![]() |
#1 | ||||||
|
![]() السلام عليكم ورجمة الله وبركاته .. ![]() ملف الشاعرالامير/ محمد السديري « عاشق نجد » "محمد بن احمد بن محمد بن احمد بن محمد بن تركي بن سليمان السديري" \\ { عاشق نجد } الامير الشاعر محمد الاحمد السديري شاعرغني عن التعريف لما له من شهرة واسعة ومكانة كبيرة وشاعرية فذة فهو اديب كبير ساهم في خدمة الادب الشعبي ورقيه وتألقه, يعد من أواخر شعراء النبط من طبقة آباء الشعر النبطي وقد اهتم بالتراث النبطي وألف فيه عدة مؤلفات.. شاعرنا هو محمد بن احمد بن محمد بن احمد بن محمد بن تركي بن سليمان السديري- رحمه الله تعالى - خال خادم الحرمين الشريفين الملك فهد بن عبد العزيز وبعض إخوانه . ينتسب إلى البدارين من قبيلة الدواسر . ولد عام 1340ه تقريبا في مدينة ليلى بالافلاج حيث كان والده اميرا عليها ثم انتقل مع والده الى الغاط ونشأ وترعرع هناك في كنف والده ودرس الابتدائية على يد الشيخ عبدالمحسن المنيع , شغف في بداية حياته بركوب الخيل وكان معروفا بسرعة العدو الجري حتى قيل: انه كان يلحق الصعاب من الابل ويمسك بها ,مارس هوايته المحببة ركوب الخيل والهجن كما انه كان مولعا بالقنص واقتناء الطيور النادرة,في السابعة عشرة من عمره اختاره الملك عبدالعزيز - رحمهما الله -اميرا على الجوف سنة 1357ه واثبت وجوده ودرايته وكان مما قام به تصفية قطاع الطرق والخارجين على الدولة على الحدودالشماليةوالشمالية الشرقية ثم انتقل الى منطقة جيزان عام 1363هـ وتولى امارتها ومكث هناك، وعندما ثارت المشاكل على الحدود السعودية اليمنيةبعد الاطاحة بالامام يحيى بن احمد سيطر معاليه على الحدودبحنكة ودهاء وعين عام 68ه قائد للفدائيين السعوديين في فلسطين ,ثم اختاره الملك عبدالعزيز محافظا لخطوط الانابيب وقرر رحمه الله ان يتخذ مدينةعرعر مركزا للمحافظة وكانت حينذاك صحراءقاحلة وخوله الملك عبدالعزيز للتصرف بالاراضي فأسس ثلاث مدن رئيسية هي عرعر و القيصومة وطريف وساعد ذلك على توطين القبائل حتى اصبحت مدن مليئة بالحركة والنشاط والتقدم. بعد وفاة الملك عبدالعزيز نقل الى جيزان مرة ثانية ثم اعتزل المناصب الا انه عاد وتولى قيادة الجيش بالمنطقة الجنوبية ومكث ثماني سنوات حتى انتهت حرب اليمن وعاد وقضى بقية حياته متنقلا بين الطائف ومزرعته الخفيات شمال بريدة على طريق حائل حتى داهمته ازمة قلبية حادة لازم الفراش لمدة شهر حتى توفي عام 1398هـ بالرياض ودفن بالخفيات في شمال القصيم - رحمه الله - وأسكنه فسيح جناته وقد رثاه عدد كبير من الشعراء بقصائد تدمي القلوب, اما شعره فهو يعد من ابرز الشعراء وأرفعهم .. له عدة مؤلفات منها * الديوان الأول للشاعر الأمير محمد السديري. وصل إلى ثمان طبعات * أبطال من الصحــراء * الدمــعه الحمراء(قد عرضة كمسلسل بدوي) * الجديد قصائد الأمير محمد السديري * محمد بن أحمد السديري أميراً و شـاعراً وله قصائد عديده في مختلف البحور فقد أبدع بالفخر والغزل والرثاء وفن المحاوره ، اسمحو لي ان تكون بدايتى مع هذا