![]() |
#1 | ||||
|
![]() السلام على الجميع ورحمة الله وبركاته في البداية أعتذر عن التوقف المؤقت في الفترة الماضية لظروف خارجة عن الإرادة ويشرفني إهدائكم هذه المقطوعة المتواضعة ( دواسر الكويت ) والتي لاتفي الرجال الذين نـُظمت فيهم حقهم أبداً ولكنها محاولة متواضعة للتعبير عما وجدناه من كل أبناء عمومتنا الدواسر خلال زيارتنا للكويت من حفاوة الاستقبال ، وكرم الضيافة ، وكل مايحق لنا جميعاً أن نفتخر به ( وهذا بالتأكيد ديدنهم وليس أمراً غريباً عليهم ) وكانت هذه القصيدة إحدى قصائد الأمسية الشعرية التي جمعتني بالشاعر الكبير/ سحمي بن سعد بن هتيل في ديوانية ابن العم العقيد/ عبدالله بن جميعه( أبو جراح ) - - - -
من الديرة اللي حبها في الضماير ساح=ولبسنا غلاها لبسة الرجل لهدومه
ديار الملوك اللي خذوها بضرب ارماح=ولاجات بالهدنة ولاهيب مقسومه ديار السعود اللي سكن حبها الارواح=ومن هام في حب أطهر بقاع مالومه قبل يصدع المذن بحيا على الفلاح=غبشنا شمال وكل نوام في نومه ونطحنا نسيم(ن) هب من ديرة الصباح=تعطـّر بكادي وازرق العود يشمومه نصينا رجال(ن) برقهم فالمراجل لاح=وذكر الحيا يكفيك عن باقي علومه وصلنا لكم من داركم والقلوب صحاح=ومعنا رسايل شوق بالحب مختومه من العزوة إللي يوم ذا ذابح وذباح=لهم بصمة(ن) لاهل التواريخ معلومه دواسر إلى منـّه علا للمغير صياح=تباشر بنطح الموت والقومه القومه ولاهيب تخلي كان جاها النذير امراح=دواسر بهم خطوات الامجاد مرسومه دواسر إلى من جالنا من زمانه شاح=بهجنا الصدور اللي من الوقت مكلومه ودون الدخيل اللي من الوقت سده باح=نبيع النفوس الغالية باول السومه وقصير الدواسر بـدّ من جا ومنهو راح=لنا سلم ماتلقاه في باقي سلومه إلى منّ وسم الدوسري في عصاته لاح=يسج القدم وتهاب من وسمنا خصومه وجار الدواسر يوم قـدّر جداره طاح=دفعنا الدية والجار مايلحقه لومه سلوم(ن) تميزنا بها والفعول إيضاح=لنا صفحة التاريخ تنقاد مخطومه وباقي القبايل تكسب أيمانهم الامداح=وكلن خذا من بحر الامجاد مقسومه ألا ياهل كويت الكرم دامت الافراح=بهجتوا صدور(ن) تعشق الطيب وترومه لعبتوا بقلب ضيوفكم لعبة المسباح=وحكمتوا نفوس(ن) قبل ماهيب محكومه دواوينكم من جالها خاطره ينساح=ومن قابل وجيه السعد زالت همومه عليكم عدد مالاح برق وحمام(ن) ناح=سلام(ن) مفاهيم المناعير مفهومه لبسنا المفاخر فوق بيض الثياب وشاح=بعد شوف ربع(ن) عن هل الذم معصومه كسبنا الرجال اللي مكاسيبها الارباح=وهي راس مال(ن) حطـّم المال برقومه رجال الكرم الطيب وان جا السلاح سلاح=سلاح(ن) يشوق العين لاكبرت الهومه وبعد ماجمعنا الله في دار ابو جراح=عسى عظام شيبانه عن النار محرومه وعسى بيرق أهل الطايلة عالي(ن) ماطاح=وعسى بيت راع الطيب ماتدرس ارسومه بياض الوجيه وفعلكم كنه المصباح=تشوفه عيون الخلق ، وتميز وسومه وانا اشهد شهادة حق ماهوب وقت امزاح=ملكتوا قلوب(ن) قبل ماهيب محكومه
آخر تعديل نايف بن مسرع يوم 21-08-2007 في
02:03 PM.
