إعلان أسماء الفائزين بالمسابقة الشعرية الأولى للموقع الرسمي لقبيلة الدواسر :: ألف مبروك .. ألف مبروك .. ألف مبروك ::

[معلومات العضو الإداره]

بسم الله الرحمن الرحيم الحمد لله رب العالمين والصلاة والسلام على سيد الأنبياء والمرسلين سيدنا ونبينا محمد ابن عبدالله وعلى آله وصحبه ومن وآلاه ومن اهتدى بهديه واستن بسنته إلى يوم الدين إخواننا أعضاء وزوّار ومرتادي الموقع الرسمي لقبيلة الدواسر أختتم مساء أمس الخميس الموافق 28-10-2010 ميلادياً المسابقة الشعرية الأولى لمسابقة الموقع الرسمي للقبيلة بحضور كبير من مشائخ وأعيان ووجهاء وأبناء قبيلة الدواسر إكتضت بهم القاعة ، وأسدل ستار الختام على المسابقة بإعلان النتائج النهائيّة للمسابقة الشعرية . جديرٌ بالذكر أنه تمّ نقل الحفل الختامي للمسابقة مباشرةً كتابياً عبر الموقع الرسمي للقبيلة ، عبر الرابط التالي : http://www.alduwaser.org/vb/showthread.php?t=54563 أسماء الفائزين بالمراكز العشرة الأولى : الفائز بالمركز الأول : الشاعر عبدالله بن فهد الصخابرة . قصيدة الشاعر عبدالله بن فهد الصخابرة المشارك بها بالمسابقة : الشعر زانـت حبكتـه والبخـت قـام =واللي نقـض جـزل المعانـي فتلهـا د قت له اجـراس المعانـي والانغـام =وبيبـان شرعهـا والاخـرى قفلهـا رسمـة خيـال مادخـل فكـر رسـام =يطـرد عـن نـفـوس الاوادم مللها يصوغها صوغ الذهب وزن وجـرام =ويعـدهـا عــد المـكـايـن هللها لي سابق تقلط علـى الريَـس قـدام =من طيبها فـال السعـد فـي قبلهـا سمعوا بها أهل الغرب والشرق والشام =خيالهـا كـل المـشـارب نهلـهـا أهلاً هلا ما ذعذعـت ريـح الأنسـام =من فيضـة يسقـي مطرهـا نفلهـا عشرين يوم كلهـا أمطـار واغيـام =تمطـر سحايبهـا ويلعـب طفَلـهـا أنا ادري إن الشعر تصويـر وإلهـام =وافكار مـن نسـج الطبيعـه حملهـا وسبحان من نـزل تبـارك والأنعـام =وأرسى على وجه البسيطـة جبلهـا مع قدرته بالكون لـه سـر وأحكـام =قـيــوم وأرزاق الأوادم كفـلـهـا أمـر عبـاده بالتواصـي بالأرحـام =والله وصل من كان رحمـه وصلهـا الديـن يامـر بالتأخـي والإكــرام =وينـوِر انفـوسٍ تـراكـم جهلـهـا واللي بقوله عبر شاشـات الاعـلام =من منطلـق مجـد القبيلـة وأملهـا المنتدى الرسمي بعـد ستـة أعـوام =أعلـى المراتـب والمنـازل نزلهـا في خدمة الموروث له دور وإسهـام =وأعمال من شـأن القبيلـة فعلهـا= يعجبـك ترتيبـه مواضيـع وأقسـام =وكـل التطـور بالنواحـي شملـهـا ماينحصى الإنجـاز بأعـداد وأرقـام =نشكـر الإدارة يـوم تتقـن عملهـا حفظ لنـا تاريـخ شيخـان وأعـلام =وحقائـق يــم المتـابـع نقلـهـا وقضى على كل التناحـر والأخصـام =وأبعد عن أسباب التعنصـر وأهلهـا مع قصر عمره حقق أمـال وأحـلام =وكل العقـول بطيـب نهجـه ذهلهـا واعتق رقاب من تحت سيف الإعـدام =كـلٍ رهـن مالـه ونفسـه بذلـهـا من مبتدأ الإصلاح في ديـن الإسـلام =عـلاج الأشيـاء مـن مكامـن خللها واللي يقول الصـدق ماهـوب يـلام =قـول الحقيقـة مـايـدور بدلـهـا خطلان الأيدي مجدهـم عبـر الأيـام =تسعـة قـرون مـن جهلهـا سألهـا أهل الحصـون مزبنـة كـل منضـام =وأهل الغـروس اللـي تمايـل قذلهـا قبيلـة تكسـر شبـا الـضـد لازام =ترجـى حسانيهـا ويـدرى زعلهـا ورادة المـوت الحمـر وردة حـيـام =مـارد مـن يـم المعـادي جملـهـا دواسـر الطالـة مقابيـس الأظـلام =اديارهـم يامـن بهـا مـن دخلهـا وسم العصا بين العرب تـاج ووسـام =سلـم خذتـه اشبالهـا مـن كهلهـا مجـدٍ تكلـم بـه روايـات وأقــلام =تنـدى مكارمـهـا وتــذري احللها وحناالبيـرق دولـة الـعـز خــدام =نحمي تـراب جبالهـا مـع سهلهـا عهد النفوس اللي بلا شـك وأوهـام =علـى الوفـا رب الخلايـق جبلهـا الفائز بالمركز الثاني : الشاعر فهد بن فارس الصخابرة . قصيدة الشاعر الشاعر فهد بن فارس الصخابرة المشارك بها بالمسابقة : ايقول من يـازن كلامـه الـى قـال =ياهل المثـل هاكـم جزيـل الكلامـي مثايـلً صخرتهـا بـيـن الامـثـال =ماهي برمية جات مـن غيـر رامـي انحت صخر واسبح بحر واشرب ازلال =واقطف زهر من روض نبت الوسامي ثم سقتها في مدح مـن جالـه افعـال =انجـز مهمـاتً اجـزالً اعظـامـي الموقع اللي وحـد اصفـوف الابطـال =المنتـدى الرسمـي لربـعً احشامـي لم الشمل للي علـى الخصـم سـلال =( زايد وتغلب ) ربع وابنـاء عمامـي جمعً كمـا البنيـان مايـوم قـد مـال =وماجاه لـو مـال الزمـان انقسامـي اسود اسودً ماانجبت كـون الاشبـال =خطلان الايـدي محتميـن الجهامـي يردون حوض الموت رجلـي وخيـال =لاطـار ستـر امرودعـات الوشامـي واسس علاقة تربـط ارجـال برجـال =محبـة وخـوة ووصـل الرحـامـي وانقذ ارقابً تنتظـر بـس؟ الآجـال =يفزع لها قدام ضرب الحسامـي وسطر اساطيرً لنا اعـراض وطـوال =تاريـخ عـزً حـاز راس السنـامـي مـجـدً عـريـقً ماتغـيـر ولا زال =يحكي به مـن تـوه بسـن الفطامـي قد راح منه اجيال ومقبـل بـه اجيـل =يمشون به وقـت الرخـا والزحامـي سيرت شرف سيرت فخر مالها امثـال =نبراسها تسمـو علـى كـل سامـي واصبح يمثلنـا علـى كـل الاطـلال =لكل القبيلـة صـار منبـر اعلامـي وفي كل عـامً ملتقـاً يطـرب البـال =علـى الوفـا يدفـع بنـا للأمـامـي وينقل لنا الاخبار فـي كـل الاحـوال =وقـت الحـدث ينقـل لنـا بالتمامـي واللي من ارجال القبيلـة لـه آمـال؟ = طمـوح ومرشـح وقـد المقـامـي؟ يدعمـه دعـمً فالمواقـيـف فـعـال =حتى يحـوز الفـوز بيـن الاسامـي وعبره نعبر بالـولاء قـدر واجـلال = من صـادق النيـة وكـل احترامـي لملوكنا اللي للوطـن ستـر واظـلال = دستورهـم ديـن العـدل والسلامـي هذا بعض ماانجز بـلا شـك واجـدال = مثل البـروق اللـي تبـوج الظلامـي ولو جيتنا بااعدهـا امحـال ومحـال = مثل البحر في كـل الاوقـات طامـي وان قامت امواجه تلاطم على الجـال = لو ينغرف ماينقصه شرب ظامي ست اسنواتً شالـت احمـولً اثقـال = مختصرة الاعوام في ظـرف عامـي بجهود ربع الجـود شيبـان وعيـال = مـن كـل قـرمً للنواميـس شامـي ندر حـرارً للدعـم ترخـص المـال = يـردون لـه ورد الـورود الحيامـي ترفع لهم بيضاً علـى روس الاقـذال = لهـم الثنـى يثنى!علـي الحـرامـي وصلوا على شفيعنـا يـوم الاهـوال = محمـد الهـادي شفـيـع الأنـامـي الفائز بالمركز الثالث : الشاعر حسن بن محمد بن بطحيّة الودعاني . قصيدة الشاعر حسن بن محمد بن بطحيّة الودعاني المشارك بها بالمسابقة : على ذكـراك ياالسـت السمـان بخيـر مذكـوره = وجدنابـك ربيـع المعـرفـه والماطرالوسـمـي ثمرهـا منتـدا باسـم الدواسرثبـت احـضـوره = وهو الأول بـدون منافسـه والموقـع الرسمـي خذا اسم اعظم قبيله فـي خريطـة نجدمشهـوره = بسم خطـلان الايـدي حـرر التوقيـع بالختمـي نعم ماهي طويلـه لونحسـب الوقـت وشهـوره = قيـاس بماتحقـق والنـجـاح المبهرالحتـمـي بنته عقول جيـل الحاضرالـي تزهـر عصـوره = تحت راية وطن وملوك فيهـا العـدل والحزمـي طبـع بقلوبنالااغـلا مليـك وللوطـن صــوره =على نهج العقيـده والمبـادي واتقـن الرسمـي جذب باسلوبه الراقي وصـدق الطـرح جمهـوره =علـى بابـه تزاحـم صفـوة الـزوار للقسمـي حفـظ للعـود قوقـل شايـب قديبسـت اجـذوره =بـراءة مااستحـق الذكربأمجـاد لهـا حسـمـي تبنـا عولمـة مـجـد المأثرعـبـر