أخترت لكم ابيات من قصايد ابن جدلان

[معلومات العضو سعيد الصخابره]

كل الجوارح فيك تنطق لي من عيونك كـلام
يا حبذا لو مـن لسانـك تنطقـه يـا حبـذا
يا حبذا لو تتخـذ وضعـي بعيـن الاهتمـام
من كثر درهامي و را طرد الهوا حالي جذا

==========================

اناعشت بالشدات ماعشت بعنايه

وصحيح اني بدوي لياقلتوا ابدوي

عطاني زماني من تجاريبه اكفايه

وعرفت الخطا والصح والنقص واللوي

وبرق لي على الضيحه كما برق مرايه

ووردني سرابٍ من طمع فيه ماروي

===========================

شعاني حمامٍ فوق روس النوامي خلج = تغنّي على روس النعانيع منسجمه

الاحيه من فرقاك يابو خدودٍ بلج = عسى لايم الميلاف عبرود ابو نجمه

محبتك حطّة في محاني ضلوعي فلج = كما فلج سيلٍ الواديٍ ضكتّه عجمه


===================================

انا يوم اجيّ وأمركم ياوليفي حنج = ولا وديّ أقرابك تلدّ النظر فيّه

لعبّ بيّ غرامك فالخفا لعبة الشطرنج = ليا دار لعبه بين الأعضاء السياسيه

وسبح بي غرامك سبح موج البحر فاللنجّ = غفلت وغدابي حبّك شويّه ..شوّيه

لاشفت زولك قام يدخل أعظامي بنج = أسولف مع العالم وقلبي له نحيّه

======================================


ياكبديّ الليّ من الحرمان منهشمه = فيها من العام نجارٍ بشاكوشه

والليّ هشمها شفاتٍ دونها حشمه = أرهى على الليّ تبي نفسي ولا أنوشه

حجزٍ يرّد الرجاوي من ورى خشمه = وأنّ رده الحجز والاّ ضاع فالطوشه

عمّر بيوتٍ على بيبانها رشمه = وبطونها بأفخم الشيراز مفروشه


========================================


همومي على الرقده من النوم جزتني
................وقلبي هواجيسه مع الهم لعبت به

ولاحركت دقات قلبي تشاوتني
................وغنى لها الشيطان صوت تلاحت به

على مركب الأوهام والهم شالتني
................وعلى سيف بحر اليأس ركت ورست به

ولاصورت خلي على الطيف نبتني
................ولاقمت ماغير الخيال اتلفت به

=======================================


هني الذي لاحل طاري وليفه طرب
................وانا صاحبي لاحل طاريه عزربي

انا وين ابلقا واحدً زايره في قرب
................يجيب الخبر من صاحبي ويتوجربي

يداوي كبودً من سموم المفارق جرب
................كبود العرب ينقص عناها وهي تربي

========================================


فترى من يعذل مولعٍ من هوى غاليه = مثل من يحاول يعدل السيل من منحاه

فأنا شفت ناسٍ صلحوّ فالهوى تشويه = لا عيّن وليفه مخلصٍ كلّ يومٍ جاه

لوّ انّ الهوى ذالنوع محدٍ تعذّب فيه = الكل أهتنى فالحبّ حتى الطلي والشاه

========================================


نور وجهك على من شاف منك القبول
................نور صبحً تبسم في رهاد الجبال

كني اقراء على طرة جبينك تقول
................انا قلبي يحبك ياحبيبي تعال

كان قدمي حدٍ فـالحب راح مهبول
................والله انه خطير لايجيني هبال

المحبه جملها مرسل ومعقول
................نعنبو من يقول ان المحبه خبال

والذي ليلة الأسراء عرج بالرسول
................ان حبك لحال وحب غيرك لحال


===============================
ياأهل القصيد مراسلين الجرايد
................تكفون صونوا كلمة الشعر تكفون

خلوه يلقا من وراها فوايد
................فيدوا وخل غيركم يستفيدون

لاتعرضون نفوسكم للنقايد
................الرابح اللي من غثى الناس مصيون

=================================

 

 

 

 

[معلومات العضو ناصر بن فهد]

صــح لسان الشاعر /سعد بن جدلان الاكلبي



وصح لسانك يا سعيد




ولاهنت على النقل الرااائع


*

*

آحــــترامي

 

 

 

 

[معلومات العضو سعيد الصخابره]

ناصر الفصام

لاهنت على المرور الرائع

 

 

 

 

[معلومات العضو العنووود]

بن جدلان مبدع..... وشعرهـ غااااااااااية الروووووعه......... الحكمه بين طياته....











أخوي ........... اختيار مووووووفق ومبدع.... منك ومن اختيارك....

 

 

 

 

[معلومات العضو برنسيسه الريــــاض]

صــــــــــــح لساااانكـ ولساااان ابن جدلااان

 

 

 

 

[معلومات العضو نايف الخييلي]

الله يعافيك ياسعيد على هذه الاختيارات الجزله الشامخه للشامخه للشاعر الكبير
سعد ابن جدلان

 

 

 

 

[معلومات العضو محمد بن حمد الشكرة]

صــح لسان الشاعر /سعد بن جدلان الاكلبي



وصح لسانك يا سعيد




ولاهنت على النقل الرااائع

 

 

 

 

[معلومات العضو ابو عمر الشمري]

لاهنت ياسعيد ,,, ابن جدلان اسطوه

 

 

 

 

[معلومات العضو سعيد الصخابره]

العنود

برنسيسه الرياض


نايف الخييلي

ابو حمد

ابو عمر


مشكورون على المرور الرائع تحياتي لكم