رد ناصر بن دهيم على الضمني بالمدح

[معلومات العضو ولد الدكتور الخيلي]

قال مفرح الضمني:




ودك الى راجعت مركز حكومـه تلقى مديره بالعمل كنه( بـداح)
(ابن دهيم) اللي تنومس علومـه تجيه ضايق بال وتروح مرتـاح
طيّب ونفسه للمراجـع رحومـه بالطيب علّق له نياشين واوشاح
واليا لبس تاج الشرف مع نجومه تفتح لك الابواب من غير مفتاح
من لابةٍ عند الرجال امحشومـه (اولاد زايد) مهدية غال الارواح
لاجا نهارٍ فيـه بيعـه وسومـه تعرف مواقفهم الا صاح صيـاح
اقولها والطيب تعـرف سلومـه على النقا ما هي هرابيد مـزاح



وقد رد على الضمني الشاعر:ناصر بن محمد دهيم الغييثي الدوسري أخو المقدم بداح




يامرحبا باللـي يشـرف قدومـه مفرح الضمني له انزف الافـراح
من لامني فـي حبـه الله يلومـه الشاعر اللي كنـه البـرق لا لاح
كن القوافي في يديـه امحكومـه عزيز نفـس وللنواميـس مـداح
يامـادح كحيـلان هـذا لزومـه في خدمة اللي مثل شرواك ماشاح
لجل الوطن يبذل وتقوى عزومـه كسب النعم تسوى ملايين الارباح
الطيب بين اهل الوفا الله يدومـه ومثلك يابو فيصل به الطيب ماراح
امعرب الجـدان وامطيـر قومـه خيالهم يقبل على المـوت نطّـاح
يوم الزمن قاسي وزادت سمومـه افعالهم تشهد لها علـط الارمـاح
من حط حمران النواظر خصومـه ماله مع اهل العز قيمه الى طـاح
كل الشكر للـي يشـرف قدومـه مفرح الضمني له انزف الافـراح




وسلامتكم،،،
وش رايكم بهذه القصيده؟؟!!

 

 

 

 

[معلومات العضو سالم بن صمهود]

صح الله لسان الشاعر العلم مفرح الضمني وصح الله لسان الشاعر المبدع ناصر ابن دهيم والممدوح يستاهل ولاهيب غريبتاً عليه العلوم الغانمه

 

 

 

 

[معلومات العضو الشقرديه]

صح لسان الشاعرين الكبيرين لاهنت اخي على النقل الشقرديه

 

 

 

 

[معلومات العضو بوحمد الحمد]

صح الشاعر

ولاهنت عل ماقدمت

وان شاء الله ماتحرمنا من اي جديدي

تقبل مروري

 

 

 

 

[معلومات العضو ولد الدكتور الخيلي]

اشكر كل الاخوان على مرورهم الطيب والهه لا يهينكم

تقبلوا تحياتي

اخوكم محمد شافي السلامان الخييلي

 

 

 

 

[معلومات العضو لا عوى الذيب ذيبه]

أبيــــات روووعـــه

كلك ذوق وربـــي ..

اللــه يعطيك العــافيه ولاهنت ..