(العمر المتساقط) .

[معلومات العضو تناهيد]

(العمر المتساقط) .
. ياحببيبي لو نسانا الحظَّ في درب الظلام
..........كيف نقتل دربنا ونْسير في باقي السنين .
. كانت الاحلام باب وْكانت الدنيا حمام
.............وكان ريش العمْر يتْساقط من الحسره حزين .
. طار عشَّ الحلم ماعاد الشجَر ينبت سلام
..............يا اراضي الجرح صرنا في دروبك تايهين .
. الليالي ضيق وعْيوني حزينه ما تنام
..............من يجي يهدي لضيقي فرحة ٍ أو ياسمين .
. في رصيف الذاكره مرَّيت يخْنقني الكلام
..............طاح قلبي تحْت أقدام الوجوه الراحلين .
. ياحزن ماتدري إنِّ الضرْب في الميت حرام
............والحرام انك تزيد الضرْب وتْصحِّي الانين .
. ( الأماكن ) كيف أغنيها وانا كلي حطام
..............ياكثر ما كنت اغنَّي في شواطي الحالمين .
. ذاب في صدري كلام وْسال من صمتي غمام
...............ومابقى غير الحروف اللي بدمِّي لك يقين .
. ملَّ عمري يحْسب الخيبات عام ٍ بعْد عام
..............ضايقه وْكلي حزينه .. جرَّح عْيوني الحنين .
. ياحبيبي لو نساني الصبح في درب الظلام
..................بشعل ضْلوعي شموع وْبنطرك خلف السنين .
. شعر : وادرين .

 

 

 

 

[معلومات العضو مبارك بن شافي النتيفات]

ياسلام

صح لسان الشاعره وادرين

وسلمت يمينك ع النقل الرائع

تحياتي وتقديري

 

 

 

 

[معلومات العضو فهد الخريم]

اول مره اسمع بهالشاعره

لكن اهنئك .. ابيات حلوه
والله يعطيك العافيه

تحياتي

 

 

 

 

[معلومات العضو حمد ابن فهد]

تناهيد لاهنتي للنقل الرائع بس بسألك عن اسم الشاعر والا شاعرة ؟؟

تسلم يمينك

 

 

 

 

[معلومات العضو شافي بن راشد النتيفات]

يعطيك الف عافية على النقل الرائع

 

 

 

 

[معلومات العضو تناهيد]

انا حالي حالكم ماعرفتها ألا من هالقصيدة

لكن من خلال بحثي تبين لي انها شآعره إماراتية

سعدت جدا بمروركم الغالي واشكركم من قلبي