ابن رشيد وحربه مع عتيبه وقصيدة الشيخ راكان بن حثلين

[معلومات العضو راكان العجمي]

بسم اللّه الرحمن الرحيم


كان محمد بن هندي شيخ من شيوخ عتيبه قد توعد وتهدد ابن رشيد بأن يحاصره في

برزان , فما كان من ابن رشيد إلا ان جمع اتباعه من الباديه والحاضره وهاجم محمد بن

هندي ومعه هذال ابن فهيد , فأغار عليهم صباحاً وهم بعروا , ولما أوشك اتباع ابن هندي

على الهزيمه جاءهم مدد من الروقة كان في يوم الرحى , وكادت الحرب تتعادل بين

الفريقين , اإلا ان الغلبه كانت لابن رشيد بعد عناء شديد .

وحصل لبن هندي وقعه ضاربه عند إبله المعروفه بالمنقبه وضرب السطامي الذي شرب

فنجال ابن هندي وقتله , واسترد ابن هندي معظم ماشيته وغنم ابن هندي خيولاً (قلايع)

وبعد المعركه ناداه ابن رشيد واعطاه الأمان وطلب منه ان يرد الخيل ويرد ابن رشيد الإبل

فقال ابن هندي :

اما عتيبه فقد تفرقوا بما غنموه , واما انا فليس عندي سوى أربعة عشر جواد سأرسلها

لك فخذ كل ما كان عليه العضاد , والعضاد وسم الحمدة جماعة ابن هندي على إبلهم وإن

اردت غير ذلك ارسلت لك قيمته .

وكان مع ابن رشيد فوران وليل المتلقم شيوخ من العجمان فقال ابن رشيد يوصي ليل

المتلقم العجمي بحمل خطابه للشيخ راكان ابن حثلين { وكان يقصد في خطابه تحذير

وتهديد للشيخ راكان ابن حثلين الذي كان في ذلك الوقت يغزوا على بني هاجر وقد حلت

على بني هاجر هزائم وخسائر فادحه ويتبين ذلك في القصيده}

يقول ابن رشيد :

يا ليل سلم ليا جيت راكان=سلم على زيزوم يام واميره
اليوم صاروا بالعرب تقل جيران=ومن وين ما وجه تقفوا نشيره
وذكر لهم بالكون طيحة غزلان=ثلاث مرات بوجه المغيره
يوم حضرنا فيه ليل وفوران=يوم على عروا تقطع غثيره
إن كان ابن هندي نوانا ببرزان=حنا على عروا قصرنا مسيره
جينا على وضح النقا عقب الاذان=ذبحت قواد الجمل بالمريره
حصان الظيط اللي يسمى صنيتان=صيت بلا جرى ووصفه شهيره
من كان باللقوات روغات الاذهان=ما ينقهر غاد الجدا من منيره

فرد عليه الشيخ راكان بن حثلين بقوله :

يا راكب من عندنا فوق شقران=خرزها بالخرج فوق النحيره
اوصل سلامي لا خو نوره ببرزان=وعقب السلام تخبره بالسريره
من باب عمان ليا باب نجران=ما هوب يالضيغمي انت اميره
علم لفانا فيه ليل وفوران=استر قلبي يوم جانا بشيره
خبرتني يا حمود عن طير حوران=يوم على عروا تكسر عويره
خلت مخاييله بدرج وسبهان=ما ينتميز وردها من صديره
تذكر محمد جامع نجع عتبان=ذخيره يا واللّه من ذخيره
الامر قدره الولي علي الشان=ولا عتيبه ما عليهم قصيره
سبيتنا سب على غير برهان=ما يستوي هذا لزبن العشيره
وحنا بديرتنا ولا حن بجيران= في شاية اللي ما يوازي جويره
حامين ديرتنا بخيل وفرسان=يوم ان كل له حدود وديره
من زان حنا له على الزين خلان=وضر اليا حرك تزايد سعيره
ما قل دل وزبدة الهرج نيشان=والهرج ييزى صامله عن كثيره
يا حمود كنك قاعد وسط برزان=لا بان لك فعل ولا لك عشيره
الذم ما يهفي للأجواد ميزان=والمدح ما يرفع يدين قصيره

