاليق=ماهيب لامكسب ولا راس مالي
ياتي ولدها مثل ماقيل دنيـّق=قلبه فضيخ وعايشٍ بالهبالي
وإن كان ياذيبان ماجت توافيق=عود ليامن شفت نور الهلالي
خلنا نبوح الضيق في قمةطويق=وأحذر تناساني تراني إلحالي..!!
قلت الزمن هذا زمان التواهيق=خبرك عتيق وماضي العرف زالي
الصدق ماتلقالك اليوم صدّيق=وماعاد تلقا فالزمن ذا رجالي
ان كان بك مصلوح تلقا مطاليق=وإن كان ماعندك غديت بهيالي
حتى المراجل بالمصالح تسابيق=تبدلت عاداتهم بالريالي
وهذا زمانن شاخ فيه الزناديق=من عقب ماهي تنوخذ بالقتالي
وحتى الخوي لامن نخيته من الضيق=مايظهر الفزعه ولاهو يبالي
والناس لو عاملتهم بالمصاديق=إن كان ماهجدتهم عزتالي
الناس واكثرهم سواة السواحيق=إن كان منتب ذيب صرت الحثالي
باعلمك..!! كلٍ بنفسه وتويّق=وكلن يشوف انه سواة الجبالي
اترك جميع الناس جمعٍ وتفريق=الا مع الطيب كريم السبالي
باعلمك ياذيب ياعلك اتفيق=عش عمرك بعزه وحيدٍ وعالي
في عالي الدنيا على هامة طويق=قد فات خبرك ياعهيد الطوالي
ونا ترا باجيك لاغصّني الريّق=وبجاوبك لامن عويت بخيالي
والله يفرجها عوين المخاليق=قادر يفرجها عظيم الجلالي

وسلامتكم ...

 

 

 

 

[معلومات العضو غلا مطير]

فارس
تسلم يمينك اخوي
يعطيك العافيه
مميز دائما

دام لنا تالقك وابداعك



لك ودي

 

 

 

 

[معلومات العضو بدر سلطان التمامي]

صح السانك مليار

 

 

 

 

[معلومات العضو شافي بن راشد النتيفات]

صح لسانك يافارس الشعر ما تكتب الا معلقات

دائما مبدع

تقبل مروري

 

 

 

 

[معلومات العضو ابومبخوت الدوسري]

صح لسان يافارس الشعر

قصيده جميله تسلم يمناك ولاهنت

تقبل تحياتي وتقديري

دمت مبدع

 

 

 

 

[معلومات العضو دغش محمد الصخابرة]

فارس صح لسانك واعتلى شانك


قصيده جميله تسلم يمناك ولاهنت ياذيبان

تقبل تحياتي وتقديري

 

 

 

 

[معلومات العضو عبدالله الحافر الغييثي]

صح لسانك يافارس وانت فارس على اسمك بيض الله وجهك على هذه الدرة الرائعه\تقبل مني الاعجاب وجليل التقدير والاحترام

 

 

 

 

[معلومات العضو نادر الناهشي]

اخوي فارس الدبالين

صح لسانك يالغالي قصيدة مليئة بالحكم

صح لسانك مرة ثانيه مليون يلغالي

 

 

 

 

[معلومات العضو حفيد المسنحاني]

صح لسانك لاهنت

 

 

 

 

[معلومات العضو مبارك بن الجوير]

اترك جميع الناس جمـعٍ وتفريـق
الا مـع الطيـب كريـم السبـالـي

باعلمـك ياذيـب ياعلـك اتفـيـق
عش عمرك بعـزه وحيـدٍ وعالـي

فارس يا فارس
عزالله صح الله لساااانك ملايييييين
لله درك
محاورة من راس جزل واحد
اختلف مع نفسه كثيرا
وكأنه يتمنى ان يكون الذيب صادقا"
ولكن عزالله اني مع الذيب في رايه يا ذيب
انظر لنصف الكوب المليان
ولايشحنك نصفه الفاضي ياعزوتي
مازال والله فيه من الرجال المطانيخ شرواك
وما ينهضم حقهم ..
ابداع ومحاورة بين ذيبين والله رااااقت لي كثيرا"
وللأمانه يافارس اتفقت معك فالبيتين المشار اليهم
وذكرت بيتن" لي قديم

من كثر ما خاويت بأبقى وحيدي
حتيش لو عمري قضيته خلاوي

وارجع واقووووول صح الله لساااانك لين ترضى ياخوك
شاعر بحار من الطراز الاول..
تقبل مروري المتواضع نفداااك...

 

 

 

 

[معلومات العضو حسن بن بطحيه]

صح السانك لاهنت

 

 

 

 

[معلومات العضو محمد بن سالم الخضراني]

ياتيك صبـيٍ لـه خـوالٍ مطاليـقوالصبـي طيبـه عايـدٍ للخوالـي

خل الجمال وخـل عنـك الغرانيـقلاياخـذك زيـن الدلـع والـدلالـي

لاصار مال الطيـب فيهـا تعاليـقماهيـب لامكسـب ولا راس مالـي

صح لسانك يافارس

 

 

 

 

[معلومات العضو فارس الدبالين]

اقتباس:المشاركة الأصلية كتبت بواسطة غلا مطيرفارس
تسلم يمينك اخوي
يعطيك العافيه
مميز دائما

دام لنا تالقك وابداعك



لك ودي


الاخت غلا مطير

حياك الله ومن قال يسلم .. والله يعافيك

والابداع والتميز مرورك الكريم

تحياتي واحترامي ..

 

 

 

 

[معلومات العضو فارس الدبالين]

اقتباس:المشاركة الأصلية كتبت بواسطة بدر سلطان التماميصح السانك مليار

صح ابدنك يابوسلطان ولاهنت على مرورك

 

 

 

 

[معلومات العضو فارس الدبالين]

اقتباس:المشاركة الأصلية كتبت بواسطة شافي النتيفاتصح لسانك يافارس الشعر ما تكتب الا معلقات

دائما مبدع

تقبل مروري

ارحب ياشافي

وصح ابدنك يالقرم .. ومرور اهل الجزاله مثلك وشرواك شرف بحد ذاته

لاهنت وبيض الله وجهك على تعليقك الطيب

تقديري واحترامي .