نموت لكن ماتموت الكرامة (نايف بن مسرع)

[معلومات العضو راشد المسعري]

قصيدة الشاعر نايف بن مسرع في حفل الدواسر السنوي الخامس برعاية الشيخ فيحان بن شجاع بن سويلمه بمناسة شفاء خادم الحرمين الشريفين حفظه الله.

نايف بن مسرع

على الوطن مزن الفرح جاله بروق
وتناثرت سحبه غمامه غمامه

إمن الرياض العاصمه وارتفع فوق
إلى الحجاز إلى سواحل تهامه

كل الوطن غنى سلامتك طاروق
يامن سلامة هامتك له سلامه

حضنت شعبك يابيض الوجه برفوق
وعطاك حبه لا نهار القيامه

ينبض بحبك في الوطن كل معلوق
يالقامه اللي غير عن كل قامه

في غيبتك الله يجيرك من العوق
بنّا الحزن بارض الجزيرة خيامه

كن الفرح من بين الانجاف مسروق
بصدور شعب يرتفع بك مقامه

عودٍ غلبه الشوق ويدافع الشوق
وطفلٍ تبيّن لهفته في كلامه

يسوقهم حبك على شوفتك سوق
ومحدن يلحقهم بهذي ملامه

انت القراح اللي تروابه عروق
وانت الزعيم اللي نحت له علامه

كل الوطن لمصافح يمينك يتوق
ياثروته ياهامته ياوسامه

طوقتنا بالحب طوق ورى طوق
"الحمد للي رجعك بالسلامه"

وذالليل جاء للشعر ومداعبه ذوق
في حفلة اهل المجد.. راسه.. سنامه

برز لها فيحان يوم احتمى السوق
ومن طيب راسه ماقصر عن مرامه

ينوب عن خطلان الايمان ويسوق
مالٍ وجهدٍ ما يلحّق ندامه

يبرك لها لا قالوا الطاق مطبوق
شيخ كساه من النواميس خامه

يسبق على الطالة ولاهوب مسبوق
وطيبه فرض بين الرجال احترامه

انا اشهد إن الزايدي رايته فوق
شهادة في وجه الايام شامه

دم ياوطن بوجيهنا عن هل البوق
في ظل من حط الاشاوس حزامه

لامن شكا من جفوة الشعب فاروق
أوفى شعب حنا مع أوفى زعامه

الشعب يفرق والقيادة بها فروق
في خندق واحد عصبنا العمامه

وقفاتنا بالكاش مهيب مفهوق
لاميط عن سود الليالي لثامه

وإن كانها للموت فالعمر ملحوق
"نموت لكن ماتموت الكرامه "

 

 

 

 

[معلومات العضو أبونواف الدوسري]

عسى الله يطول في عمر خادم الحرمين الشريفين..

وصح السان أخي الشاعر نايف بن مسرع..

وبارك الله فيك أخي أبومحسن على عرض هذه القصيده..

وفقكم الرحمن..

 

 

 

 

[معلومات العضو عقاب بن هذال ال بريك]

الله الله ياسلاااااااااااااااااام يابوعبدالعزيز صح لسانك وأعتلى شانك على هذه الدره التي أردة أن أقتبس منها بيت لكن ماشاء الله كل بيت أحسن من الثاني . . .

والله يرجع مليكنا أبومتعب معافى بأذن الله . . .

ويستاهل أبومحمد ماقيل فيه . . .

ولاهنت يابومحسن على النقل .............

تحاياي . . .

 

 

 

 

[معلومات العضو مبارك بن شافي النتيفات]

اللهم احفظ خادم الحرمين الشريفين

وصح لسان الشاعر نايف بن مسرع على هذه الرااااائعة

ونايف شاعر جزل ومبدع دائما

لاهنت يابومحسن على النقل المميز

تحياتي وتقديري

 

 

 

 

[معلومات العضو ابو شبيب ال بريك]

اللهم رد خادم الحرمين الشريفين الى بلاده سالمن غانمن

وصح لسان الشاعر وكفو ابو عبدالعزيز

ويستاهل المدح ابن سويلمه

 

 

 

 

[معلومات العضو مناديه]

طول الله بعمر ابو متعب
وصح لسان شاعرنا وبيض الله وجهه
ويعطيك العافيه

 

 

 

 

[معلومات العضو محمد مطلق آل بريك]

وإن كانها للموت فالعمر ملحوق
نموت لكن ماتموت الكرامه
الله الله صح لسانك يأبو عبدالعزيز على هذه الشامخه

ولاهنت يأبو محسن على النقل

تحياتي وتقديري

 

 

 

 

[معلومات العضو فهد المقابله]

عسى الله يطول في عمر خادم الحرمين الشريفين
وصح السان الشاعر نايف بن مسرع


تحياتي وتقديري

 

 

 

 

[معلومات العضو دغش محمد الصخابرة]

اللهم احفظ خادم الحرمين الشريفين

وصح لسان الشاعر نايف بن مسرع
لاهنت يابومحسن على النقل المميز

تحياتي وتقديري