ملحمة التاريخ

[معلومات العضو يحيى الودعاني]

	بسم الله الرحمن الرحيم للوطن ملحمة التاريخ من وادي الدواسر,, يزف الشاعر الشاب حمير بن علي الدوسري صادق الولاء,, والحب,, لأرض الحب والسلام مملكتنا الغالية,, وقادتها العظام في رائعة جمعت بين الاسلوب الملحمي والشاعرية الجيدة. وان كانت بعض الفاظها لن يفهمها من ليس مطلعاً على لهجات ابناء المملكة من قبائل ومناطق متعددة,, لكن الشاعرية العذبة يسهل معها الفهم والتفاعل, ومع حمير الدوسري نردد كل كلمة صاغها تحمل الولاء والحب لأهلنا وبلادنا. التواريخ تكتب والليالي تدور=والعرب تعرف القصة ومضمونها جاك عبد العزيز وبيرق الحق نور=من شمال الجزيرة يشعب امتونها قادها الشيخ الاخطل والمنايا تثور=وارخص الروح واللي فات لعيونها يلحق النار نار ويقفي الشور شور=ويتعزوى,, ونار الموت يصلونها وصبحوهم كما اللي بعثروا من القبور=والجنايز عددها ما يعرفونها معه ربع اليا حل القضاء ما تخور=وقفة يعجز التاريخ من دونها واعلنوا الحكم لله ثم لشيخ الحضور=الملك قائد الامة ومامونها وحكم السيف والمصحف ونجد تمور=والمصاحف على الحزات يقرونها وانطفا الشرك واجتذ البدع من الجذور=واعلنوا دولة التوحيد وركونها واعلنوها هل التوحيد شور وحبور=مملكتنا سعودية تعرفونها وسط جيش على التوحيد رأسه يفور=زلزل الارض تحت الشرك ومتونها لين شامت لأبو تركي بحدب الظهور=وارجهنت وزان النور بعيونها ثم حكمها سعود وفاض خير وسرور=ومن عطايا سعود الخير يطرونها واعتلى الحكم فيصل والعرب في نفور=والتضامن ضمن الامة ومضمونها معه راي يهد مزلزلات الصخور=ومع حكمه لو انها تباع يشرونها ثم حكم خالد الشهم الكريم الجسور=ومن عطاياه عجز الناس يحصونها راعي الدين كافل الارملة في الخدور=والفقارى بعدله زاد مخزونها له افضال على الأمة ودعوة شكور=يقصر الوصف عنها لو يعدونها ثم حكمها فهد وافي العهد والشبور=الفهد قائد الدولة وقانونها رائد العلم والتعليم في كل دور=نهضة العلم في عهده يعرفونها وان دارت رحى الحراب تبغي تدور=دارها فوق راعيها ومجنونها فزعته عالجت غل غلا بالصدور=ووقفته كل الامة ما يوفونها مسلسل من الملوك اللي تهد الندور=فيصلي شكايم نجد يرعونها وعاش عبد الله الضرغام ليث كسور=والي العهد درع الدار وحصونها وعاش سلطان سلطان السعد والغيور=قائد السرب الأول لاحتمى كونها وعاش نايف ونايف دايم له حضور=صاطي ضربته الاقصين يوحونها وعاش سلمان نجد وكلنا له نزور=هو أبونا اليا من صكت أقرونها الوفاء والشجاعة وسط رأسه تجور=والسياسة يبرمجها على هونها وحن رجال الدواسر طيبنا من عصور=حافظين العهود وكلنا نصونها جاك جمع الدواسر مثل جم البحور=يعلنون الولاء والدار يحمونها أولاد زايد هل الطالات في كل دور=ودارهم في ولاكم ما اختلف لونها وعاد عيد المواطن والوطن والحضور=عد ما لاح برق وهلت مزونها الشاعر الكبير / حمير علي مناحي الدوسري

منقول

 

 

 

 

[معلومات العضو أبو مقرن]

اخوي / يحي الودعاني

تسلم على نقل هذه الرائعه وحسن الاختيار الراقي 0

 

 

 

 

[معلومات العضو يحيى الودعاني]

ياهلا والله ومرحبا بخوي ابو مقرن
حياك الله

لاهنت على المرور

 

 

 

 

[معلومات العضو عابد]

الكاتب المييز : يحيى الودعاني

تسلم والله يمناك على نقل هذه الرائعة والجميلة

وصح لسانك ولسان الشاعر على هذه الرائعه

لك جزيل الشكر يا رعاد على النشاط الدائم

ولك خالص التحيه

 

 

 

 

[معلومات العضو الخيلاء الدواسر]

يحيى الودعاني

تسلم والله يمناك على نقل هذه الرائعة والجميلة

وصح لسانك ولسان الشاعر على هذه الرائعه

لك جزيل الشكر يا رعاد على النشاط الدائم
وبيض الله وجهك

 

 

 

 

[معلومات العضو فهد الغريري]

الاخ العزيز: يحيى الودعاني



تسلم والله يمناك على نقل هذه الرائعة والجميلة



وصح لسانك ولسان الشاعر على هذه الرائعه



وتقبل تقديري واحترامي



اخوك / فهد الغريري

 

 

 

 

[معلومات العضو يحيى الودعاني]

عابد

الخيلاء الدوسري

فهد الغريري


ياهلا والله ومرحبا

حياكم الله


لاهنتوا على المرور