حسن في رثاء اخوه فهد ال ناهش

[معلومات العضو مبارك ماجد ال ناهش]

اقدم لكم مرثية كتبها اخي الرائد طبيب / حسن بن ماجد ال ناهش الدوسري
في شقيقي الشاعر النقيب/ فهد رحمه الله

يا جز قلبي ويا ونيني من اقصاه=ويا حر كبدي ويا تفطّر حشايا
آهٍ على آهٍ وآهٍ ورى آه=وآهٍ بقلبي تشتعل بي صلايا
لا والله اللي راح فهدٍ واويلاه=لا والله اللي راح سهم المنايا
ياكسر ظهري ياعرب عقب فرقاه=ذا محزمي ذا مسندي ذا رجايا
يا وجد وجدي وجد رجلٍ على ماه=تحاوطوه القوم باقصى النحايا
عابوا رجوله واقطعوا كف يمناه=واخذوا بناته من يدينه سبايا
ويا وجد وجدي وجد حسنٍ على أخاه=وجد يتوجّد به كبير البلايا
يا حافرين القبر وسعّوا زواياه=تراه أبو ماجد جزيل العطايا
ويا للي تشيلونه على الرفق ممشاه=تراه يا ما شال حمل المطايا
وحطوه عاليمّه عسى الخير ملفاه=واحموه م التربان راعي الحمايا
وعليكم بستره ولا يقصر رداه=تراه غاض الطرف ستر الصبايا
ولا من كشفتوا راسه أعلوا محيّاه=تراه قبل اليوم راسه علايا
وصبوا على قبره من الماء ما يرواه=تراه مروي يابسين الشفايا
وادعوا عسى ربي يبيحه ويرضاه=ويجعل صحافه من ذنوبه نقايا
والحين... خلوني أنا شوي وياه=عندي مع أخويه عتاب وحكايا
يا خوي رحت وخاطري جاه ماجاه=وانا الكبير ودايم أنت ورايا
ودايم تقدمّني وذا الليل عزّاه=خليتني عقبك أشيل الرزايا
ودايم وانا وياك شورٍ وملواه=وذا الليل ما ردّيت شورٍ و رايا
واليا ناديتك من يرد المناداه=وإنْ جيت أبشكي من يجاوب شكايا
ويا كيف أسج بخاطري مانتب هناه=ولمين ابيّّح يا بوماجد خفايا
وإليا كتبت القاف وشلون تقراه=وإنْ جيت أوصّي من يحفظ الوصايا
وإنْ شفتنا عيالك يا كبدي واحراه=شفت اللي من زولك غدوا لي بقايا
يا خوي قللي أخوك وش له بدنياه=دنيا دنيّه ما بها إلا الدنايا
جريّت قلبي يا فهد من ركاياه=وأدميت مابين الضلوع الحنايا
أبكيك وليته ينفع الحر مبكاه=مير البلا ما يرد زولك بكايا
تبكيك عيني وخافقي يقطر دماه=ويبكي معي يا خوك كل البرايا
ويبكي معي يا خوك دلال مزهّاه=عودّتها للضيف تأتي ملايا
ويبكي معي يا خوك حيلٍ منقّاه=ضرّيتها كل يوم فيها ضحايا
وتبكي معي اعيون ويدين وشفاه=جنّك ضمايا وصدرنّك روايا
يا من ملكت قلوب ناسٍٍ لها جاه=يا من حباك الله بزين السجايا
فزعوا الدواسر سمعوا الذيب وعواه=من طيب فعلك حوّلوا لك حفايا
كل العرب يا خوك والله والله=كله لأجل عينك تصافّوا سرايا
حملك ثقيلٍ يا بوماجد وشلناه=والله يصبّرني ويجبر عزايا
هذا الفتى مثله قليلٍ بالاشباه=ياليت عيال اللاش دونه فدايا
حاز الفخر والعز من كسب يمناه=وكسب الثنايا مايجي بالنوايا
يا لله عسى الفردوس بيته ومثواه=يا لله يا ربّي تقبّل دعايا

حسن بن ماجد ال ناهش الدوسري

 

 

 

 

[معلومات العضو سالم الغريري]

صح لسان يا ابو ماجد وصح لسان شقيقك الشاعر حسن بن ماجد


على مرثية الفقيد فهد بن ماجد رحمة الله عليه واسكنه فسيح جناته


واحسن الله عزاكم والله يجبركم في مصيبتكم

وجعلكم ما تشوفون مكروه

 

 

 

 

[معلومات العضو الأشعف]

صح لسان الشاعر الرائد طبيب / حسن بن ماجد ال ناهش

وبيض الله وجهك على نقلها

والله يرحم الفقيد فهد بن ماجد ويسكنة جنات النعيم

واحسن الله عزاكم

 

 

 

 

[معلومات العضو ابن ذيب الودعاني]

الله يرحمه الفقيد فهد بن ماجد آل ناهش ويسكنه فسيح جناته

وصح الله لسان الشاعر حسن بن ماجد آل ناهش وقصيدة مؤثرة جدا جدا ـــــــــــ وجعلكم ماتشوفون مكروه

 

 

 

 

[معلومات العضو ابواسرارالودعاني]