دسـتـوره =محا وجـه الفتـن والعنصريـه نهجـه السلمـي جمع شمـل القبيلـه والتواصـل مـد بجسـوره = بنـر الاعـلان يعـرض كـل يـوم للقـا فلمـي قناة اعـلام منبرهـا صـدح بالحـق وجهـوره = يحاوركـل راي ويـردع الظالـم عـن الظلمـي فتـح للشاعرالمبـدع مجـال وقـام فــي دوره = دعمـه بسيرتـه واصبـح بفضلـه شاعرنجمـي تعهـد تغطيـة كـل المحافـل غيـر محصـوره =من اضفاف الخليج العيربـي لاالـوادي المسمـي يفك ارقاب قـوم مـن سيـوف الحـق مذعـوره =سعا بصلاح ذات البين واعلـن كلمـة الجزمـي لياحميـت معـارك الانتخـاب بكـل معـمـوره =يفـوز مرشحـه ويرجـح الميـزان بالدعـمـي علـى قمـة هرمـه أدارة بالـعـز منـظـوره =تعشـق المستحيـل وتـدرك الأمـال بالعـزمـي بنـور العلـم تجـلا ليـل جهـل طـال ديجـوره =على فحوى الثقافـه والحضـاره تبلـغ العلمـي لهم من فوق ناطحة السحـاب البيـض منشـوره =بـراس المملكـه والفيصليـه بيـرق بأسـمـي رسالـه للشيـوخ الـي لهـم وقفـات مخبـوره =عوايدهـم علـى العدالـقـراح توردالمضـمـي تمدلهـم يديـن العـون كـل حسـب مـقـدوره =وبـأذن الله وتدبيـره يحقـق غالـي الحلـمـي هنـا يظهركريـم النفـس والهقـوات مـأمـوره = ويستاهـل كريـم النفـس منـا حبـة الخشمـي يـدوم العـز لبـلادي وربعـي دوم منـصـوره = على هجس الحروف اللي من احساسي ومن نظمي الفائز بالمركز الرابع : الشاعر مشيع بن فهيد الغييثات . قصيدة الشاعر مشيع بن فهيد الغييثات المشارك بها بالمسابقة : ماتعيصـب للقصيـد الا لحالـي = في طويلا" زاميا" يزمـي لحالـه ايتقنـع غترتـي والا عقـالـي = واتعلم مـن قسـاه وقـو جالـه والزمان بخير والمرشـد مثالـي = والعليم اللي علومه مـع عيالـه والحقيقه لا نقـاش ولا جدالـي = والعداله مهنة اصحـاب العدالـه والهدف واللي بقوله في مقالـي = وش حصيل الجيل لا ضيع مجاله مثل ماقالـوا كريميـن السبالـي = بالشجاعه والمـروه والجمالـه ياخذون العلم جولـه واجتوالـي = والثناء لاهل الثناء واهل الجزاله افتتاح المنتـدى معنـاه غالـي = للتعـارف والتكاتـف والشكالـه فيه تاريخ الزحول من الرجالـي = واجتماع ابناء الدواسر من خلاله للتواصل مدوا حبـال الوصالـي = وان قصرهم شي قاموا بأكتمالـه وثقوا فيـه المعـارك والقتالـي = لين خلد مجدنـا قيمـة رجالـه واقصروا دنيا مشاكلهـا طوالـي = بأتحاد صفوفهم فـي كـل حالـه مايجي علـم تعيـس الا يزالـي = كل طيب ساق له حالـه ومالـه ينعرض لاهل الفخامه والمعالـي = بعدها تصبـح دعاوينـا سهالـه مايبور الشور من عقلا" مثالـي = العدالـه غايتـه والطيـب فالـه واتقـدم واتحـدث فـي مجالـي = شعري الوهاج ماقد ضاق بالـه والقمر والشمس ماهي من حلالي = والغني من سد حاله من حلالـه الفائز بالمركز الخامس : الشاعر مطحس بن وضحان الرجباني . قصيدة الشاعر الشاعر مطحس بن وضحان الرجباني المشارك بها بالمسابقة : في الشعرلي فن وصداره وتوصيف = واتعب على بدع البيـوت الكليفـه وهواجسـي يـم النوادرمواليـف = تنقـاد للشـرد سـوات العسيفـه اجيب نادرها كمـا زلـت الكيـف = خولان بنـه والمزعفـر نصيفـه أصنف المعنى بوصف وتصنيـف = أصناف ياصفها الوصيف لوليفـه ومن بعدها سقت القوافي مراديف =القـاف جبتـه والجزيلـه رديفـه وكلفت عذب الشعر للصرح تكليف = أسوق له من عذب شعري طريفه صرح عليه من الجزاله تواصيـف = الماس لونـه والزمـرد وصيفـه حطوه في العليا رجـال عواريـف = اللي على مجده تسـوق النكيفـه جا للتعارف فيـه قيمـه وتوليـف = واعتق رقاب تنتظـر حـد سيفـه وتاريخ لاحفاد القبيلـه وتعريـف = وخلـد فعولـن للقدامـى شريفـه ودعم للشعـار القبيلـه