وسلامـ ـ ـ ـ ـ ـ ـ ـ ـ ـ ـ ـ ـ ـ ـ ـتكم

 

 

 

 

[معلومات العضو al-wafia]

السلام عليكم ورحمة الله وبركاته

لاهنت ياولد عمي


وشيخنا الشيخ راكان غني عن التعريف هوالرجل الشجاع الفارس الشهم الكريم

الله يرحمه ويرحم موتانا

اشكرك ياراكان

تسلم مجهودك جدا رائع فانت من شباب العجمان اللي نفتخر فيهم

لاهنت

تحياتي لك

بنت عمك بنت العجمان
الوافيه

 

 

 

 

[معلومات العضو ابوشجاع]

الله يعطيك العافيه يا اخ راكان

وبارك الله فيك

وامتعتنا بهذه السالفه

ومما زادها جملا وابداع

المساجله الشعريه

تحياتي لك--

 

 

 

 

[معلومات العضو محمد بن الأشيب الغريري]

( راكان )

قصه ومساجله شعريه في منتهى الروعه

كل يوم تتحفنا بالمواضيع المميزه والشيقه جعلك تسلم

والشيخ راكان اشهر من نار على علم

لك كل التقدير والأحترام





اخوك ( ابو حمد )

 

 

 

 

[معلومات العضو راكان العجمي]

يا مرحبا بالوافيه بنت العم لاهنتي على المرور ويعطيش العافيه,,,,,,,

 

 

 

 

[معلومات العضو راكان العجمي]

ومن قال يا بو شجاع

ولاهنت على المرور الكريم ويعطيك العافيه يالقرم.........

 

 

 

 

[معلومات العضو مترك المسعري]

راكان لا عدمناك يالغالي ولا تبطي بجديدك



و الله والنعم بابن رشيد وعتيبة و النعم بالشيخ راكان .....

 

 

 

 

[معلومات العضو راكان العجمي]

لاهنت يا بو حمد على المرور الكريم

ويعطيك العافيه

 

 

 

 

[معلومات العضو راكان العجمي]

لاهنت يا خيال العبيه على مرورك الكريم

لا خلا ولا عدم

 

 

 

 

[معلومات العضو سيف الهاجري]

اخوي راكان العجمي موضوعك فيه تحريف كبير للاحداث وقمت تفهم معاني القصايد على راحتك اجل قصيده ابن رشيد في النصر في معركه عروى خليتها تهديد من ابن رشيد لبن حثلين علشان انه يغزي الهواجر يبيلها ضحكه ههههههههههه لان لو نحلل موضوعك نشوف التحريف فيه


موضوع القصيده يالسنافي انا ابن رشيد مرسل القصيده الى ابن حثلين يبشره بالنصر في معركه عروى والكل يعرف بالعلاقه الطيبه بين الشيخين ويذكره بالاحداث اللي صارت في المعركه ثم رد عليه ابن حثلين