العملاق بقصيدة فخر وإعتزاز : إن صـار زود الـمـال بيـديـن الانــذال حـنّــا مـــن الـمـعـروف تـنــدا يـديـنـا وان كانهم شرهوا على طيب الافعال حـنّــا وردنــــا جـمـامـهـا وارتـويـنــا وان فـكّـروا للـجـود يمـشـون رحّــال حـنّــا قـبــل يـمـشـون يّـمــه خـطـيـنـا يـا مــا لبسـنـا للـشـرف كــل سـربـال وعـلـى البسيـطـة للفضيـلـة مشـيـنـا فـي دوحـة العربـا لـنـا مـجـد وظــلال وحـنّــا عـلــى در الـمـكــارم غـذيـنــا لـو نجمـع اللـي فـات منـا مـن المـال إن كـــان شـيـدنـا الـقـصـور وبـنـيـنـا نعـطـي ولا نـتـبـع عـطـانـا بـالاقــوال ونـبـذل ونـسـكـت كـنـنـا مـــا عطـيـنـا وان باعـوا الشيـمـة بديـنـار وريــال حــنــا دخـلـنــا سـوقـهــا واشـتـريـنـا نطلع لها لو هي علـى روس الاقـذال لــو هــو عسـيـر ٍ دربـهـا مــا انثنيـنـا بافـعـالـنـا نــرســم دروب ٍ لـلاجـيــال إلـــي نـسـاهـا غـيـرنـا مــــا نـسـيـنـا أســـود ســـادات ٍ تـسـجـل لـلاشـبـال فـضـايــل ٍ شـمـنــا لــهــا واهـتـديـنــا بـيـض ٍ نسجلـهـن جـديـدات وسـمـال حــفــايــظ ٍ لاحــفــادنــا الـلاحـقـيــنــا نصبـر علـى الشّـدات لـو شيلنـا مـال لـــو ســـال دم دفـوفـنـا مـــا شـكـيـنـا نـخــاف يـلـقـى ســدنــا كــــل خــتّــال ويـبـنـي هـزيــلات المـعـانـي علـيـنـا اللـيـل يــا خـالـد عـلـى والــدك طـــال وهـنّـيــت نــــاس ٍ بـالـكــرا نايـمـيـنـا يـا عـز راسـي شفـت مـا خبـث البـال شــــي ٍ يــهــوّل شــيّــب الجـاهـلـيـنـا شـي ٍ مـن اسبـابـه يشـيـب بالاطـفـال فـطّـر خـشـوم مهـجـرعـات الحنـيـنـا أديـــر قـــالات ٍ عـريـضـات وطـــوال قـــــالات خــلـــنّ الـمـخـفــىّ يـبـيـنــا منهـن رزيـن العـقـل بالـوقـت يهـتـال بـوقــت ٍ عـبــوس ٍ فـطّــن الغافـلـيـنـا وقـت ٍ مـن اسبابـه شكـى كـل ريـبـال نـصـبــر ونـسـكــت كـنـنــا غـايـبـيـنـا الــنــاس بــالأيــام راحــــل ونّـــــزال وتفجـعـهـم الـدنـيــا وهــــم دالـهـيـنـا وحـيــات رب ٍ نـــزل آيـــات الانــفــال عــالـــم خـفــايــا نــيـــة الـحـاقـديـنـا ما اترك طريق العدل في كل الاحـوال لــــو يــرحــل الـمـريــخ للـفـرقـديـنـا كان رحمه الله من المشهود لهم بمكارم الاخلاق فهو كريم سخي اليد يعطي ويساعد المحتاجين بلا حدود وكانت مجالسه دائما عامرة بالضيوف من مناطق مختلفه من ادباء وشعراء,كما انه كان يتمتع بسعة الصدر وحب الناس ولا يمل من يجالسه من احاديثه الشيقة والممتعة وقد عرف عنه شجاعة نادرة وإقدام على الصعاب والحروب وكان ذكيا حاضر البديهة عالما بالانساب قوي الفراسة ومهما تحدثنا عنه لن نوفيه حقه ولكن دعونا نبحر مع قصائده الرائعة. له عدد من القصائد يفاخر بها منها قوله.. الله مــــن هــــم بــروحــي سـهـجـهـا بخا في ضميري في كنين الحشا لاج احـــر مـــن نــــار تــوقــد وهـجـهــا منها خطر روحي علـى سلـك ديبـاج وعيـن عسـى المولـى يعجـل فرجهـا يـفـوح ناظـرهـا كـمـا عـيــن هـــداج