وتثقيـف = ومساندة من كان شعـره حليفـه وفي كل محفل له تواجد وتشريف = وأسم القبيلـه كـل يـوم يظيفـه فحنا الدواسر مانبي زود تعريـف = مثل الجبـال الشاهقـات المنيفـه ترعابنا زين البكـار المشاعيـف =ويرسخ بنا غرس عذوقه مهيفـه حدودنا تعرف من السيف للسيـف = وديارنا بالمجـد خضـرن مريفـه نعز جار البيـت ونقـدر الضيـف = ويامن بنا من كان يوجس بخيفـه ناسم عصاه ولايسوق التحاسيـف = ويدله ويمشي فـي حمانـا بكيفـه وصلاه ربي عد مايمطر الصيـف = من بارق شـاق العيـون برفيفـه الفائز بالمركز السادس : الشاعر شافي بن راشد النتيفات . الفائز بالمركز السابع : الشاعر عامر بن عبدالرحمن النتيفات . قصيدة الشاعر الشاعر عامر بن عبدالرحمن النتيفات المشارك بها بالمسابقة : على العز ياصرح هذا العام سابع عـام = وفي كل يوم يرتقـي والهـدف سامـي بنوه الرجال بجهدهم ليـن عـز وقـام = على رغم ماعانومن ظروف اجسامـي وما سمعو من هـروج ولاعـذل لـوام = وماخطتـه بعـض الايـادي بالاقلامـي من اللي على شقر العصى مشيهم درهام = يبـون القبيلـه للتشتـت والاقسامـي يحييون التعصب والنعارات فـي لانـام = يشبون نيـران المشاكـل والاخصامـي باسماء معاره تدفـق السـم والاسقـام = ضعيفين الانفس ماجنو غيرا لاآثامـي مواضيعهم مهيب تخفى علـى الفهـام = ولاحركت ساكـن ولا هـزت حشامـي تذب الخريمه والاماني تصيـر احـلام = ماتثر على من جهدهـم دايـم حامـي رجال تضحـي للشمـل والنظـر قـدام = وصـرح بنـوه مسيسينـه وباحكامـي ومن حاول يهده رجـع خايـب منظـام = ذليـل وحيـد بـد تحييـه الايـامـي صرح راسخ وسياسته ما عليها اكتـام = تجلت وبانت وثمرت ستـت اعوامـي هو الموقع الرسمي على النت بالاختـام = مؤيد من شيـوخ القبيلـه والاعلامـي يعم الدواسر غرب شرق وجنوب وشام = وغدا من فضل ربي لهـم منبراعلامـي يعالج مشاكلهم ويصلح عـدا وخصـام = ويسهم بعتق ارقاب من سيف الاعدامي جمع شملهم ومجادهم واوصل الارحـام = وثبـت تواريـخ القبيلـه بالارقـامـي وغزواتهم وحروبهم واشهـر الاعـلام = ابرزهم ولا قصـر مـع كـل مقدامـي وهتـم بقصايدهـم وشعارهـم واقـام = لتشجيعهـم ا مسابقـات واوسـامـي وفي الانتخابات ان بدت حاضر ومحـام = مع الكل ياقف وقفـة تـروي الضامـي امـا للوطـن والديـن قبلـه وللحكـام = فالموقع وكل الشمل من دونها حزامـي من دون الثلاثه نارد الموت ورد حيـام = عطاشا نبيع الروح له سـاع الاكتامـي هذا الصرح واهدافه وما حققه باعـوام = الا يستحـق اوقوفنـا معـه ياكرامـي؟ الا يستحق انـا نقـف جانبـه والـزام = على شان يبقى بارقه يجـذب الضامـي واذا ماتكانفنـا وكـل بــدوره قــام = تـرا بـه خفافيـش تصيـد وهدامـي اذا ماردعنا هاابـرادع قـوي والجـام = تراها تحيـن فرصـة تـزرع الغامـي وتأبا السيوف الى اجتمعن الكسر ياكرام = لكن لا افترقنا كسرت وضحـت هيامـي هذا البيت كافي ثم صلو عدد من صـام = على المصطفى خير البريـه والانامـي الفائز بالمركز الثامن : الشاعر فارس بن فهد الفصّام . قصيدة الشاعر الشاعر فارس بن فهد الفصّام المشارك بها بالمسابقة : ياذا القلـم يامـا زهمتـك ولبيـت = وارعفت حبرك في حروفي وانا اقراه اعرفك لا نامت عيون العرب جيـت = تجلس على مركاي وتقول لي هـاه وانا معـك لانـي بحيـن ولا ميـت = والطرس ظامي للقصايـد ولا ارواه ياكود شعري خص لامـن تقهويـت = من دلـة" تشـدا الغـزال المحنـاه ذالليـل مـن بـد الليالـي تغنيـت = في نادرن من ستة اعـوام منشـاه طيرن شهر وسط القبيله واخذ صيت = مبناه فعلـه ماهـو الحكـي مبنـاه يامنتدى عز" علـى العـز سميـت = ياذا الفخر باسـم الدواسـر