هذا حديث ضعيف جدا جدا!!

[معلومات العضو حمد ابن فهد]

أخوان ايتام واحد ٍ مطوع والثاني هواوي

الاول امام مسجد وراعي طاعه والكل يثني عليه


والثاني

عكسه تماما هواوي ومن محل الى محل وراعي صيد وله خاله دايم يزورها ويساعدها ويعاونها والخاله عندها بنت والرجال عاشقها ويقوم بخدمة الخاله عشان هالبنت وعاشقها على النقاء

وفي ليله عقب ما سوى العشاء وضبطه جاه اخوه المطوع وقاله

يا فلان انا طالبك مطلوب

قاله انت تامر لا تقول طالبك

قاله المطوع اجل قل تم

قال تم

قاله انا نويت الحج ان شاء الله وابيك تمسك المسجد مكاني !!

قال يا خوي انا ماني في المسجد انت خابرني من الفجر وانا اطلع واتصيد واروح يم خالتي واساعدها وانت عارفني

قال ابد خالتك تجيها يوم الجمعه مسجدنا هذا ما يصلون فيه الجمعه يعني تصلي من السبت الى الجمعه الفجر وعقبها تروح لخالتك وتساعدها وتجي قبل صلاة العصر

قال يصير خير !!


اثر الرجال يحسب ان اخوه يبي يغير رايه ويشوف غيره ويوم صلوا الفجر


قال المطوع بعد الصلاة

يا جماعه سامحوني وبيحوني وحللوني انا رجال حجاج وابي احج
قالو مسموح لكن من هو اللي يبي يمسك المسجد عقبك !!؟


قال المطوع اخوي فلان !!!

شافوه جماعة المسجد وهم خابرينه صلاته لك عليها وقالوا لا ان شاء الله فيه البركه وفيه الخير

والرجال موجود يوم تأكد ان اخوه صامل ودرى ان أمر لابد منه

وقبل لا يمشي اخوه المطوع قال له

تراني معود الجماعه كل بعد صلاة العصر تقرى عليهم حديث ولا حديثين

قال ابشر وما عليك


عاد صوت الهواوي طيّب وعليه جر صوت يشلع القلوب

وكل بعد صلاة عصر لا جاء يحدث عليهم قام يشيل الحديث بصوته شيله والجماعه مستانسين ويقولون ليت اخوك حاج مبطي ما شاء الله على هالصوت الزين

اخذ له ثلاث ولا اربع ايام على هالوضع وما يتعدى المسجد

لكن خالته افقدته وقالت فلان ابطى علينا ما عاد يمر ابي اروح اشوف وش فيه لا يكون صاير له شي ولا مريض

الخاله راحت تنشد وقالت من عيّن اليتمان
وقالوا لها واحد حج والثاني في المسجد


قالت اجل اكيد اللي حاج فلان وما انقطع الا انه حاج

قالوا لا والله اللي حاج المطوع وفلان في المسجد

قالت فلان بالمسجد !!!

قالوا ايه وهو اللي يصلي فينا كل صلاة

قالت سبحان الله والله يهدي من يشاء
عودت الخاله يم بنتها وقالت ما عليه ابشرك تراه طيب لكن ماسك المسجد وما يقدر يجي

قالت البنت :: فلان ماسك المسجد لا والله ما اصدق هذا ما هو راعي صلاة ما اصدق الا لين اشوفه بعيني !! وابيك تسمحين لي ابي اروح اشوفه !!

يوم جاء اليوم الخامس ولا السادس ولا هي تكشخ وتزيّن قبل صلاة العصر ناويه تروح تشوفه

والمساجد القديمة اكثرها مكشوفه

اذن العصر ويوم وصلوا الناس وجاء وقت الاقامه الا على وصول بنت خالته معاها حريم بعد لكن هو يعرفها وهي جت على يسار الصفوف

والهواوي ما درى وهو يقول لواحد ٍ عنده اقم الصلاه

اقام الصلاة وهو يتقدم ويلتفت يمينه ويقول

استوااا


والتفت يساره ولا يشوف بنت خالته اللي عاشقها
يبي يقول اعتدلواا

قال ::

تعدلوا يأهل القلـوب المواليـف........ صفوا ورى القراي خمسة صفوفي
حلفت باللي عالم السـر والغيـب...........مرجع بصر يعقوب عقب الكفوفي
إنك هواي بلابسـات المشانيـف.............. والكاذب الله يجعله مـا يشوفـي

الله واكبر !!!!!!!