استرسـلـت للـدمـع مـسـمـار هـجـهـا غيـظ يـكـظ عبـارهـا مـثـل الامــواج كـــم واحـــد لـــه غـايــة مـاهـرجـهـا يكنـهـا لـــو هـــو لـلادنـيـن مـحـتـاج يخـاف مــن عـوجـا طــوال عوجـهـا هرجت قفـا يركـض بهـا كـل هـراج يقضب عليـك المخطيـة مـن حججهـا حلـو نبـاه وقلبـه ابيـض مـن الصـاج الله خــلــق دنــيــا وســــاع فـجـجـهـا وعن ما يريب القلـب لـك كـم منهـاج والرجـل وان شطـت ليالـيـك سجـهـا عـســى توالـيـهـا بـتـشـر بـالافــراج اما قصيدته الثانية التي لاقت شهرة واسعة وصدى طيبا وتغنى بها اخيرا فنان العرب محمد عبده وأداها بلحن جميل ،، القصيدة لها معانيها جزلة وتصويرها . فيقول شاعرنا/ يــقــول مــــن عــــدا عــلــى راس عــالــي رجــــم طــويــل يـدهــلــه كـــــل قــرنـــاس فــــي راس مــرجــوم عـسـيــر الـمـنـالــي تـلـعـب بـــه الاريـــاح مـــع كـــل نـسـنـاس فـــي مـهـمـة قـفــر مـــن الــنــاس خــالــي يشـتـاق لــه مــن حــس بالقـلـب هـوجـاس قــعــدت فـــــي راســـــه وحــيـــد لـحــالــي بـــراس الـطـويـل مـلابـقـه تـقــل حــــراس مـتــذكــر فـــــي مــرقــبــي وش غـــدالـــي وضـعـقـت بالكـفـيـن يـــاس عــلــى يــــاس اخــــــذت اعـــــــد ايــامــهـــا والـلــيــالــي دنـيــا تـقـلـب مــــا عـرفـنــا لــهــا قــيــاس كـــم فـرقــت مـــا بــيــن غــالــي وغــالــي لـوشـفـت مـنـهـا ربـــح تـرجــع لـلافــلاس يـقـطـعـك دنــيــا مـــــا لــهـــا اول وتــالـــي لــو اضحـكـت للـغـبـن تـقــرع بـالاجــراس المسـتـريـح الـلــي مــــن الـعـقــل خــالــي مـــا هـــو بـلـجـات الهـواجـيـس عــطــاس مــاهـــوب مـثــلــي مـشـكـلاتــه جـــلالـــي ازريــــت اسـجـلـهـن بـحــبــر وقــرطـــاس حـمــلــي ثـقــيــل وشــايــلــة بـاحـتـمـالــي واصبر على مر الليالي والليالي والاتعاس وارســـي كـمــا تـرســي رواس الـجـبـالـي ولا يشـتـكـي ضــلــع عـلـيــه الــقــدم داس يـابــجــاد شـــــب الــنـــار وادن الــدلالـــي واحـمـس لـنـا يابـجـاد مـــا يـقـعـد الـــراس ودقــــــه بــنــجــر يــاظــريــف الـعــيــالــي يـجـذب لـنــا ربـــع عـلــى اكـــوار جـــلاس وزلــــه الــــى مــنــه رقــــد كــــل ســالــي وخــلــه يــفــوح وقــنــن الـهـيــل بـقـيــاس وصـــبـــه ومــــــده يــاكــريــم الـسـبــالــي يـبـعـد هـمـومـي يـــوم اشـمــه بـالانـفــاس فـنـجــال يــغـــدي مـــــا تــصـــور بـبــالــي وروابـع تـضـرب بـهـا اخـمـاس واســداس لاخـــــاب ظــنـــي بـالـرفــيــق الــمــوالــي مــالــي مـشـاريــه عــلــى نــايــد الــنــاس لــعـــل قــصـــر مــــــا يـجـيــلــه ظـــلالـــي يـنـهــد مــــن عـــــال مـبـانـيــه لـلــســاس لاصــــار مــــا هـــــو مــدهـــل لـلـرجـالــي وملجـا لمـن هـو يشـكـي الضـيـم والـبـاس بـحـسـنـاك يـامـنـشـي حــقــوق الـخـيـالــي يـاخـالــق اجــنــاس ويـامـغـنـي