مسمـاه فيك اجتمعنا عقب غيبـه وضميـت = ربعك وصار البعـد بايـدك منايـاه ماهوب بس الوصل عقبـن تكفيـت = جمعت تاريخ القبيلـه مـن اقصـاه تاريخ عـز ولـه براهيـن تثبيـت = لو شكـك الحاسـد كسرنـا ثنايـاه اللي زبنا عقـب طـردن وتشتيـت = حنـا دواه مـن العـمـا والله دواه جانا الشريف يسوق جمعن عناتيـت = وعود يسوق الضيم ياضيمن اعمـاه وانشد هل التاريخ منهو بنـا بيـت = للحرب شـادوه الرجـال المضـراه يم الدخيـل تقـول لبيـه واعليـت = هذا غزالان" ومـن عقـب مجـلاه وافعالنـا مـازوروهـا الهلافـيـت = افواه تنقلهـا علـى مسمـع افـواه ومن عقبها صوت المنادي توحيـت = هذا السجين يصيح والمـوت نـاداه لبيت واسمعـت النشامـا وناديـت = ياسيف جاك العـون مافيـه عـزاه ومبارك اللي كـل صـدره تناهيـت = وقفتك زالت جرح صـدره وشكـواه ومهدي وبن عواد شكواهـم ابديـت = وياطيب ربعي في المواقيـف طيبـاه ربعي ورا الهقوات لامـن تهقويـت = ماحسبـوا للمـال قـلـه وكـثـراه ياكـم سجين"قـال ياليـت ياليـت = ليـت الدواسـر لابتـي واحـلالاه ماكان في سجني عن الناس صديـت = لاشـك ماكـلـن تهيـالـه مـنـاه وماننتقص حق القبايل في ذا البيـت = كل" خذا حقـه مـن افعـال يمنـاه وصلاة ربي كل مااصبحت وامسيـت = على النبـي اللـي تعـدد سجايـاه الفائز بالمركز التاسع : الشاعر فارس بن سالم الدبالين . قصيدة الشاعر الشاعر فارس بن سالم الدبالين المشارك بها بالمسابقة : الا ياهاجسي وقـت المواقـف = تحزّم قدمك خيـال ورعـودي خيالٍ بالشعـر تبـرق وترعـد = تفيض بها المعاني والعـدودي وانا خابرك فالميقـاف تصمـل = تجملنـي وترقابـي سنـودي مزاحم شعر فامجـاد الدواسـر = وباسم المنتدى اللي به نسودي ومن قاموا عليه وسخروا لـه = عزيز الفكر وعظام الجهـودي ونا لاجيت ابوصـف منتدانـا = يحير الوصف ماله من حدودي بنا صـدق الاخـوه والتلاحـم = بلقاءات ونشاطات وصمـودي وعرّفنا على رجـال المكـارم = رجال العـز والعليـا وجـودي جمعنا بالفخر مـن كـل دولـه = مع اهل العز وثقنـا العهـودي وجِمع افكـار واقسـامٍ كثيـره = بسنّة ديننا اللي بـه نـزودي وساعد في عمل خيرات واجـد = وعتق ارقاب والعالم شهـودي وسعى بالصلح مابيـن القبيلـه = يحلحل كل صعـبٍ ومعقـودي بفضـل الله ثــمّ الطيبيـنـي = عساهم فالمعـزه والوجـودي لست اسنين نرقـا كـل هامـه = عسانا من صعودٍ في صعـودي يـدون كـل امجـاد الدواسـر = ومن يسأل لشيٍ لـه يعـودي رجالٍ في صروح المجد حطّـو = لهم تاريخ وامجـاد وخلـودي تميزنـا بأفـعـالٍ تنـومـس = مورخهـا عريبيـن الجـدودي واولها شبـوب الحـرب حنّـا = على عدانا كمـا حيـامٍ ورودي ونكرم جارنا وناسـم عصاتـه = وبها يامن على صدق الوعودي ودينـا جارنـا سبـة جـداره = عشقنا السبق بالجزله نـرودي وإلا منّـه زبنّـا اللـي مجنّـا = نسى همه وحنا لـه عضـودي وموقفنا مع ابن مطرف اللـي = زبنّـا وارتكينـا للـضـدودي فعايلنـا لنـا بالعـز تشـهـد = مواقيفٍ لهـا فالمـدح فـودي وملكنا ديار غصبٍ من اهلهـا = فعايلنـا كمـا سـم الكبـودي حدودٍ من على خربٍ وشـرق = وشمال خريص حدٍ فالنفـودي وحنّا جنـب زينـات المطايـا = لها درعٍ على العايـل يكـودي حمينا كـل حرشـا دوسريـه = طوال الجنب وعراض الخدودي طويلات الغوارب والخشومـي = كبيريات المواطي والعضـودي نجندل عندها شيـوخ القبايـل = نبيع العمر ماهبنـا اللحـودي وكم شيخٍ بعـد مغـزاه ينكـف = بعـد ماعـال ردوه الفهـودي وحمينا الغرس من هيات طامع = رجالٍ فالوغا مثـل الاسـودي ويوم انهـا نختنـى العامريـه = فزعنا فزعةٍ تفنـي الحشـودي نبيع العمر مانرضـى المذلـه = وحنّا ستر نقّـاض الجعـودي وهذا من بعض فعل الدواسـر = ولو اعـد ماهـوب معـدودي وحنا اليوم في أمنـن وأمانـي = بفعل الفيصلـيّ اللـي يـذودي جِمع شمل الجزيـره بالعدالـه = عسى قبره رياضٍ من ورودي وورث لـه حـرارٍ صيرميـه = على دربه تسيـر وماتحـودي وحنّا جنبهـم وقـت المواقـف = درع وحزام وسيوف وجنـودي كسبتـوا الغانمـه يامنتـدانـا = لكم فعـلٍ يشـرف ومحمـودي جمعتونـا وحطيتـوا جـوايـز = عساكـم فالمعـزّه والوجـودي وختم الشعـر جعـل الله ربـي = يعـز المملكـه وآل السعـودي الفائز بالمركز العاشر : الشاعر مبارك الجوير المسعري . قصيدة الشاعر الشاعر مبارك الجوير المسعري المشارك بها بالمسابقة : يالله يـارب البـشـر والعـبـادي = ياواحدن امرك على الكاف والنـون انت الولي والمهتدى لـك ياهـادي = ياغافـر الزلـة ومـدبّـر الـكـون خلقتنـي واحييتـنـي بالمـبـادي = وهبتني من وهبـة اللـي يهيمـون اي بالله إنّـا نهيـم فـي كـل وادي = شاعر ولو قالوا هل الشعر مجنـون والشعـر مـا دنّـا و بعّـد مـرادي = اليا بغيت السمن فالهـرج مدهـون ربعي الدواسر عز خطـلّ الايـادي = وعلى وصى جبريل فالجار مصيـون مزبنيـن اللـي جـلاّ م/الآعــادي = وسمن على عصى اقصارنا لهم عون يكفينـي انـي للدواسـر بـنـادي = بالصوت حتى تسمع لعلمـي عيـون عندي ترى علمن ولاهـوب عـادي = والكل لويدري عسى الكـل يـدرون للموقع الرسمـي بهجـري ميـلادي = ستـة سنيـنٍ ياعساهـم يزيـدون منبع لصـدّارن ومربـاع ميـرادي = وكلن على ماقيل بالطيـب يـروون اليا بغيـت اخبـار تلقـا الوكـادي = واليا بغيت العلـم للعلـم مضمـون تلقابه التاريـخ / افعـال الاجـدادي = وتلقابه الاحـداث بالشكـل واللـون وتلقابه ارسوم وبطولات وامجـادي = وفيه المواثيق ومـن الـدرّ مكنـون واليـا بغيـت مـن الثقافـات زادي = اغرف من الخيرات وبدون ماعـون واليا بغيت الشعر وحروف قصّـادي = محاورة او نظـم والطـرق مـازون آصبح لنا عدّن ومِن مـا استفـادي = من العلوم اعلوم شرعـن وقانـون من داخل الدولـة ووسـط البـلادي = الربع مثل العين والموقـع إجفـون شان القبيلة مـن قـراب وبعـادي = فالمملكة واللي ورا الحد له شـووون قرّب تباعدنا من الجـوف للـوادي = وجمّع شتات الوقت وابليس ملعـون وجتنا علوم الربع حضـر وبـوادي = واهل الابل والضان وإن كان يرعون وزوّد هل التصويت جـاب الفـوادي = واخبار من حُوّكم ومن كان مسجون وكاتف يدين القوم وقـت السـدادي = واعتق لنا ارقابن وقضا لنـا ديـون ياجعل مـن سـواه درب السـدادي = ومن طوّره ياجعل ماعمـره يهـون ادارة واشـراف وطيـب اجتهـادي = ورقابـة واعضـاء والكـلّ ممنـون للداعمين اجهـود ماهـوب غـادي = وادروبهم خضرا على الطيب يبقون إمقدريّـن جهـودهـم بإعتـمـادي = وعلم الحياء بيّن ولا هووب مدفـون هذا ترى علمـي ولاهـوب عـادي = فيكفي الدواسر علم تسمع له عيـون قبيل الختام ، فإننا نعدكم بإذن الله تعالى بطرح تغطية مصوّرة تحمل أكثر من خمس مائة لقطة لجميع أحداث الحفل منذ إنطلاقته وحتى إختتامه وأيضاً بطرح تغطية تقريريّة عن الحدث وإدراج التسجيل الفيديو الخاص بالحفل خلال الأيام القادمة . في الختام ، فإن إدارة الموقع الرسمي لتقدم خالص التهنئة لـ العشرة متسابقين الأوائل الذين تمّ إختيارهم من عدد كبير من المتسابقين الذي شاركوا بهذه المسابقة الشعرية الأولى للموقع الرسمي للقبيلة . شاكرين بذات الوقت لجميع من شارك ولم يكن من ضمن العشرة الأوائل الفائزين ومقدرين جهودهم الحثيثة التي قاموا بها من أجل المشاركة . (صوت قبيلة الدواسر) منتدى قبيلة الدواسر الرسمي www.alduwaser.org/vb

