جروح العرب تبرى وجرح الاخو قتال..وجرح العرب واحد وجرح الاخو جرحين

[معلومات العضو خالد المشاويه]

السلام عليكم ورحمة الله وبركاته

انقل لكم هذه الدره وانا شبه يومي اسمعها ولا مليت منها
للشاعر / علي بن حمري الحبابي


يارب تسهـل الامـر وتزيـن الاحـوال
ترانـا بـلا رحمتـك هلكـا ومتهاويـن
ولا عندنا غيرك ليا صك جـال(ن) جـال
ضعـوف الاوادم ياقـوي فيـك متقويـن
ابي رحمتك حي وفـي القبـر والاهـوال
نهار الحسـاب مشيـب الرضـع الولديـن
لنا حقوق وعلينا حقـوق وماحـط يشـال
زمـان يخلـي ضاحكينـه مـن الباكيـن
ماينزل به الراحـل ويرحـل بـه النـزال
ومواعيدنـا واجالنـا كـل شـي بحـيـن
فياحـظ مـن طابـت فعايلـه والاعمـال
وياشين حـظ اللـي لاوحـده ولا ثنتيـن
هبوب الزمـان وكنتـه والبـراد اشكـال
تقلب بـه الدنيـا واهلهـا علـى الجنبيـن
ولا اصعب على الصاحيين من كثرة الجهال
ولا اقسى على الجهال من سطوة الصاحيين
عسى الله يصيب مـدور الشـر بالسـلال
وعسانـا لاظـلام ولاحـن بمظلومـيـن
ولانطـرد المقفـي ولانـكـره الاقـبـال
ولانخطي اليـا صـار مانقبـل المخطيـن
لو انهـم تناسـوا فعلنـا مانقـص مثقـال
من اللي تناسوا جعلهـم دايـم(ن) ناسييـن
ولا تذكرونـا غيـر فـي حـزة الانكـال
ليا اشتدت الازمة وخالط صفا الماء طيـن
نطب الخطر والخوف والموت طب هبـال
تقـول اننـا بمقابـل المـوت مستـريـن
بنفنـى وتفنـى عيالنـا بـس لانــزال
عزاز النفوس اللـي علـى حقنـا عييـن
على الراس كوفيه ومـن فوقهـا دسمـال
ومـن دسمالـي عقـال(ن) يميـل يميـن
ولـو ماتحـوش ايماننـا مـال مانهتـال
لو الوقت عاري وجه عشنـاه مستوريـن
ابو خمسة لاقـل مـن قيمـة ابـو ريـال
فبو نصف يقدر يقتل احلام ابـو قرشيـن
مايوجعك يالسائـل سـوا جفـوة السـؤال
ليا صرت تقضي دين ظهرك بمثلـه ديـن
ولا فيه بيت(ن) سالم(ن) من بعض الاشكال
وهدامـتـه قـلـه وبنايـتـه كثيـريـن
لنا ماضي وحاظر مانبكي علـى الاطـلال
مايبكي على الاطـلال ياكـود محروميـن
لهم ماضي(ن) حلوى لكن حاظر(ن) بطّـال
وذولا عرب موتـى ولـو عادهـم حييـن
تقـل العوايـد يـوم تتعاقـب الاجـيـال
وسلوم الرجـال الاولـه تتعـب التالييـن
ولو نبكـي اللـي راح ياويـل حـال
والبعـد روحـوا شيباننـا الزحـل الوافييـن
موصيننا بالصدق فـي القـول والافعـال
وفي جمعة تهتاب مـن قوهـا الطامعيـن
غدينا شتات وحن عيال(ن) علـى رجـال
رخصنا والاجناب اصبحوا عندنا غالييـن
نحب الجمل والحمـل ونعـذرب الجمـال
وهو اللي يقود الزمل من ويـن اليـا ليـن
مـن اول يـوم القـل والمـال ماينطـال
قبل شركة الكهرب تنـور بيـوت الطيـن
يوم ان الرفيق اغلى من الـروح والمنـزال
ويوم ان الرفيق ان غاب نفقده فقد(ن) شيـن
وذلحين الاخ يقاطع اخـوه حيـل وحـال
ولا حستـه الايـام ولا غـراب البـيـن
اخوي ابن ابوي ان كان مايـردع العيـال
اليا عال فيني رحت به في ( سند الاثنيـن)
ابيعه كـذا واشـرب ورا بيعتـه فنجـال
وانا دون عمري قبل يولـد الـى ذلحيـن
جروح العرب تبرى وجرح الاخـو قتـال
وجرح العرب واحد وجرح الاخو جرحيـن
ولـو يبتلـى والله ماخليـه ليـن يـهـال
علي القبر ولا انتصر لـه مـن الغاوييـن
يقولـون جيبـك اكبـر اخوانـك العقـال
وانا اقول وقفة الاخ تسوى كتوز الصيـن
عطاني الزمن كل شي الا مـره واطفـال
عسى الله يكمل زينتي فـي الحيـاة اميـن
لاتحزن ولا تزعل تماسـك وهـد البـال
ترى العاقل اللي يحسب حساب وقته زيـن
رفيقك تحمـل لـه ثـلاث لاشـك ثقـال
لكن رابعته افطن لها واخـذ حـق وديـن
والاولاد وهبـه لاعمـام(ن) ولا بخـوال
عسى الله يصلح ماعطانـا مـن الجنسيـن
ياكم بنت خامل جا ولدها بطـل الابطـال
وكم بنت شيخ(ن) جا ولدها قصيـر ايديـن
زكـاة العـوال معاكستهـا زكـاة المـال
لاطاب الك واحد فادفـن عوالـك الباقييـن

وهنا شيلة ولكن ليست كامله فالمقطع

 

 

 

 

[معلومات العضو راشد المسعري]

عسى الله يصيب مـدور الشـر بالسـلال
وعسانـا لاظـلام ولاحـن بمظلومـيـن

ههههه

اللهم آمين

صح لسان بن حمري كما سمى نفسه " راية الشعر "

وصح لسانك على النقل المميز يابو غازي

تقبل ودي وتقديري ،،،،

 

 

 

 

[معلومات العضو بنت الذيب]

صح لسانه كل بيت اروع من الثاني

بن حمري شاعر مميز وله شعبية كبيره عندنا

وصح لسانك ياأخوي خالد على اختيارك الرائع

دمت بخير

 

 

 

 

[معلومات العضو شافي بن راشد النتيفات]

لاهنت على النقل الر ائع يابوغازي وصح لسان بن حمري

 

 

 

 

[معلومات العضو مبارك بن شافي النتيفات]

صح لسانك يابوغازي ولسان ابن حمري

تقبل مروري