الدواسر وجيرانهم "نموذج"المصارير في الهدار

[معلومات العضو التغلبي]

هذه القصة كما روت لي تبين مواقف الدواسر المشرف من جيرانهم ..ففي منتصف القرن الثالث عشر الهجري تقريبا 1350 هـ في الهدار اعتق سعد بن عبدالله المصارير المشهور( بسعد بن بنّا) رقبةابن راضي من جيرانهم ال وحيد بعد ان جاؤا به اخوته يقودونه بغترته اثر قتله لرسام بن سعد هذا غهبة في حفل زواج ..
مواقف المصارير من جيرانهم مثل هذا الموقف جعلت عثمان الجنيب يتمنى ان النخل مثل المجاهيم ينقاد حتى يقود النخل و يقطع به مجرى السيل و ينزل جارا عند المصارير حيث يقال ان وادي الحشرج يفصل بين نخل عثمان المذكور ونخيل ومساكن ال ثلاب المصارير بالهدار.

يقول عثمان بن محمد الجنيب من قصيدته :

ليت النخل مثل المجاهيم ينقاد = لامن ندهته ينجذب من بلادي
لامن ندهته ينجذب صوب لجواد= لاد الحبيبي جارهم له سنادي
خشيرهم لاقصّر الوقت بالزاد= مهمب عند الجار قوم حدادي
لو هو وحيد عندهم كن له جراد= ياسعد منهم محزمه في الطرادي
واشيوخنا ال فهيد لاجات وراد= لايبّسن صملانهن الجدادي
تبشر بفنجال مع طيب الزاد= وصحون بر فوقها السمن زادي
وتلقى ال ردهان مداغيش لالاد = ماشين في درب الهدى والقوادي
وتلقى ال جريس ذربين وحداد= ربع على العلياء قروم عوادي
لاياسعد ياشوق مركوز لنهاد= حقك من البيضاء ثياب جدادي
تستاهل الدسمة مع طيب الزاد= وترفع لك العليا بروس المبادي
الجار فيكم زل مهوب بعماد= واعتقت جارك ياصبي المعادي
مايدمح الزلات ياكون لجواد= وفي المقديات يحاربون المعادي
لاد الحبيبي من على عصر بن عاد = كم من عروس لبسوها الحدادي
جيش ال ناهض لاغدى تن وافراد = يفرح بهم من قصرت به الجوادي
ونفّلت في الشيبان فهد وفهاد= اسبور العقيد اللي على القوم عادي
سبور العقيد الي على الكور وشداد = ياما فضو في هجمة من معادي
وتلقى ال جعشان قشعان لالاد = غاراتهم معروفة في الطرادي
حريبهم لا يذوق نوم(ن) ولازاد = وفي الليل مايقدر بصوته ينادي
وتلقى ال شايع مقدم الربع لضماد= حريبهم تكثر عليه المعادي
ونمدح جويعد لاتلافن بلالاد = يثني لعينى مقرعات التوادي
تسمعن يالبيض غضات لنهاد =لاكان عود فطمحن له اعمادي
ونعم بضيا في بيات ال حداد= ماري بمعضد في ليالي الهجادي
هذي فعايلهم قديمات وجداد = وكل(ن) على ماروث جده يعادي
من ياسم الحنوة مع كل وراد= تبنى له البيضاء بروس المبادي
ذا قول عثمان الجنيبي ولازاد= والمدح في لاد الحبيبي وكادي

كتبه:
التغلبي//
17/ 3/1426هـ

 

 

 

 

[معلومات العضو النجم الهاوي]

والنعم بالاد الحبيبي

وبالجميع

لاهنت على هالقصه اللي تبيض الوجه

 

 

 

 

[معلومات العضو تركي ال فنيس]

والله كفوووووووووووووووووووووو بالمصارير لاد الحبيبي

لاهنت يالتغلبي

 

 

 

 

[معلومات العضو أبوفهيد الودعاني]

ونعم وسبعة انعام بالمصارير


وهذه القصه يفتخر فيها كل دوسري


لاهنت ياالتغلبي وبيض الله وجهك وعلومك غانمه


تحياتي لك ،،،،

 

 

 

 

[معلومات العضو الشكري]

والله ونعم بالمصارير

اهل العشر

وباقي ربعنا

التغلبي

الله يعطيك العافيه

على القصه

والقصيده الجزله

واستسمحك على تنسيق القصيده

والف شكر لك

 

 

 

 

[معلومات العضو محمد ال بو زمام]

السلام عليكم ورحمة الله وبركاته

والله والف نعم بالمصارير . ماهي غريبه على الدواســـــــر . الحمدالله

لاهنت اخوي ( التغلبي ) وعساك على القوه .

.

 

 

 

 

[معلومات العضو الـخـيـيـلـي]

لا هنت يالتغلبي .. وبيض الله وجهك على هذا الموضوع الرااائع

ولاد الحبيبي اشهر من نار على علم .. وعلومهم كلها طيبه وترفع الراس

يستاهلون القصيده الاجواد

فبعد ان أصبح خصمهم في قبضة ايديهم مجروراً بغترته ، وفي سعتهم وقدرتهم ان يقتصوا منه .. اعفو عنه لوجه الله .. مقدرين حق الجيره - ( فما اجمل العفو عند المقدرة )

والعفو من شيم الرجال

اشكرك على الموضوع الرائع

 

 

 

 

[معلومات العضو العماني]

ونعم والله بلاد الحبيبي وهم اهل المدح ويستاهلونه

 

 

 

 

[معلومات العضو محمد الغريري]

يستاهلون المصارير يستاهلون

رجال صيتهم ذايع واهل فعايل وعلوم غانمة

وما قصرت اخوي التغلبي على ايرادك للقصة والقصيدة


اخوك في الله

محمد الغريري

 

 

 

 

[معلومات العضو فهد الغريري]

ونعم بالمصارير ويستاهلون المدح لاد الحبيبي عز الله.

وتسلم يمينك يالتغلبي على ايراد القصه والقصيده.

اخوك/ فهد الغريري,,,