آل سعود أهل النعارة

[معلومات العضو فهد المصارير]

مما لاشك فيه أننا جميع السعوديين نفخر بهذا القدر الكبير من حرية التعبير للمواطن في الاعلام سواءً مرئي أو مسموع أو مقرؤ ، وهذا أبرز ملامح الدولة السعودية الحديثة برعاية ودعم سيدي خادم الحرمين الشريفين وسيدي سمو ولي العهد ، ولعلها فرصة للشعراء بأن يناشدوا أصحاب القرار بإسم المواطنين جميعهم من دون مجاملات أو مزايدات وبكل صدق وحياد وهذا ماعبرت عنه في هذه القصيدة :

معالي الدكتور هاشم يماني=وين الوزارة يا وزير الوزارة
وزارة التجار يالهلقماني=في ذمتي ماهي وزارة تجارة
الشعب نصفه يالوزير ضعفاني=والتاجر الفاجر يجود حصاره
بضايعه مرجودة ٍ في المواني=والعرض في الأسواق زاد احتكاره
وحضرة معاليكم يسل اللساني=ايحمل الشراي قل إختياره
مثل المحامي لانثى دون زاني=وسط المحاكم يدعي بالحضارة
متنا عطش وانته تجر السواني=ومن عدك الحالي جذبت المرارة
تاقف على المجني مع كل جاني=وزود ٍ على فقره تزوده خسارة
رسخت مبدأ " لاضربني شكاني"=وأياك أعني واسمعيني ياجارة
ماتدري إن الشعب دونه يماني=يماني آل سعود أهل النعارة
دون المواطن يخلصون بتفاني=إشعارهم في كل منبر إشعاره
بقيادة العادل بشكل ومعاني=أخو عمر عبدالعزيز بوقاره
هذاك أبو متعب مليك المحاني=الوالد القائد وحيد الصدارة
ويمناه سلطان الملقب " إنساني"=محبته في كل حياً وحارة
ولاتنا حماتنا في المكاني=لاشتد خطب اللي يخلي ادياره
أئمة الأسلام في كل زماني=مجددين الدين قبل الأمارة
حتى أتتهم رغم أنف الدواني=بيعة عهد ماجات مكر وشطارة
عقد وعقيدة مارضوا بالهواني=وحدة وتوحيد ٍ وعزم وجسارة
من قبلهم والشعب كله يعاني=واليوم صرنا للأمم كالمنارة
وأقرب دليل أعلقه في الأذاني=راعي الغنم عقب الزبارة عمارة
لو نسلم اللي يدعون التفاني=اللي يزودون الحرارة حرارة