اجــنـــاس تـجــعــل مــقـــره دارس الــعــهــد بـــالـــي صـحــصــاح دوِّ دارس مـــابـــه اونــــــاس الــبـــوم فـــــي تــالـــي هــدامـــه يــلالـــي جـــزاك يـاقـصـر الـخـنـا وكـــر الادنــــاس مـــتــــى تـــربــــع دارنـــــــا والـمــغــالــي وتخـضـر فـيـاض عـقـب مــا هـيـب يـبــاس نــشـــوف فـيــهــا الـديــدحــان مــتــوالــي مـثـل الـرعـاف بخـصـر مـدقـوق الالـعـاس ونـثـيـر عـلــى الـبـيـدا ســـوات الــزوالــي يـشـرق حـمـاره شـرقـة الصـبـغ بـالـكـاس وتـكـبــر دفــــوف مـعـبـسـات الـشـمـارلـي ويبـنـي عليـهـن الشـحـم مـثــل الاطـعــاس قصيده نادره للشاعر الكبير المرحوم محمد الأحمد السديري كتبت هذه القصيده سنه 1377 للهجره .. سلمى تقول ان المـوده غرابيـل وانا على سلمى عليـل الضمايـر سلمى تقول الحب ويلٍ بثـر ويـل وانا حشاي بجايـر الحـب فايـر وسلمى لها بقصى الضماير مداهيل وعندي لسلمى بالمـوده سرايـر اسأل عليها كل مـا يقبـل الليـل والصبح اوصي يمها كـل طايـر الحب في قلبي صبغ صبغة النيـل بين المحاني صايب الحـب جايـر وياما توجَّـد والضمايـر مغاليـل وياما على سلمى عطيت البشايـر طفلٍ سلب عقلي بسـودٍ مضاليـل منها قلوب اهـل المـوده عثايـر ورموش سودٍ ما تكحل من الميـل سـواه خـلاق البحـر والجزايـر دارٍ لسلمى ما تجيهـا المراسيـل دارٍ لقلبـي فـي حماهـا ذخايـر ارسل لها من ناحـلات المراميـل مـا يصلنـه ناقـلات المجـايـر اطلب لها من رايح المزن بالسيـل منـه الزبيـدي نابـتٍ بالمحايـر قصيدة قل لي هلا قل لي هلا وآقول صبحك بالخيـر وقل مرحبا واقول يا روح روحـي يابو ثمـان ٍ بالمبيسـم مغاتيـر أغليك وانت اللي تسبب جروحـي جاوبت من فرقاك خلج ٍ على ضير وناديت باسمك والمخاليق توحـي حيثك هواي من البنـي الغناديـر وليا عذلني واحد ٍ قلت ما اوحـي أغليك ما طاوعت عذال ومشيـر وحيات من مشى السفينة بنوحـي قلبي على لاماك يكفخ كما الطيـر ما عادلت روعات قلبي فروحـي ورجلي تزيد المشي يمك بتصخير ولا تعدت يـم غيـرك شبوحـي وهموم قلبي منك ورد ومصاديـر كّـن عبراتـي ودمعـي يفوحـي وش جابني لولا ان هذي مقاديـر الا انها كتبـت بلوحـك ولوحـي قصيدة سيل ٍ حدر شى بقلبى يا مـلا حايـرن فيـة شىء تحير ابة العقـول الفهامـى مخفيـة بفـوادى ولا ودى ابديـة وادور الخيـرات شرقـن وشامـى احترت بة ما شفت شـى يحاليـة واليوم ابنشد عنـة مانـى بكامـى سيل حدر مع وادى غيـر واديـة مـدرى حـلال مـاة والا حرامـى كانة حلال جايزن شـرب صافيـة وش حللة يا مفسريـن الحلامـى هاتوا تفاصيلـة وهاتـوا معانيـة نبى الدليل اللـى عليـة الكلامـى نبى دليلن يفهـم الـدرب ماشيـة يمشى بة التايـة بليـل الظلامـى يمشى بة التاية ويقـدى مواطيـة ويشرب قراح الما لياصار ضامـى لا شك هجسى يوم خـلا مماشيـة انـة حـرام ومنـة زود الاثامـى احرم من الزقـوم مـرة وحاليـة وشربة على الضامى يزيد الهيامـى اللة مـن قلـب همومـة تقزيـة تدك بـة مثـل الجـراد التهامـى من ما جرى قامت تتلة