|
|||||||
30-04-2005, 11:40 PM
|
#1 | ||||
|
الشيخ / عبدالله بن نادر
ياركبن من عندنا فوق مقران=ولد أشقرٍ تزها الموارك متونه أسبق من اللي في الهوى صف جنحان=وإن ناشه العرقوب زادت جنونه يسرح من الدوحة مع وقت لاذان=والعصر قده عندهم ينشدونه سلم على آل حنيش ذربين ليمتن=للضيف ذخر بيوتهم يخرجونه سلام أحلى من حليب كل مسمان=وأحلى من السكر وما يشتهونه ظهرت غصبٍ على كل سكران=وتسابقو لي بابهم يفتحونه مانيب خاطي واحدٍ شاينه شان=يعض عشرة لينهم يربطونه لعاد مال النفس في العز ميدان=حلفت مانرضا لها بالمهونه دارٍ بدل دارٍ وربعٍ بخلان=والعز لو ان البحر حال دونه فنا كما حر بداء راس مابان=يشهر ولنهم بالعلف يجذبونه وله في الحماسه
ياسلامي يازبون المجنى=ياهل الطالات سقم الحرايب يانديبي فوق حرٍ معنا=خبروا بالعلم من كان غايب لالفيتو اللي على الطاش منا=قل بني عمك نزعوا الطلايب العدوا من حربنا ماتهنا=حطنا ربي لحربه عقايب العدوا لو نازح الدار منا=ناصله من فوق عوص النجايب قال عنه الرحاله البريطاني هاري سانت جون فلبي ( عبدالله فلبي )في كتابه قلب الجزيرة العربيه الجزء الثاني ص 232،233عندما زار السليل في أوائل القرن الماضي : نصبنا خيامنا في الفضاء خارج الحافه الشرقية لحزم النخيل وما كدنا نفعل حتى تسلمنا رسالة من عبد الله بن نادر زعيم آل حنيش الذي كرمه محتد ويده المبسوطة المعطاه قبلنا بسرور دعوته للعشاء ، فذهبنا إليه بعد مغيب الشمس في اليوم الأول لإقامتنا وعند باب مسكن الأمير عبدالله حيانا بحرارة شديدة، ولما يمض وقت طويل حتي كنا جلوس في بهو فسيح في الدار نتجاذب أطراف الحديث مع مضيفنا ، وفي ضيافته أهل القريه نحتسي الشاي وهو نادر عزيز في الجنوب ، ونحتسي القهوه ويعطرنا من حين لآخر عبق البخور. وبعد قليل جاؤوا بالحصائر الكبيرة وبقطعتين عظيمتين تكوم فيها الأرز ولحم الضأن. وقامت الجماعة بالتهام الطعام بصورة أرضت صاحب الدار، وهو شيخ مسن يبلغ نحو الستين عاماً ، وذو ذكاء وقاد له الكثير من القصائد من اشعار الشيخ عبدالله بن نادر مرسلها لخاله ابراهيم بن فراج: يقول:
ياعوق ياللي طويل مارقيناه =عسي تولاه صلفات الهبايب ذكر علي يوم شفت الصيد يبراه= جال المها حايز من دونه ربايب القايده منهن العنز الموازاه=ريمية ذرها ريح الهبايب ياخال ياللي هل العيرات تنصاه=يامحرق البن ياعايدا الركايب ياخال دور وليفي لين تلقاه=بالطيب ياخال وللا بالغصايب ورد ابراهيم بن فراج علي الشيخ عبدالله بن نادر والقصيده اطول ذلك لكن هذا ماحصلنا عليه
لكان خالك بعيد الدار بنصاه=بنصاه من فوق عيرات النجايب ماكان يطلبنا الغالي عطيناه =كله لعيناك ياراعي الركايب ويقول رحمه الله
ابن عيده راح للحمله يضعي =ليت حنا ماسعينا في شدوده يارموق العين قلبي من خفي =خفة الميزان لامن ثقل عوده قل مركوز النهد منا يعفي =يبذل الحسنا عسي حنا نعوده الحقب في صاحبي فتر يشفي =سايجه من الورك الي مقرن نهوده ابو ذليق فوق متنه يوم هفي =هف دلو طاح هو ويا عموده مايفيد الهرج والطارش مقفي =ألاجنبي لمن بغي شي يكوده ويقول رحمه الله
سلمتنا بالعصي والربع مقفين =والله دري هو بلغ معهم سلامي قالوا لي الربع تركب قلت بسير=لون دريتو عذر توني شهامي دموع عيني تشادي جمت البير = لالا المزي كان فيضت العدامي عليك ياجاعل خمسة تفاكير =نقش العريجي مع ردي الحمامي العظم لامن انكسر جاله تجابير =والقلب لامن انقطع ماله حزامي يازي قلبي كما زي المواسير = لاقرطبوها سريعين الولامي وله الكثير من المواقف البطولية اللتي لاحصر لها وهذا بعض ماذكر عنه رحمه الله وأموات المسلمين و إلى لقاء آخر
|
||||
|
|
|
|
01-05-2005, 12:39 AM
|
#2 | ||||
|
لاهنت يالذيب وبيض الله وجهك على هذا الموضوع
|
||||
|
|
|
|
01-05-2005, 01:02 AM
|
#3 | ||||
|
الشيخ عبد الله بن نادر آل حنيش الودعاني الدوسري
|
||||
|
|
|
|
01-05-2005, 03:18 PM
|
#4 | ||||||
|
الله يرحم عبداله بن نادر ويسكنه فسيح جناته
|
||||||
|
|
|
|
01-05-2005, 04:50 PM
|
#5 | ||||
|
السلام عليكم ورحمة الله وبركاته
بيض الله وجهك وسبقتني على الموضوع وحنا انتسابق على علوم الطيبين وانت احق مني في ابن نادر
|
||||
|
|
|
|
01-05-2005, 09:55 PM
|
#6 | |||||||||||||||
|
الله لايهينك يالنايف والله يرحم ابن نادر شيخ واشهد انه يستاهل البيضاء على كل مرقاب وهو غني عن التعريف وليس بحاجة لمدحي
|
|||||||||||||||
|
|
|
|
01-05-2005, 10:31 PM
|
#7 | ||||
|
الله يرحمه عبدالله بن نادر
|
||||
|
|
|
|
02-05-2005, 02:20 AM
|
#8 | ||||||
|
رحم الله الفارس عبدالله بن نادر
|
||||||
|
|
|
|
07-05-2005, 07:22 PM
|
#9 | ||||
|
السلام عليكم ورحمة الله وبركاته
أخي العزيز ( النايف ) لا هنت على الموضوع الكامل المتكامل عن الأمير الشاعر :- عبدالله بن نادر آل حنيش . وقصته معروفة . ونعم به وبأهل السليل جميع . وشاكر لك على هالموضوع الرائع . تقبل تحياتي ,,,, أخيك :- الهيلاني .