|
||||
|
![]() |
![]() |
#2 | ||
|
![]() الشاعر الكبير المحترم / نايف بن مسرع
|
||
|
![]() |
![]() |
#3 | ||||||
|
![]() اخي الغالي الكريم
|
||||||
|
![]() |
![]() |
#4 | ||
|
![]() نايف بن مسرع
|
||
|
![]() |
![]() |
#5 | ||
|
![]() صح السانك يانايف وبيض الله وجهك ويستاهلون المدح اهل الكويت بني عمنا
|
||
|
![]() |
![]() |
#6 | ||
|
![]()
ديار الملوك اللي خذوها بضرب ارمـاح=ولاجـات بالهدنـة ولاهيـب مقسومـه ديار السعود اللي سكـن حبهـا الارواح=ومن هام في حب أطهر بقـاع مالومـه الشاعر الكبير والمبدع المجّيد "نايف ين مسرع " والله يانايف ان الكلام يعجز ان يخرج مافي الضمير من اعجاب بهذي القصيده التي استوقفتني كثيراً بما تحمل من معاني ويستاهلون اهل الكويت جعلهم المعزه صح الله السانك وعتلا شانك وزادك الله في مقامك جعلك تحيى عز الله إنها قصيدة وافية وأنا من الناس اللي يطالبونك بالمزيد من ما لديك من مثل هذه الدرر.. هذي كلمات قليله في مقامك العالي والسموحه على التقصير تقبل تحياتي وتقديري اخوك/ ابوراشــــــــــــــــــــــــــــد
|
||
|
![]() |
![]() |
#7 | ||||
|
![]() ألا ياهل كويـت الكـرم دامـت الافـراح
بهجتوا صدور(ن) تعشق الطيب وترومه ![]() ![]() وماعليكم زود وبيض الله وجهك الزيـــــــــــــــــــــــــــــــن
|
||||
|
![]() |
![]() |
#8 | ||
|
![]() دواوينكم مـن جالهـا خاطـره ينسـاح=ومن قابل وجيه السعـد زالـت همومـه
|
||
|
![]() |
![]() |
#9 | ||||||
|
![]() صح لسانك يا نايف وبيض الله وجهك اختك مون502
|
||||||
|
![]() |
![]() |
#10 | ||
|
![]()
|
||
|
![]() |
![]() |
#12 | ||
|
![]() بيّض الله وجهك على القصيدة الجزله
|
||
|
![]() |
![]() |
#13 | ||||
|
![]() اخوي نايف بن مسرع لا هنت يالذيب
|
||||
|
![]() |
![]() |
#14 | ||||
|
![]() لا هنت علي القصيده الأكثر من رائعه
|
||||
|
![]() |
![]() |
#15 | ||||
|
![]() صح الله السانك يابو مسرع واعتلا شانك
|
||||
|
![]() |
![]() |
الذين يشاهدون محتوى الموضوع الآن : 4 ( الأعضاء 0 والزوار 4) | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
الوجيه برّاك بن هادي الحضيري المشاوية وأبنائه يحتفلون بزفاف إبنهم المهندس حسين بن هادي الحضيري المشاوية (صور خاصة وحصريّة) | الإداره | :: قسم اللقــاءات والفعاليات والتغطيات الخاصة:: | 15 | 10-02-2011 06:53 PM |
التغطية المصوّرة لزيارات مشائخ وأعيان وأبناء قبيلة الدواسر لـ مجالس ودواوين وجهاء القبيلة بدولة الكويت. | الإداره | :: قسم اللقــاءات والفعاليات والتغطيات الخاصة:: | 8 | 10-02-2011 05:04 PM |
تقديم المجموعة الأولى: السعودية x قطر - اليمن- الكويت | عبدالكريم العماري | :: القسم الرياضي :: | 6 | 28-11-2010 09:30 PM |
التغطية المصوّرة لحفل إفتتاح مبرة قبيلة الدواسر الخيريّة بدولة الكويت. | الإداره | :: قسم اللقــاءات والفعاليات والتغطيات الخاصة:: | 16 | 22-11-2010 09:44 AM |
حسين الدوسري: حديث المتروك جسد مواقف شعب الكويت | برجس ناصر البراك | :: قسم السياســة والإقتصاد والأخبار :: | 0 | 23-05-2010 12:29 AM |
إعلانات نصية |
منتديات صحيفة وادي الدواسر الالكترونية | |||
![]() |
![]() |
||