يقول ابن رشيد في قصيدته



يـا ليـل سلـم لـي علـى الشـيـخ راكــانســلــم عــلــى زيــــزوم يــامــن ومــيــره
وقـــل فـعـلـنـا شــافــه حــــزام وفــــارانيـــوم عــلــى عــــروى تـقـطــع غـثـيــرة
يـــوم ان ابـــن هـنــدي نـوانــا ابـــرزانحـنـا عـلــى عـــروى قـصـرنـا مـسـيـرة
والـلـي تـمـنـى حـربـنـا مـــع غـــازالانمــــا حـربـنــا بـالـلــي تـمـنــاه خــيــره
والـحـرب مــا يحـسـب طـــراد بـمـيـدانالـحـرب ســل الصيـرمـي مــن جـفـيـرة
هــــرج بــــلا فــعــل خـــــراط بـقـيـعــانوقــــول بــــلا فــعـــل عـلـيـنــا مـعــيــرة
عـاداتـنـا مـــن مبـطـيـا فـــرق الأقــــراننـفــرق عـشـيـر مـــن مـلامــى عـشـيـرة
والـلــي تـمـنــى حـربـنــا يــــم بــــرزاننـاتـيـه نـقـصـر عـنـوتـة عـــن مـسـيـرة
وان كـان هـو مــن غــارة الـعـام زعــلانمـــن الـزعــل والـغـيــظ حــنــا نـجـيــرة
برقطـا لـهـا مــع فـجـة الصـبـح دنــداننـتــبــع مـلازيــمــه عـــقـــاب الـمـغــيــرة
حصان الصميد اللي يسمى صنيتانهـرجــه بــــلا فــعــل قـلـيــل الـبـصـيـرة
أغـــواه عـرضــات الشـيـابـيـن وفــــلانوتـجـديـعـهـم لـهـدومـهــم بـالـسـعـيـرة



رد ابن حثلين




يا راكب(ن) من عندنا فوق شقران = خرزها بالخرج فوق النحيره

أوصل سلامي لخو نوره إبرزان=وعقب السلام انخبره بالسريره

اخو نوره: محمد بن عبدالله شيخ شمر وهو ابن عم حمود

من باب برزان الى باب نجران = ما هوب أنا يا الضغيمي أنت إميره

الضياغم : هم ال رشيد

علمن لفانيبه حزام وفاران= ياسر قلبي يوم جاني بشيره

علمن لفا من شوق سحاب الاردان=هو شوق من تزها الشقايق نظيره

عضيد أخوه يصادق الفعل ولسان = ودبوس راس اللي دوا به مشيره

فرز الوغا لاجا ثقيلات الاكوان = لا سل مصقول السنا من جفيره

خبرتني يا حمود عن طير حوران = يومن على عروى تقطع غثيره

هلت مخاييله بدرج(ن) وسبهان = ما ينتميز وردها من صديره

تذكر محمد جامع نجع عتبان = ذخيرة ياوي والله ذخيره

محمد بن هندي : شيخ عتيبة

الامر قدره الولي عالي الشان =والا عتيبه ما عليهم قصيره

كرمان وان اركبوا على الخيل فرسان =إليا اختلط عج الرمك بالمغيره

سبيتنا سبٍ على غير برهان = ما يستوي هذا لزبن العشيره

حنا بديرتنا ولا حن بجيران = في ديرة اللي مايخون بجويره

جويرنا صفر(ن) تنازى بصبيان = كل ابلج(ن) يشبح بظلت عشيره

حامين ديرتنا بخيل(ن) وفرسان = يوم ان كلٍ له حدودٍ وديره

ومن زان حنا له على الزين خِلان = والضِّر لا حِرك تزايد سعيره

وإليا بغيت الشيخ يوقفك سبهان= تاقف لمن العلم يرجع لاميره

لولا حسن نوّخ بذربين الايمان= راحت عليكم يا ابو ماجد كسيرة

أولاد علي مطوعت كل فسقان= عاداتهم بالكون كف المغيرة

الذم ما يهفي للاجواد ميزان= والمدح ما يرفع ايدين (ن ) قصيرة

ما قل دل وزبدة الهرج نيشان = والهرج يكفي صامله من كثيره

والاحسان يا ابن عبيد يجزى بالاحسان =والشر تنطحه الوجيه الشريره



يعني رديه بين ابن رشيد وابن حثلين ورحت انت وقلت انا ابن رشيد راسلها على ابن حثلين لاتغزي الهواجر وتقول اتعبهم بالغزوات وكاسرهم وتالف من عندك يعني اللي بيقرا الابيات راح يشوف انا لم يتم ذكر الهواجر لا قصيده ابن رشيد ولا ابن حثلين


تحياتي