|
||||
|
|
|
|
08-05-2005, 01:35 PM
|
#10 | ||||||||
|
النايف لاهنت طال عمرك معروف والمعروف لايعرف
|
||||||||
|
|
|
|
07-01-2006, 11:33 PM
|
#11 | ||||
|
أخي النايف
السلام عليكم ورحمة الله وبركاته أقدر وأشكر لك أستعراضك لملخص سيرة الامير عبدالله بن نادر رحمه الله وقد لفت نظري ماذكر في المقدمه بعدم معرفة السبب الذي جعل حاكم ابن رشيد في الوادي يكيد لابن نادر والذي كان شاهده القصيدة التي ذكرت. فاسمح لي أخي ان اعود لاحقاً ( بما أني حفيداً له) بذكر تفاصيل هذه الواقعة ومسبباتها وأرتباطها لاحقاًَ بالجفوة التي حيكت خيوطها لاحقاً بينه وبين جلالة الملك عبد العزيز طيب الله ثراة والتي مررت على ذكرها أخي النايف في مجمل استعراضك لسيرته يرحمه الله. أخير أشكرك اخي النايف واشكر جميع الاخوة الذين تفضلوا بالتعليق الجميل. أخوكم د. تركي بن نادر
|
||||
|
|
|
|
08-01-2006, 01:49 PM
|
#12 | ||||
|
لاهنت أخوي النايف
|
||||
|
|
|
|
08-01-2006, 04:04 PM
|
#13 | ||||
|
الله لايهينك يالنايف على هالموضوع الرائـــع الذي إستمتــعت بقرأته وحفظــه لدى في الإرشيف الذي أحفظ فيــه كل علوم الدواسر اللي ترفـــع الرأس،ولاشك أن الشيخ عبدالله بــن نـــادر الدوسري ممن يفتخــر بــهم لتـــاريخــه المرصــع بالمراجــل والعلوم الطيبــه، فلك كل الشكر والتقدير والإحترام يــا النــايف والله يكثر من أمثالك000
|
||||
|
|
|
|
27-01-2006, 11:44 PM
|
#15 | ||||
|
بيض الله وجهك يالنايف ، والله يرحم ابن نادر ويسكنه فسيح جناته وجميع موتى المسلمين
|
||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 4 ( الأعضاء 0 والزوار 4) | |
العرض العادي
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| التغطية المصوّرة لـ حفل الشيخ فهد بن فريج الشكره بمناسبة حصوله على سيف الشرف للرجل المثالي مقدما من صاحب السمو الملكي الامير مشعل بن عبد العزيز رئيس هيئة البيعة رئيس اللجنة العليا لجائزة الملك عبد العزيز طيب الله لمزاين أم رقيبة | الإداره | :: قسم اللقــاءات والفعاليات والتغطيات الخاصة:: | 24 | 10-02-2011 05:10 PM |
| التغطية المصوّرة لحفل إفتتاح مبرة قبيلة الدواسر الخيريّة بدولة الكويت. | الإداره | :: قسم اللقــاءات والفعاليات والتغطيات الخاصة:: | 16 | 22-11-2010 09:44 AM |
| التغطية المصوّرة للحفل المقام بالبديع دعماً لقضية سعود بن عبدالله بن سعود بن شويرب الصخابرة . | الإداره | :: قسم اللقــاءات والفعاليات والتغطيات الخاصة:: | 22 | 27-10-2010 10:30 AM |
| تغطية الموقع الرسمي للقبيلة لحفل قبيلة الحراجين برعاية الشيخ محمد بن فهيّد آل ملحم شيخ قبيلة الحراجين المقام على شرف قبيلة الغفران آل مره . | الإداره | :: قسم اللقــاءات والفعاليات والتغطيات الخاصة:: | 18 | 19-07-2010 12:45 AM |
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 03:37 PM