مشاحيـة تل الرشا من فوق هدف المقامـى روابـع قامـت تصيبـة وتخطيـة شاف الهوايل واختـلاف الاسامـى ما يسمع الداعى اليا قـام يدعيـة يعوم فى بحر مـن الهـم طامـى ما ينتبـة للـى بصوتـة يناديـة يزيـد همـة يـوم كلـن ينامـى يشوف وقتن مـا عرفنـا تواليـة وقت يشّيب منـة ابـن الفطامـى هـذا زمانـن كاثـرات بـلاويـة الغيم يقلـب فيـة عـج وكتامـى يا بعد شرب الما على كبد راجيـة ما سيل الغبرا زعـوج الجهامـى انبيك يا من كلمة الحـق ترضيـة اعطيك ما ينفعـك وافهـم كلامـى قصـرن يذلـك لا تقابـل مبانيـة خلة عسى شامخ طويلـة هدامـى خلة عسى ما صاب اغادير يفنيـة يودع منازلـة الطويلـة رجامـى لوزان مدخالـة وطالـت حواميـة شيّد على الخيبـة قليـل الرحابـى وحـى يوريـك المذلـة وتغليـة أنا أشهد أنك ميت القلـب عامـى مـن لا يـودك لا تـودة وترجيـة ارفع مقامك يـا عزيـز المقامـى ارفع مقامك عن عـدوك وتوذيـة ويلحقك من تركت رفيقك ملامـى حق الرفيـق وواجبـة لا تخليـة يلزمك مثـل الوالديـن الحشامـى اختر عزيز الجار والحـق يعطيـة شبل على هرجن يقولـة يحامـى ما دك بة عرج المذلـة وطاريـة يسبق على فعل الفضيلة شمامـى ومن قارب الاجرب بالامراض يعدية عدواة تسطى باللحـم والعظامـى درب السلامـة بيناتـن مماشيـة ودرب العطب يرث عليك اللكامـى ابعد وقلبك نـازح البعـد يشفيـة وتلقى عن الدار البغيضـة مقامـى دارن بدار وداعـى الـذل عاصيـة ولا تقبل الذلـة نفـوس الكرامـى الـذل مـوت حايمـات ضواميـة ادخل على منزل فروض الصيامـى عن مقعد بالـذل عينـك تراعيـة الموت عند الذل امـان وسلامـى يرضى المذلة من تـردت هقاويـة والذل يجفل منة قلـب العصامـى والعبد لة رب عن النـاس يغنيـة ولولاة ما صاب الهدف كل رامـى قصيده للشاعره ريمـــه بنت الامير محمد بن أحمد السديري (رحمه الله ) وهي ترثي والدها وتقول : ياقبـر ضـم ابـوي ياقبـر بالـهـون اللي سكن فيني وهو فيك ساكـن بكت له اقلوب وعميت له اعيون وتشفّـقـت لامــاه كـــل الامـاكــن بعده حياتي مـا لهـا طعـم او لـون والعمر من عقبه مخيـف وداكـن ياقبـر هانـوا بعـده إللـي يموتـون ولا قلت انا يمكـن ولا قلـت لاكـن من القصائد المتبادلة بينه وبين عدد كبير من الشعراء البارزين الذين لا يتسع المجال لذكرهم جميعا منهم سمو الامير سعود بن محمد وسمو الامير عبدالله بن محمد بن عبدالرحمن واصحاب السمو الملكي عبدالله الفيصل وخالد الفيصل والامير عبدالرحمن السديري والشعراء زبن بن عمير وناصر الفايز وعبدالله السلوم وعمير بن زبن وراشد بن جعيثن ومرشد البذال وسلطان بن بدر وفيحان بن عقيل وناصر بن بليهيد ورشيد الزلامي وقد اخترنا لكم ابياتا بينه وبين الامير خالد الفيصل اذ يقول سموه/ ياقلبي اللي من هوى البيض معتاذ واليوم اشوف الوجد والشوق بـذه حسبي على اللي للمواصيل جـذاذ حبل الوصل من بيننا البعـد جـذه يسقـي منـازل ليـن العـود رذاذ يلقى بها ظبـي الطعاميـس لـذه الصاحب اللي عن هوى القلب مالاذ لا قلت دوك القلـب يازيـن غـذّه ولانيب من هرجـه