ويوم خلص ولا له ولد عم ملكع اشوي قال له فلان بالله عيد الحديث اللي قلته بين الاقامه والتكبير
قال الرجال لا لا يا فلان هذا حديث ضعيف جدا جدا ولا له اسناد ولا يعااااد


تقبلوا تحياتي

 

 

 

 

[معلومات العضو محمد راشد النتيفات]

ابو فهد



لاهنت على نقل القصة الجميلة

 

 

 

 

[معلومات العضو حمد ابن فهد]

المشاركة الأصلية كتبت بواسطة محمد راشد النتيفات

ابو فهد



لاهنت على نقل القصة الجميلة

ومن قال ماهان يابوراشد تشرفت بمرورك الكريم

 

 

 

 

[معلومات العضو مبارك بن شافي النتيفات]

تعدلوا يأهل القلـوب المواليـف........ صفوا ورى القراي خمسة صفوفي
حلفت باللي عالم السـر والغيـب...........مرجع بصر يعقوب عقب الكفوفي
إنك هواي بلابسـات المشانيـف.............. والكاذب الله يجعله مـا يشوفـي

الله الله

سلمت يمينك والله لايهينك على نقل هذه القصة الجميلة

مبدع دائما يابوفهد

الله يعطيك الف الف الف عافية على الانتقاء المميز

تحياتي ووافر احترامي

 

 

 

 

[معلومات العضو ابتسامة دفى]

حــــلوووووووووه ~ {..قصه ُتمتِع الذًائقَة .. هُنا ُسررتْ بالتْجُوال بينً أحداث القصه وَيبقَىْ ـآلْجمآلَ وَـآلتَمَيَزْ حِليِفَكْ رآئَعْ مآَجآدتْ بِه ِذَآئَقتْك َـآلعَذَبةْ طَاابَ مَدااَك ..يَانقَااء تح ــيتي

 

 

 

 

[معلومات العضو شافي بن راشد النتيفات]

قصة طريفة ورائعة سلمت يمينك على نقلها يابوفهد

 

 

 

 

[معلومات العضو حمد ابن فهد]

المشاركة الأصلية كتبت بواسطة مبارك بن شافي النتيفات

الله الله

سلمت يمينك والله لايهينك على نقل هذه القصة الجميلة

مبدع دائما يابوفهد

الله يعطيك الف الف الف عافية على الانتقاء المميز

تحياتي ووافر احترامي

ارحب يابوشافي ولاهنت لمرورك الكريم

 

 

 

 

[معلومات العضو حمد ابن فهد]

المشاركة الأصلية كتبت بواسطة ابتسامة دفى

الاحلى مرورك العطر مشكورة ياابتسامة دفى

 

 

 

 

[معلومات العضو حمد ابن فهد]

المشاركة الأصلية كتبت بواسطة شافي بن راشد النتيفات

قصة طريفة ورائعة سلمت يمينك على نقلها يابوفهد

حياك الله يابوشالح مرحبا بك وبمرورك الكريم

 

 

 

 

[معلومات العضو برق الدواسر]

لاهنت على نقل القصة الجميلة

 

 

 

 

[معلومات العضو فلاح بن عايد]

لاهنت على نقل القصة الجميلة

 

 

 

 

[معلومات العضو حمد ابن فهد]

المشاركة الأصلية كتبت بواسطة برق الدواسر

لاهنت على نقل القصة الجميلة

ومن قال ماهان يابرق الدواسر

 

 

 

 

[معلومات العضو حمد ابن فهد]

المشاركة الأصلية كتبت بواسطة فلاح بن عايد

لاهنت على نقل القصة الجميلة

ومن قال ماهان يافلاح بن عابد