الشاعر / عبدالله بن مبارك الحريسن

[معلومات العضو يحيى الودعاني]

	القصيدة التالية من قول الأخ الشاعر / عبدالله بن مبارك الحريسن ، يوجهها إلى إخوانه / ناصر وسعيد : يالله ياعالم خفية سريرتي = النفس بين ايديك وانته كفيلها فكرت بالدنيا وحارت فكايري = الله يكافينا عواقب وبيلها عينت ما حاز الرضا كون قانع = اللي حياته قانعٍ في قليلها والاترا الخسران من ضاع وقته = يجرى ورا دنياه يهذل هذيلها فالرابح اللي طاع ربه ورغبته = في الآخرة عساه يكسب جزيلها والرابح اللي يكسب الجود والثناء = ترا المشبب من يفوز إبجميلها والرابح اللي يترك الكذب واللغا = هذى إخصال أهل الردا عزتي لها والرابح اللي مكسبه عالي النبأ = لاجاء نباه أعلاه باعلا نزيلها والرابح اللي كل قرم رفيقه = ماهو بيندم في الشدائد وميلها والرابح اللي يترك اللاش مجنبه = ترا الردى لحمال يعجز يشيلها والرابح اللي ماوقف موقف الردا = مواقف الهانات رذلٍ عميلها فترا الفخر في موقف العز والشرف = ماهوب من كسب الخنا يعتزى لها هذا وأنا في خاطري مابداله = هواجسٍ في خاطري قمت أشيلها ما ابديتها لاحدٍ بعيدٍ من الملأ = من خوفتي يشمت علينا عذيلها إلا لمن روحي لروحه قريبه = إخواني اللي كلمتي تعتني لها ناصر واخوى سعيد في كل مطلب = لا اشتدت القالات شالوا ثقيلها والله ماخليت ربعي وديرتي = الا محبة قربهم واهتني لها جمعا على الدنيا وقرب على الوفاء = أخير في فرقا بعيد نزيلها لو هي على الماء والبواقي على الله = تسوى ملايين كثي ضويلها أنا وهم والوالده والحموله = هذى سعادتنا وربي وكيلها يوم المنايا شرها يفجع الفتى = وتفجع بغفلاتٍ وتركض بخيلها لاما نجامل بيننا وانتصافا = شبنا ومن نفسه تدانا رحيلها الصبر مفتاح الفرج والتغاضي = يفتح إقلوب محكماتٍ قفيلها حلمٍ على المخطي وصبر على الأذى = حكمه ويكسب عز من يرتكي لها تفكروا لم العصي ماتكسر = وان فرقت سهلٍ على المعتدى لها يمنى بلا يسرى تراهي ضعيفه = لامست الأحبال تبدى هزيلها ترا الله الدائم ولا احدٍ معمر = والنفوس ماتدرى بموتٍ يجيلها أقولها من خاطري يوم هاضت = هديةٍ لاخواني اللي تخيلها هذا وصلى الله على سيد البشر = اعداد ماهل المطر من مخايلها واحة الشعر الشعبي ج/3 عبدالله بن حمير بن سابر الدوسري

 

 

 

 

[معلومات العضو العماني]

لاهنت اخوي يحيى على القصيدة بس ماخبرتنا الحريسن هل هم دواسر ولأي الدواسر يرجعون؟

تقبل تحياتي،،

 

 

 

 

[معلومات العضو دغش البطي انتقل الى رحمة الله مساء الاثنين الموافق 8-1-2007 رحمه الله واسكنه فسيح جناته]

يحيى الودعاني


لاهنت على الأختيار الطيب


صح الله لسان الشاعر عبدالله بن مبارك الحريسن


تقبل الود والتقدير


محب الجميع : دغـــــــــــش الــــبـــــــطــــــــي

 

 

 

 

[معلومات العضو يحيى الودعاني]

ياهلا ورحب بخوي العماني / والله يالقرم الراوي ماذكر منين يكون الشاعر بس أكيد أنه دوسري ، لوكان مهب دوسري كان نبه على ذلك لين الكتاب خاص بأشعار الدواسر .

 

 

 

 

[معلومات العضو يحيى الودعاني]

أخوي دغش حياك الله ، ولاهنت يالقرم على المرور .