كثيـر وهـذاذّ ماشاف فـي ليلـه نهـاره يهـذّه عساك تأتي لي يابـو زيـد نفـاذ قلب تحذى الشـور ياخـوك حـذه وقد اجابه شاعرنا الامير محمد السديري - رحمه الله - رغم صعوبة القافية الا عليه فانها لا تصعب مهما كانت فقال أسهر طوال الليل واغضي على الحاذ وعن الصديق القلب ما فيـه شـذه شكواك خلت بسـرة القلـب تخـاذ و لا عاد في قلبي من الصبـر فـذّه اللي يا بو بندر جعـل قلبـك افـلاذ مشربك ياممـدوح الأفعـال عـذّه طفل سهم عينـه بالاعمـاق نفـاذ والحق عليـك بقـذة عقـب قـذّه ان كان مالك فيـه مدخـل ومنفـاذ له الشبك في مدهـل الصيـد بـذّه وإليا دخل وسط الشبك يابن الافـذاذ غوجك لساعـات المهمـات حـذّه اما المساجلة الاخرى فهي بينه وبين صديقه الخاص الشاعر زبن بن عمير العتيبي - رحمهما الله - اذ قال شاعرنا محمد السديري يازبن ودعنـاك فـي يـوم الاثنيـن لعلهـا لـك ياخـو صنعـا مسافـيـر بجـيـرة الله ياعشـيـر الغـلامـيـن يامقـفـي عـنـا ذكـرنـاك بالـخـيـر نغليك يوم إنك بعيـد عـن الشيـن وريف لضيفك في ليال المعاسير يـوم تغيبـه عنـدنـا قــدر عامـيـن ويوم نشوفـك فيـه عـز وتباشيـر هذا الفراق اللي نظرنـاه بالعيـن وعـز الله انـك نـاوي بالمحـاديـر يازبـن يالـبـراق بالله الــى ويــن واسلم ورد العلـم يازبـن العميـر فأجابه زبن بن عمير على الابيات الماضية قائلا وانـا بعـد ودعتـك الله بتسعيـن وداعة من حفـظ والـي المقاديـر ياباذل الحسنى علـى المستحقيـن ونطاح بالضيقات وجـه المناعيـر ياللي بدرب الطيب جالـك براهيـن ولبست بالبيضـا ثيـاب مشاهيـر يبون دربك ناس واجـد وعجزيـن يجي لهم من دون دربـك عواثيـر ولا يختفي فعل به النـاس داريـن لين انها تمحـى الجبـال المزابيـر من يوم عنك اقفيت والقلب والعيـن عندك وفي جسمي تشب السواعير هنا تتجلى الحكمه وقصيده زاخره بالحكم والنصح / انبيك يا من سلت عن بعض الأحوال أنشد وأنا لـك حاضرالفكـر ومجيـب إن كـان تبـي الرشـد يـا طيـب الفـال ازبـن علـى رزاق عكـف المخاليـب ازبن على اللي في يـده علـم الآجـال عـلام مـا بالـكـون مــذر المعاطـيـب الـواحـد الـلــي للصعـيـبـات حـــلال منقـذ مـداريـك ومـبـري مصـاويـب اخـلـص لـعـلام السـرائـر بـالأفـعـال وناجـه اليـا صكـت عليـك اللوالـيـب ادعـه يفـرج لـك ليـا صـكـت الـجـال حلال عسرات الأمـوار المصاعيـب اللي دعاه أيـوب مـن ضيـم الأهـوال وأنجاه مـن حـال تزايـد بهـا الشيـب النـاس فـي دنـيـاك كــل لــه أعـمـال أتبع طريق العدل وأبعـد عـن الغيـب درب النقـاء بيـن ولـك فيـه مـدخـال ومن بـاق مالـه عنـد ربـه مقاضيـب وليـا رضـا حـلال عسـرات الأقـفـال لا تلتـفـت للخـلـق لـوهـم مغاضـيـب لا تلتـفـت للـخـلـق راحـــل ونـــزال مـالــك عـلــى ذريـــة آدم مطـالـيـب ورفيقـك المأمـون حطـه علـى البـال وأذره اليـا جــن الليـالـي شلاهـيـب أجـعـل بقلـبـك لــه مـحـل ومـدهــال تلقـاه ذخــر بمعـضـلات المواجـيـب عـديـل روحــك لا تـدوربــه إبـــدال عونـك ليـا صكـوا عليـك المغالـيـب