التغطية المصورة لـــ حفل عشاء الشيخ عماش بن مبارك آل صغير العمور لــ أبناء عمومته قبيلة الخييلات

[معلومات العضو الإداره]

الحمد الله رب العالمين والصلاة والسلام على سيد الأنبياء والمرسلين سيدنا ونبينا محمد ابن عبدالله وعلى آله وصحبه ومن وآلاه ومن اهتدى بهديه واستن بسنته إلى يوم الدين إخواننا أعضاء وزوّار وروّاد الموقع الرسمي لقبيلة الدواسر أعدّ التقرير عضو مجلس إدارة الموقع الأستاذ / فهد بن هادي الغريري الشيخ عماش ابن صغيـر والدواسـر والعمـور=والعزوة الي في صروح المجد شعشع صيتها دواسـرٍ تكبـر مواقفـهـم الـيـا كـبـرت الامــور=والـنـعـم بالـجـيـره وبـالـخـوه الـيــا خاويـتـهـا بعد الردى منهم مثل بعد الكمال من القصـور=وقـــرب الـوفــا والـطـيـب مـنـهــم شـفـتـهـا الشيخ عماش بن مبارك آل صغير العمور لطيب نبراس وللعلوم الطيبه اهلها من باب التنافس الشريف ومن باب لم الشمل والمحبة ،ومن باب الإخاء بين أبناء العمومه. وفي ليلة فريدة وفي تجمع عـز وطاعة وفي لقاء أنس ومحبة ، في جو أخوي زاد من جماله ذلك التجمع الرائع بين أبناء قبيلة الدواســـر. وضمن ما يقوم به الموقع الرسمي لقبيلة الدواسر العريقة من تقديمٍ لتغطياتٍ مختلفة ومتنوعة لـ جميع أحداث قبيلة الدواسر المختلفة بكل مكان ، فإننا ليسرنا أن نستعرض عبر هذا المتصفح حفل عشاء الشيخ عماش بن مبارك آل صغير العمور لــ أبناء عمومته قبيلة الخييلات. وذالك بــ مجالس الشيخ عماش بن مبارك آل صغير العمور بحي (السلطانه) بــ الظهران .حيث تشرف الموقع الرسمي لقبيلة الدواسر العريقة بدعوةٍ من قبل الشيخ الشيخ عماش ، وبدور إدارة الموقع الرسمي للقبيلة قدمت الشكر والتقدير للشيخ على الدعوة الكريمة وأيضاً تشرف الموقع بتغطية هذه المناسبة. وكان من ضمن الحضور:الشيخ مشلح بن عايض النتيفات والشاعر فراج ابوالسان السبيعي والشاعر مانع بن شلحاط والاعلامي محسن بن عبدالله الحقباني والشاعر عبدالله بن صالح الصليبي و فهد بن صالح الصليبي والاعلامي فهد بن هادي الغريري والاعلامي راشد بن حماد الغريري والشاعر صالح بن محمد الصليبي الحقباني لأن مثل هذه المناسبات لابد لـ الشعر أن يكون له حضوراً ، ولأن مثل هذه المواقف العظمى لابد أن تسجل وتدوّن بأبيات القصيدة . إستهل الشاعرمحمد بن مبارك الشرع العمور, بــ قصيدة ترحيبية بسم اهل الحفل: الشاعر محمد بن مبارك الشرع العمور أطـرق مـن بـحور القصيد الجديدات=وارقـى بـها مـن فـوق روس الـطويلات لا جـيـت ابـبـدا فـالـقصيدة تـسـامت=مـن طـول قـامات ٍ ومـن كـبر هامات حــروفـهـا تــــدري وتــــدري الـمـعـانـي=إنــي طـرقـت بـهـا طــروق ٍ عـظيمات مـن كـبر مـمدوحي تـهول القصيدة=وتـشـوش لا مـني ذكـرت الـخييلات أي والله خــيـيـلات فـــي راس