 

 

 

 

[معلومات العضو حنيان الدوسري]

نباركـ للفائزين من شعرائنا المتميزين والذين

أبدعوا في سبكهم وحبكهم فباركـ الله فيهم

وشكر الله لهم تفاعلهم الرائع والشكر موصول

لرجال الأعمال الداعمين والذين وقفوا خلف هذه المسابقة

حتى رات النور وتوشحت بوشاح التميز

وشكر خاص لإدارة الموقع التي بذلت الغالي والنفيس

لأجل خدمة القبيلة وابنائها

وإلى مزيد من التقدم والرقي والتميز

 

 

 

 

[معلومات العضو محمد بن حمد الشكرة]

ألف ألف مبرووووووووووك لجميع الشعراء العشرة الفائزين في المسابقة الشعرية الاولى للموقع الرسمي لقبيلة الدواسر العريقة والشكر الجزيل لجميع اعضاء شرف الموقع الذين ساهموا في دعم الموقع ولانستغرب دعمهم السخي

 

 

 

 

[معلومات العضو محمد بن فهد الرجباني انتقل الى رحمة الله مساء الاحد الموافق27-11-2011رحمه الله واسكنه فسيح جناته]

نبارك لشعراء الموقع المتميزين على قصائدهم الرائعه التي تنم عن شاعريه كبيره والله يوفقهم لما يحب ويرضى ويستاهلون....

