التفت من عقب مااقفي ولاحدن لد فيه

[معلومات العضو سلفر]

بسم الله الرحمن الرحيم
وعليكم السلام ورحمة الله وبركاته


يا وجودي كل ما هب نسناس الشمال
وجد من حده زمانه على اللي ما يبيه

و يا وجودي كل ما أضحيت ثم مال الظلال
لا غفت عيني و لا ذقت شي مشتهيه

وجد من قفى و هو في رجا كلمة تعال
و التفت من عقب ما أقفى و لا احد لد فيه

و يا عذابي لا دنا الليل من روس الجبال
و أنتهى يوم من العمر ما عاد أرتجيه

و أنتي أبعد من سما الحلم و وصالك محال
يا بعد من هل دمعي ضحى الفرقا عليه

يا غناتي لا تحسبين دمعي يوم سال
ضعف و لا خوف و لا كذا ولا كذيه

و الله اني من رجال يضدون الرجال
لكن الحظ الردي ساق دمعي كل أبيه

و الله اني كل ما دار حواليك الجدال
قمت كن الموت يشر على قبري بديه

و الله ان قد لي و أنا أصد لا جالك مجال
صدة اللي لا تضايق تذكر قبر أخيه

و من سألني قلت مدري و اذا عاد السؤال
قلت له تكفي سؤالك ترى ما هو وجيه

وش تبي أقول عمن ترى ذبحي حلال
و الخطا منها علي صرت أحبه و أهتويه

عذرها لو ما تعذر مثل و أضرب مثال
واحد ما يعرف الحر الأشقر يشتويه

و أن رجعنا للتواصيف لله الكمال
لنتهى ليل المزايين جاتك تبتديه

كنها غفل مع البدو طاويها الحيال
ما يميز وصفها الا نبيه من نبيه

واهني اللي وصلها وذاق الزلال
رشفة مع غفلة الناس من فيها لفيه

و عزتي للي سواتي عشق ما لا يطال
و يوم طاله ضيع الحلم بين أمه وأبيه

يا أول أحلام الطفوله على حد الخيال
الرجا بالي حمى البيت من حملة بريه

حال دونك سيف عنتر وتاسع الحول حول حال
بثر حول حال دونك و أنا أدعي هيه هيه

هيه ياللي غرك الحسن و أطغاك الجمال
و الله ان اموت ما شفت لأوصافك شبيه

لو يسام الحسن والتيه بجنيه و ريال
ما بقى في سوق غيرك ريال ولا جنيه

كيف أهدك للمقادير و أنتي راس مال
راس مال و مال و المال ما يعطى السفيه

حافظك حفظي لعيني و رمشي لك جلال
و أنتي تشحين بالما و أنا شفي مويه

شايف ظلمك و ساكت و طال الليل طال
لا تركتي طعن قلبي و أنا ما قلت ليه

لو بقى للهيل صبر على فوح الدلال
ما بقى للقلب صبر على شي يجيه

كنت أحسب أن الغلا زال و أثره لايزال
فالحشا ما كنه الا دخيل في وجيه

ساقني حبك على الموت و سنيني هزال
و الظروف أقسى من الظلم للعرض النزيه

و أنتي تسوقين عقلي على حد الهبال
تحسبين أن من بغى شي يقدر يشتريه

ولا أنا يا وجد حالي وجود ما يقال
وجد من ضحى بغاليه لرضا والديه

و يا وجودي يا أول العمر قبل ألبس عقال
وجد من باع آخر العمر في رغبة ذويه

و يا وجودي كل ما هب صوتك من شمال
وجد من حده زمانه على اللي ما يبيه


ضيدآنّ بنّ قضعَـآنّ

 

 

 

 

[معلومات العضو ـآلجآدل]

وجد من قفى و هو في رجا كلمة تعال
و التفت من عقب ما أقفى و لا احد لد فيه

و يا عذابي لا دنا الليل من روس الجبال
و أنتهى يوم من العمر ما عاد أرتجيه
__ __


<<

الله الله صح الله لسآآآنه مـلآآآيين وـآعــتــلآآ شــآآنــهـ..

بيض الله وجه ابن قضعـآن ع ذآ القصيدهـ ـآلــجــزلهـ

>

ولآآهنت يَ نــآآقـــلــهـآ

جعل تسلم يمنآك

 

 

 

 

[معلومات العضو في صمتي لك كلام]

مشاعر الشاعر حسيتها مشاعر انسان صادق
ماهو مجرد شعر وبس ^_^ ... تقبل فلسفتي
مشكور يا سلفر على النقل
تقبل مروري وتحياتي

 

 

 

 

[معلومات العضو ابو زياد البريكي]

لاهنت علة النقل الرائع ومشكور

والشاعر ضيدان غـــــــــــــــني عن التعريف شاعر جزل ولا يختلف عليه اثنين

 

 

 

 

[معلومات العضو سلفر]

المشاركة الأصلية كتبت بواسطة ـآلجآدل

وجد من قفى و هو في رجا كلمة تعال
و التفت من عقب ما أقفى و لا احد لد فيه

و يا عذابي لا دنا الليل من روس الجبال
و أنتهى يوم من العمر ما عاد أرتجيه
__ __


<<

الله الله صح الله لسآآآنه مـلآآآيين وـآعــتــلآآ شــآآنــهـ..

بيض الله وجه ابن قضعـآن ع ذآ القصيدهـ ـآلــجــزلهـ

>

ولآآهنت يَ نــآآقـــلــهـآ

جعل تسلم يمنآك

الله يسلمك
...........

 

 

 

 

[معلومات العضو سلفر]

المشاركة الأصلية كتبت بواسطة في صمتي لك كلام

مشاعر الشاعر حسيتها مشاعر انسان صادق
ماهو مجرد شعر وبس ^_^ ... تقبل فلسفتي
مشكور يا سلفر على النقل
تقبل مروري وتحياتي

ياهلا ومسهلا
>>>>> مايحب الفلسفه
اخاف يجي واحد مسرع مامعه فرامل يقول احب جنونك ثمنن يسموني المصدوع

 

 

 

 

[معلومات العضو سلفر]

المشاركة الأصلية كتبت بواسطة ابو زياد البريكي

لاهنت علة النقل الرائع ومشكور

والشاعر ضيدان غـــــــــــــــني عن التعريف شاعر جزل ولا يختلف عليه اثنين

ياهلا ومسهلا ابو زياد

 

 

 

 

[معلومات العضو عبدالله الحافر الغييثي]

صح لسان الشاعر ضيدان بن قضعان ولاهنت ياسلفر على النقل الرائع والذائقه المميزة,,ضيدان من الشعراء القلائل في هذا الزمان نرى شعراء اكثر من الناس اللذين ليسوا شعراء ولكن الابداع والجزاله هي اللتي تندر في هذا الزمان

 

 

 

 

[معلومات العضو سلفر]

المشاركة الأصلية كتبت بواسطة خميس الغييثي

صح لسان الشاعر ضيدان بن قضعان ولاهنت ياسلفر على النقل الرائع والذائقه المميزة,,ضيدان من الشعراء القلائل في هذا الزمان نرى شعراء اكثر من الناس اللذين ليسوا شعراء ولكن الابداع والجزاله هي اللتي تندر في هذا الزمان

ياهلا ومسهلا