صح لسانة أبوماجد ومهما نقول في فهد قليل في حقة هذا الانسان الكريم الشجاع نعم الاخ والصديق في كل لحظة تذرف العين بالدمع علي فرقاة بس هذة الدنيا بحق ماحجوا الناس بيتة وتوجوا طالبين مغفرتك يارب طلبناك في يوم عرفة وحنا وقوف بين يديك ان تغفر لفهد وفي كل لحظة نطلبك ياكريم امين وتعوضة الفردوس الاعلي من الجنة اميييييييييييييييييييييييييييييييييييييييييييييييي يييييييييييييييييييييييييييييييييييييييييييين اخوك وحبيك مبارك بن جاسر

 

 

 

 

[معلومات العضو عبدالله بن عريمة]

الله يحسن عزاءة في اخوة
وقصيدة مؤثرة جدا
والله لايريكم مكروه .. وعسى مثوى النقيب فهد في الجنه
ولاهنت يامبارك على موافاتنا بهذة القصيدة المعبرة والمؤثرة

 

 

 

 

[معلومات العضو ابن وتيد السباعي]

صح لسان يا ابو ماجد وصح لسان شقيقك الشاعر حسن بن ماجد


على مرثية الفقيد فهد بن ماجد رحمة الله عليه واسكنه فسيح جناته


واحسن الله عزاكم والله يجبركم في مصيبتكم

وجعلكم ما تشوفون مكروه

 

 

 

 

[معلومات العضو حنيان الدوسري]

رحم الله فقيدكم وألهمك الصبر والسلوان
إنا لله وإنا إليه راجعون

 

 

 

 

[معلومات العضو عبدالرحمن النتيفات]

الله يرحمه الفقيد فهد بن ماجد آل ناهش ويسكنه فسيح جناته

وصح الله لسان الشاعر حسن بن ماجد آل ناهش

والله انها من اعظم قصائد الرثاء التي قرائت....

اعانكم الله وجبر حزنكم

 

 

 

 

[معلومات العضو مبارك ماجد ال ناهش]

المشاركة الأصلية كتبت بواسطة سالم الغريري

صح لسان يا ابو ماجد وصح لسان شقيقك الشاعر حسن بن ماجد
على مرثية الفقيد فهد بن ماجد رحمة الله عليه واسكنه فسيح جناته
واحسن الله عزاكم والله يجبركم في مصيبتكم
وجعلكم ما تشوفون مكروه

صح بدنك يالقرم
والله يقبل دعاكم ولا يريكم مكروه

 

 

 

 

[معلومات العضو مبارك ماجد ال ناهش]

المشاركة الأصلية كتبت بواسطة الأشعف

صح لسان الشاعر الرائد طبيب / حسن بن ماجد ال ناهش
وبيض الله وجهك على نقلها
والله يرحم الفقيد فهد بن ماجد ويسكنة جنات النعيم
واحسن الله عزاكم

حياك الله

وصح بدنك يالقرم

الله يقبل دعاك ويجزاك خير

تحياتي وتقديري

 

 

 

 

[معلومات العضو مبارك ماجد ال ناهش]

المشاركة الأصلية كتبت بواسطة ابن ذيب الودعاني

الله يرحمه الفقيد فهد بن ماجد آل ناهش ويسكنه فسيح جناته
وصح الله لسان الشاعر حسن بن ماجد آل ناهش وقصيدة مؤثرة جدا جدا ـــــــــــ وجعلكم ماتشوفون مكروه

هلابك يابن ذيب

اللهم امين

جزاك الله خير يالذيب

والله لايريكم مكروه

تحياتي وتقديري

 

 

 

 

[معلومات العضو مبارك ماجد ال ناهش]

المشاركة الأصلية كتبت بواسطة ابواسرارالودعاني

صح لسانة أبوماجد ومهما نقول في فهد قليل في حقة هذا الانسان الكريم الشجاع نعم الاخ والصديق في كل لحظة تذرف العين بالدمع علي فرقاة بس هذة الدنيا بحق ماحجوا الناس بيتة وتوجوا طالبين مغفرتك يارب طلبناك في يوم عرفة وحنا وقوف بين يديك ان تغفر لفهد وفي كل لحظة نطلبك ياكريم امين وتعوضة الفردوس الاعلي من الجنة اميييييييييييييييييييييييييييييييييييييييييييييييي يييييييييييييييييييييييييييييييييييييييييييين اخوك وحبيك مبارك بن جاسر

اللهم امين

حياك الله يابو جاسر

وربي اعلم بغلاك عند الفقيد

الله لايهينك وبيض الله وجهك

 

 

 

 

[معلومات العضو مبارك ماجد ال ناهش]

المشاركة الأصلية كتبت بواسطة عبدالله بن عريمة

الله يحسن عزاءة في اخوة
وقصيدة مؤثرة جدا
والله لايريكم مكروه .. وعسى مثوى النقيب فهد في الجنه
ولاهنت يامبارك على موافاتنا بهذة القصيدة المعبرة والمؤثرة

ارحب ياعبدالله

احب انقل لك شكر وتقدير الوالد والاخوان على قصيدتك في الفقيد

لاهنت يالقرم وبيض الله وجهك

 

 

 

 

[معلومات العضو مبارك ماجد ال ناهش]

المشاركة الأصلية كتبت بواسطة ابن وتيد

صح لسان يا ابو ماجد وصح لسان شقيقك الشاعر حسن بن ماجد
على مرثية الفقيد فهد بن ماجد رحمة الله عليه واسكنه فسيح جناته
واحسن الله عزاكم والله يجبركم في مصيبتكم
وجعلكم ما تشوفون مكروه

الله يقبل دعاك ويجزاك خير

وصح بدنك يالقرم

وعسى الله لايريكم مكروه