مـا هـوب مـن شيـل العظايـم بـمـلال يصبر كما تصبر على شيلهـا النيـب مفـراص مــاص للصعيـبـات حــلال صميـل قيـض وماضيـاً لـه تجاريـب وأحذر ترى بالناس مبغـض وختـال مالـه مراجـل كـود شـذب العراقـيـب عن مذهبه خلك علـى راس مـا طـال وخلـه عـلـى فـالـه يـشـم المغـاريـب البـوم يسكـن بالخـرايـب والأطــلال والحـر مسكانـه بــروس المراقـيـب طيـر السعـد مـن كـفـه الــدم شــلال بالمخلب الساطي عطيب المضاريب ولا يـغــرك بـالـرخـم كـبــر الازوال وكبرالنسورالمهـدفـات المـحـاديـب ... آسفه جداً على الإطالة في الموضوع., والخطأ ربما يكون وارد. وأرجو تصحيح الخطأ إذا وجد., دمتم بكل احترآم
|
||||||
|
![]() |
![]() |
#2 | |||
|
![]()
|
|||
|
![]() |
![]() |
#3 | ||
|
![]() لاهنت اختي بنت الشايب على ماقدمتي
|
||
|
![]() |
![]() |
#4 | ||
|
![]() أختي بنت الشايب .. أبدعتي
نبذه جميله عن شاعر يستحق كل مجهود مبذول لك شكري و تقديري
|
||
|
![]() |
![]() |
#5 | ||||||
|
![]()
|
||||||
|
![]() |
![]() |
#6 | ||||||
|
![]()
ولا انت يالغييثي
دمت بوود
|
||||||
|
![]() |
![]() |
#7 | |||||||
|
![]() اقتباس:
لاهنت على مرورك الراقي دمت بود
|
|||||||
|
![]() |
![]() |
#8 | ||
|
![]() الاخت القديره بنت الشايب
|
||
|
![]() |
![]() |
#9 | |||
|
![]()
|
|||
|
![]() |
![]() |
#10 | |||||||
|
![]() اقتباس:
ولاهنت ع المرو الطيب دمت بود
|
|||||||
|
![]() |
![]() |
#11 | ||||||||
|
![]() اقتباس:
والله يعافيتس دمتي
|
||||||||
|
![]() |
![]() |
#12 | ||
|
![]() مشكوره على البحث الطيب
|
||
|
![]() |
![]() |
#13 | ||||||
|
![]() العفوو ياسعد والله يعافيك ويسلمك
|
||||||
|
![]() |
![]() |
#14 | ||||||
|
![]() الله يرحم العم محمد الاحمد ويسكنه فسيح جناته
|
||||||
|
![]() |
![]() |
#15 | ||||||
|
![]() اللهم امين
|
||||||
|
![]() |
![]() |
الذين يشاهدون محتوى الموضوع الآن : 2 ( الأعضاء 0 والزوار 2) | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
ديوان الشاعر دخيل الله ابن محمد ابن دخيل الله الشكره رحمه الله | سلطان بن دخيل الله | :: قسم قصايد مدح وفخـر في الــدواسـر :: | 60 | 17-08-2022 03:24 AM |
اللقاء التاريخي مع الأمير علي بن محمد بن وقيّان أمير قبيلة الغياثات | الإداره | :: قسم اللقــاءات والفعاليات والتغطيات الخاصة:: | 57 | 17-04-2013 10:52 PM |
بعض من سيرة أم المؤمنين السيدة عائشة بنت ابي بكر الصديق رضي الله عنهما وارضاهما. | محمد بن فهد الرجباني | :: قسم المـواضيع الـعامــة :: | 12 | 29-01-2013 03:06 PM |
أم المؤمنين خديجة بنت خويلد رضي الله عنها و أرضاها | الدردور | :: القسم الإسلامـــي :: | 11 | 23-02-2011 10:23 PM |
فضل العشر الأواخر وليلة القدر | صادق الود | :: الخيمة الـرمضـانـية 1431هـ :: | 10 | 08-09-2010 10:33 AM |
إعلانات نصية |
منتديات صحيفة وادي الدواسر الالكترونية | |||
![]() |
![]() |
||