وايـــل=ذبــاحــة الـشـيـخان يـــوم الـمـلاقـات إي والله خـيـيـلات فـــي راس تـغـلـب=يـــوم الـلـيـالي والـمـواقـيف عــسـرات إي والله خــيــيـلات وابـــنــا مــحـمـد=جـــد ٍ جـمـعـنا عــلـه يـــرود جـنـات الاد الاخــيـل مـمـنـة كـــل جــانـي=عـدوهـم يـقـفي وهــو جـمعه شـتات والاد الاخـيـل مـكـرمة مــن نـصاها=يلقى الشحم فوق الصحون الوسيعات والاد الاخــيـل يـــا رجــال الـزعـامة=بــيـن الـقـبـايل هـــم مـقـاديم رايــات خــيـالـة الــشـرفـا مـسـامـيـر أشــــدة=وخــيـالـة الــشـرفـا زبـــون الـونـيـات خــيـالـة الـشـرفـا مـخـانـيز الارمـــاح=وخـيـالـة الـشـرفـا صـنـاديد وقـفـات الاتــراك ذاقــوا ضـربهم ثـم قـفوا=وروســـهــم مـــمــا لــفـاهـا عـطـيـبـات ويـــوم الابـــرق مـثـل يــوم الـيـمامة=تــاريـخ مــع تـاريـخ يـجـمع بـطـولات والــيـا غــزاهـم عــايـل ٍ يـكـسرونه=ويـقول مـثل الـي بدع ذيك الابيات يـــــا ســابــقـي تـسـتـاهـلين الــبـريـره=لا جــاء نـهـار ٍ مـثـل يــوم الـخييلات اقــفـت بــه الـسـابق ونــال الـسـلامة=وقـام يـتحمد خـالق الـكون ما مات الشاعر مبارك بن مناحي العمور ثم ألقى الشاعر مبارك بن مناحي العمور قصيدةً بهذا المناسبة ، حيث يقول في قصيدته : يامرحبا ترحيبتن تطرب البال=مشاعرن تسري من القلب وتغير على الهجوس اللي لها القلب مدهال=وتعانق العليا مع السحب والطير عن العمور وبسم عماش تنقال=وعدها بين الوجيه المسافير صوب الخييلي سقت عذبات اﻻمثال=وصخرتها من هاجس الفكر تصخير وعداد ماهب الهوى والغصن مال=يامرحبا" بضيوفنا و المسايير يالاد محمد طيبكم مضرب امثال=مهما يطول الوقت مافيه تقصير افعالكم تبقى من اجيال لجيال=مواقفن اتشوش فيها المناعير كرمان فالمجلس وفالهيه ابطال=وعن مدحكم تقصر جميع التعابير الجد واحد جمع العم والخال=والله يجمعنا على العز والخير الشاعر صالح بن محمد الصليبي الحقباني ثم ألقى الشاعر مبارك بن مناحي العمور قصيدةً بهذا المناسبة ، حيث يقول في قصيدته : للناس طبع ولي طبيعه وتوجيه=بخيل شح و فالمواجيب طماع اتعب على درب الوفا واحترف فيه=طبع ً ورثته من كريمين الاطباع جدي وابوي اللي جزال ً مساعيه=اللي مساعيهم على خير الاسناع اهل الوفا والدين والضيف تقريه=ماردهم عن طيبهم عسر الاوضاع وياهيه ياللي طيبات ً مباديه=اسمع كلامي واحفظه و أرخ الاسماع سدك على ولد الردي لا تبديه=اللاش لا يفزع ولاهوب نفاع عليك باللي طيبات " مواريه=خطوا ابلج " وقت الصعيبات فزاع اللي دروب المرجله من مماشيه=ماهوب من كثر المخاسير جزاع اللي يحبك وانت بالحيل تغليه=وليا نخيته فالصعيبات قطاع يرخص حلاله في لزومك ويهديه=وله في فعول المرجله والوفا باع شرواك ياعماش حاضره ماضيه=له شهرة ً بدت