الروض يزهروالروابي يهلن

[معلومات العضو تآج روس السلاطين]

السلام عليكم ورحمة الله وبركاته

قصيدة قالها الشاعر / سليمان ابراهيم الربيض الوابصي البلوي
رحمه الله في صديقه / حجاب بن مشعان بن عميان العجمي

وفي جاره وبن عمه / عليان بن عواد الوابصي البلوي
شاعرنايرحمه الله من قرية الكر احدا قرا تبوك وسلامتكم

ابـدا بذكـر الله عزيـز الجـلالـي=وابدي هجـوسٍ بالضمايـر يجولـن
واقـول للعقـيـل مـمـا جـرالـي=التايـه اللـي دايـمٍ يحسـن الظـن
انظـر تبيّـن قبـل مـس الحبالـي=واعرف ليا شفت الخطر تزبن لمـن
مـن لايصـف حسابهـا للتـوالـي=يمسـن عيونـه للخطـر مايشوفـن
النـاس كالمعـدن رخيـصٍ وغالـي=اضرب على صم الصخر واسمع الدن
لـولا الشدايـد ماعرفنـا الرجالـي=ولولا المواقف كل ابونا علـى سـن
ياراكبيـن اكـوار هجـنٍ حيـالـي=بنـات حــرٍ للعـصـا مايـدانـن
مثل الادامى ان شولعن مـع سهالـي=يطـون قفـار البيـد والبعـد يدنـن
من روضهن بالكـر زفـن شمالـي=يبغـن تبـوك ثـم منـهـا يــردن
يلفـن لابـن عـواد راع الـدلالـي=يضحك حجاجه حيث شاف الهجن جن
فيـه افتخـر لاجـا لذكـره مجالـي=وان قيل من هو قلت من ربعنا حـن
اللـي وجـاره مـن قديـمٍ وتـالـي=دايـم علـى جالـه دلالٍ يفـوحـن
لـه مجلـسٍ يزهـاه نجـرٍ يلالـي=صوته يجيب اللي يريد اشقـر البـن
وزودٍ علـى زيـن النبـا والتهالـي=مفطحات الضـان لـو ديـن يشـرن
والضيـف ياخـذ واجبـه بالكمالـي=راع الوفا دايـم سلومـه علـى قـن
ردوا سلامـي وانشـد عـن حوالـي=فنّي على اللي خابـره فـي واحسـن
انشد عن العجمـي كريـم السبالـي=للجود امآيـر فـي جبينـه يلوحـن
رجلٍ كريـم خيـار واف الخصالـي=وان قال يفعـل والمواقـف تبرهـن
حجاب ابن مشعـان زبـن الثقالـي=ان جا نهـارٍ فيـه الاريـاق يبسـن
هذا الصديق اللي علـى شـف بالـي=يـوم الليالـي بالمقـاديـر يلـفـن
جل المـراد وغايتـي مـن مقالـي=ماغير اشوفه قبل الاعمـار يقضـن
وان زارنـا بالكـر ياحـب ذالــي=الـروض يزهـر والروابـي يهلـن
وسـلام منـي عـد وبـل الخيالـي=على نبـيٍ هـادي الانسـن والجـن

قالها الشاعر سنه 1415 هـ مع تحياتي للجميع

 

 

 

 

[معلومات العضو مشبب سعد المخاريم]

صح الله لسان الشاعر ...

ولاهنت على النقل المميز ..

 

 

 

 

[معلومات العضو تآج روس السلاطين]

المشاركة الأصلية كتبت بواسطة الـراسـي

صح الله لسان الشاعر ...

ولاهنت على النقل المميز ..

ولاندمت ياالراسي اسعدني مرورك تحياتي لك