كما نشكر الداعمين للموقع الرسمي لقبيلة الدواسر وعلى جهودهم الحثيثه وتشريف الحفل بحظورهم الكريم....

ونشكر كل من حظر الحفل المميز وتشريفهم الكريم....

كما اشكر الادارة الكريمه على مساعيها الحثيثه ووقفاتهم الجباره وكل من شارك من مراقبين ومشرفين ومنظمين في الحفل كثير الشكر والتقدير والعرفان لما بذلوه في السعي الحثيث للابداع والتميز والرقي وخدمة القبيلة فشكراً لكم..

تحياتي وتقديري لكم جميعاً~ْ،

 

 

 

 

[معلومات العضو ابومبخوت الدوسري]

نبارك لشعراء الموقع المتميزين على قصائدهم الرائعه التي تنم عن شاعريه كبيره والله يوفقهم لما يحب ويرضى ويستاهلون....

كما نشكر الداعمين للموقع الرسمي لقبيلة الدواسر وعلى جهودهم الحثيثه وتشريف الحفل بحظورهم الكريم....

ونشكر كل من حظر الحفل المميز وتشريفهم الكريم....

كما اشكر الادارة الكريمه على مساعيها الحثيثه ووقفاتهم الجباره وكل من شارك من مراقبين ومشرفين ومنظمين في الحفل كثير الشكر والتقدير والعرفان لما بذلوه في السعي الحثيث للابداع والتميز والرقي وخدمة القبيلة فشكراً لكم..

تحياتي وتقديري لكم جميعاً .

 

 

 

 

[معلومات العضو عبدالكريم العماري]

نبارك للشعراء الفائزين بالمسابقة الشعرية الأولى لموقع قبيلة الدواسر الرسمي

ونشكر أعضاء شرف الموقع على دعمهم للحفل وحظورهم الكريم
كما نشكر إدارة الموقع على جهودهم الكبيرة في الحفل ونشكر جميع من ساهم في نجاح الحفل

 

 

 

 

[معلومات العضو ابومبارك الدوسري]

نبارك للشعراء الفائزين بالمسابقة الشعرية الأولى لموقع قبيلة الدواسر الرسمي

ونشكر أعضاء شرف الموقع على دعمهم للحفل وحظورهم الكريم

كما نشكر إدارة الموقع على جهودهم الكبيرة في الحفل ونشكر جميع من ساهم في نجاح الحفل

 

 

 

 

[معلومات العضو ناصر بن فهد]

الف الف الف الف الف مبروك للشعراء الفائزين وعز الله قصايدهم جزله وتبيض الوجه ,

وكما أشكرا اعضاء الشرف على دعمهم للحفل وبيض الله وجهيم ولاهانوا ,

وأشكر أدارتنا الغاليه على المجهود التي تبذله لخدمة أبناء القبيلة بكل النوآحي وعلى جهودها المشهوده .

 

 

 

 

[معلومات العضو خليفه الفصام]

الف مبروك للشعراء الفائزين واخص الشاعر فارس الفصام من غير قصور في الباقي وكلهم يستاهلون

 

 

 

 

[معلومات العضو محمد سعد السباعي]

مبرووووووووووكين ويستاهلوووووووون

كنت اتمنى تسنح الفرصة للحضور لكن منتدانا ماقصروا خلونا مع الحدث أول باول فشكرا لهم

 

 

 

 

[معلومات العضو أبو مبارك الصخيبري]

مبـــــــــــرووووك للشاعر عبـدالـله بن فـهـد الصـخيـبـري وبـاقي الشـعراء وكلــهم فايـزيـن



{ والـلـه لا يـهيـن المنــتدى على هـذه المـسابـقة الجـميـلة }

 

 

 

 

[معلومات العضو سعود بن عدنان]

نبارك للشعراء الفائزين بالمسابقة الشعرية الأولى لموقع قبيلة الدواسر الرسمي

ونشكر أعضاء شرف الموقع على دعمهم للحفل وحظورهم الكريم

كما نشكر إدارة الموقع على جهودهم الكبيرة في الحفل ونشكر جميع من ساهم في نجاح الحفل وبلخص فهد الغريري

 

 

 

 

[معلومات العضو نسناس الهوى]

ألف مبرك للشعرآء الفائزين..

وحظ أوفر لمن لم يحالفه النصيب..

وكل شاعر يعتبر فائز كونه يمتلك مالايمتلكه الاخرون..


والشكر موصول لكل من ساهم في نجاح المسابقه

 

 

 

 

[معلومات العضو سعود 2]

الف مبروك للفائزين