ولاتشتشير ابشار من لامعـه شـار

[معلومات العضو النايف]

قصيدة للشاعر عبدالمعين الثعلي العتيبي وهو من شعراء عتيبه الكبار

يخاطب ابنه بدير بقصيدة جميلة فيها من الحكمة ما يجعلها جديرة بالنقل لكم.

يابدير ما ازين شبت العصـر للنـار=لا مالـت الفيـه وحـار الظـلالـي
وهب البراد وسيـر الجـار للجـار=وجات السوالف بين غالـي وغالـي
سوالف (ن) بين النشامـا لهـا كـار=ليا مشـى فنجـال بيـض الدلالـي
ربعن لهم مع شبت العصـر مسيـار=ذولا بنـي عـمـي وذولا خـوالـي
يرجع بهم قلبي ليـا سـج واحتـار=وتدله بهم عينـي ليـا ضـاق بالـي
افخربهم واجهربهـم شـق وشعـار=وادحم بهم وازحم بهـم دون حالـي
كم هازهـم رمـحٍ وخلـوه قنطـار=وكم رازهم مـن واحـدن واستقالـي
ياما تقاضوا مـن عميـلٍ ليـا بـار=قـولٍ ليـا قلتـه يصـدق مقـالـي
جمال التخوت مفـدرت كـل هـدار=فتخـان الايـدي للحمايـل جمالـي
انا علـي اكلـف لهـا بـن وبهـار=وانتـه عليـك تقـوم وتشبهـا لـي
في فيّ قصر(ن) يوم ضل العشي حار=لابدنامـن غيـب سمـر الليـالـي
لابد من يـومٍ بـه القصـر ينهـار=ولا نموت ويصبـح القصـر خالـي
ويبقى لمن يبقى على طول الاعمـار=وانا نزل غيـري وحـل ارتحالـي
مرت على غيـري تراديـد ومـرار=لاشـك مامـرت علـيـه لحـالـي
ياربي اغفـر زلتـي وانـت غفـار=بحسنـا جلالـه ياعزيـز الجلالـي
يامن شمل عفوه وعطفه هـل الغـار=ويامن رست بأمـره رواس الجبالـي
يالخالق الباري ويا النافـع الضـار=يـاوارث الدنيـا علـيـك اتكـالـي
ماكل ليل(ن) من ليالي أبـو سـرار=ولا دامـت الدنيـا ببسـط وعدالـي
يوم(ن) لها اقبالن ويوم(ن) لها أدبـار=كم فرقت مـا بيـن غالـي وغالـي
وليا اقبلت عسلـج زهرهـا بنـوار=رجعن يعلـه كـل يـوم(ن) خيالـي
ياما قطـف جنايهـا مـن الاثمـار=وياما شرب منهـا القـراح الزلالـي
عشاقها تضرب له الزمـر والطـار=وقامـت تزهنقلـه بحسـن وجمالـي
وليا ادبرت عجـلٍ فلكهـا ليـا دار=تدرجبـه ادراج الرشـا للمحـالـي
ياما سقت من واحدن كاس الامـرار=وياما نشـاء فيهـا شبـابٍ وزالـي
كم عاش فيها من طويليـن الاشبـار=قوايـد الهيجـا زحـول الرجـالـي
اليوم مامنهـم علـى الحـزم ديـار=هـذي منازلهـم خلـيـن تـلالـي
ماكنهم كانـو ولا صـار مـاصـار=راحوهبـاً منثورتـحـت الرمـالـي
حطولهـم فيهـا عقـارات وامـدار=وهي دامره وعظـام اهلهـا بوالـي
ماكن فيهـا الهـم منـازل وميثـار=وابـوك دنيـاً مالـك اول وتـالـي
تلعـب لياليهـا بعميـان الابصـار=لوبرقـت فيهـا لهلـهـا احتيـالـي
يا بدير لا تمشى على همش الاخبـار=تروح منهـا بيـن سيـن وسوالـي
تروح منهافـي طويـلات وقصـار=يكفيـك منهـادون الاقصاالمـوالـي
وليا جفـاك الـدار غيـره ميـة دار=ومناكب الديـره عراضـن طوالـي
ولاتشتشير ابشار من لامعـه شـار=والعـد لاتــرده بلـيـا مـدالـي
وماقـل دل وكـل شـيـاً بمـقـدار=ماهيـب فوضـه كـل شيـاً يكالـي
الكيـل والمـيـزان لصغاروكـبـار=شـيٍ خفيـف وشـي منهـن ثقالـي
ولو مال مع سوق الفضا كلـه هـذار=سولـف وفكلهـا طويـل الحبـالـي
ياخـذ بغفـلات الاجاويـد مشـوار=يركـض علـى غراتهـم مايبـالـي
حيـال ميـالٍ مـع الهـذر منشـار=همـاز لـمـازٍ هـيـال وميـالـي
لوماينال مـن الشـرف وزن دينـار=كنه مـن امثـال ابوزيـد الهلالـي
وانا بخبـره حايـطٍ كـل الاسـرار=لاهـوب لامكسـب ولا راس مالـي
النـاس توخـذ بالفوايـه والاذكـار=وكل (ن) وما حصل على كل حالـي
تمت وصل الله على سيـد الاخيـار=علـى نبـي مرسـلـن بالعـدالـي
اعداد ما مالـت هماليـل الامطـار=وماهبت الحايـه جنـوب وشمالـي
وماغرهد القمري على روس الاشجار=وما هل في عرض السما من هلالـي

 

 

 

 

[معلومات العضو أبونواف الدوسري]

بارك الله فيك ورحم والديك

على هذه القصيده

دمت في حفظ الرحمن...

 

 

 

 

[معلومات العضو عبدالله الحافر الغييثي]

النايف لافضفوك يامبدع على هذا النقل الرائع وصح لسان شاعرها وسلمت يمناك اللي نقلتها

 

 

 

 

[معلومات العضو عبدالرحمن بن عويس]

أقـدم شـكـري وتـقــديـري لـلأخ العزيز ( النايف ) !!!
واهـنيــك مــــن قـــلـبـي عـلى ذوقــك وحــسن
اختيارك للمواضيع وكـل جـديـد !!
وإبــداعـــكــــم فــي صــياغــــة نـــقـــــل وطــــرحــهـــا بالــمـــنتــــدى
وأن يــجــعــلـهـا فــي مــــوازيـــن حــســنــاتـــكم يـــوم الــقــيـــامــة !!
إلى الأمام وبــالـتــوفــيــق إن شاء الله وتسلم يمـينــك !!

أخـــوكـــــم
عبدالرحمن بن عيسى بن عويس

 

 

 

 

[معلومات العضو محمد بن سالم الخضراني]

لاهنت وبارك لله فيك



وصح لسان الشاعر

 

 

 

 

[معلومات العضو النايف]

أبونواف

الله ايحييك والساعة المباركة

وتشرفت بمرورك الكريم