على كل الاصقاع يبو مبارك طيب الفعل تحريه=ودروب مرجلتك شهيرات ووساع عمري وعادات العميري تبديه=من عادته ممشاه مطلاع مطلاع حر ً شهر جمعا المطاليق تغريه=من ماكر ً غطا على كل الانواع مجرب ً ممشا المراجل يهاويه=حر ً على كسب النواميس زواع والطيب يشوش علا طيب عانيه=وانا اتنومس به وذكره الى شاع يستاهل الممدوح ماقلتنا فيه=مجده يمجدني وصيته ليا ذاع الشاعر خالد بن حليس الخييلي ثم ألقى الشاعر خالد بن حليس الخييلي قصيدةً بهذا المناسبة ،حيث يقول في قصيدته أقول من مبدا القصيده والسلام= سلام ونجوم الشعر حول قمره لكبر قدر في المجتمع وارفع مقام= الشعر في حضرة جنابه اشهره ومن باب تقدير الشعر والاحترام= اتعب معه طول الليالي واسهره اندره.. وانقى.. الدرر عند الحشام=وسوق نوه .. ويتقفاه امطره واقول ما عندي وثمن للكلام= لجل الشعر اروي يباسه وشجره والشعر في عماش ماخذ له وسام= من حقه الشاعر ليا زاد فخره واقول يا عماش دام العز دام= والله يعز اللي محله اعمره دمث الجناب اللي رقى صدر الغمام= وجه آل محمد كل مجدن سطره في كل يوم وكل شهر وكل عام= وكل جهد وكل فعلن ما اذخره مهوب حكر مدحه على بعض الأنام= مدحه لقا في مسلك الشعر اسفره حريص يبغى للربع زود التحام= ماكر حرار وكل كسرن يجبره شيخً شهر بين القبايل والعوام=كل مدلى براي جا فيه اثمره مجمل آل محمد ودار الامام= لاد العميري فعلهم ما نحصره سقم المعادي عز حماي الجهام=في نهارن كل ربحن يخسره لجل الوطن والدين جلاي الظلام= ومن حدته دنياه والوقت اعسره يقوله الشاعر ولا ظني يلام= لامن حمد ربه على العز اشكره الشاعر فراج ابوالسان السبيعي ثم ألقى الشاعر فراج ابوالسان السبيعي قصيدةً بهذا المناسبة ، وبعدها قدمت هدايا تذكرية من قبل الشيخ عماش مبارك آل صغير العمور عباره عن جنبية حضرمية الشاعر سعد آل بريك الشاعر مدعث بم محمد بن جريس الخييلي الشاعر خالد بن حليس الخييلي الشاعر صالح بن محمد الصليبي الحقباني صــور عــــامــه من المناسبة وختاماً، فإنه ليسر إدارة الموقع الرسمي لقبيلة الدواسر أن تتقدم بخالص الشكر والعرفان لـ لشيخ عماش بن مبارك آل صغير العمور على هذه الإحتفاليّة ، وإن هذا ليس بمستغرب منه والشكر على حسن الاستقبال والترتيب. (صوت قبيلة الدواسر) الموقع الرسمي لقبيلة الدواسر www.alduwaser.org

 

 

 

 

[معلومات العضو راشد المسعري]

بيض الله وجه الشيخ عماش العمور على هذه الجمعا الطيبة ويستاهلون الخييلات الكرامة جعلهم المعزه
لاهنت يابو راشد وجعل بني عمنا بخير اليوم ودوم .
تقبل ودي وتقديري ،،،

 

 

 

 

[معلومات العضو نآصر البدراني]

الشيخ عماش بن مبارك آل صغير العمور كُفو وربعنا الخييلات يستاهلون



الله يجمعهم على المعزه والمحبه


لاهنت يا ابو راشد