قصيدة فويران المقابله رحمه الله

[معلومات العضو تركي ال فنيس]

الشاعرالمعروف/فويران بن فويران المقابله الدوسري رحمه الله
والذي عرف عنه الجزالة في المعنى والأبداع
في التعبير ومحاكاة وآقعه البدوي
وقد اشتهر رحمه الله بقصآئد الفخر والحماسه
وقصآئد وصف الأبل
ومن قصائده قوله

يقولون بع حنانتـك ليلـة المـرى=الي على الرصه تجيـب احتمالهـا
وطّاية الركبي على اليـن والقسـى=ليلـة قربهـا مايّونـي عوالـهـا
دجّـارةٍ دّوايـةٍ كــن وصفـهـا=محالـةٍ لازاجلـة مـن حبالـهـا
بكرٍصخيـف اودرهـا مـا تمنـه=غبوقتـي لاجـت ليالـي شمالهـا
لا ذعذعت معها مـن الوبـل رذرذ=ثم همّلت محـق الجرامـا عيالهـا
غبوقتي وغبوقـة الغالـي الدنـي=وغبوقة الـي مـن بعيـد لفالهـا
احبّهـا ومـن لامنـي لامــه الله=حلايبـه تفنـى ولالــه بدالـهـا
حنينهـا علـى شـفـاةٍ لـديـره=تحبها مـن زيـن ماقـد مضالهـا
دار من الركـن الشمالـي بليلـى=الى فرعة الوادي جنـوب كمالهـا
دار مشاربهـا حوابـيـط غيـنـا=ون جاء الصفاري تنتحي في رمالها
دار بها تجـزي مظاهيـر الأربـع=والخامسه فيهـا تقاظـع جمالهـا
لعلها الوكـاف مـن ليـل بـارق=يثلـم زبايرهـا محانـي جبالهـا
اقصـى ممالكنـا بـلاد السـدارى=شيخاننـا وانـا رواسـي جبالهـا
هل شيخـةٍ متقدمـه مـن لوايـل=وهل كرمةٍ حتى الهلالـي ظوالهـا
وهل حربةٍ سطايـةٍ فـي حفيفهـا=وهل سربةٍ طرق المسودس نعالهـا
وهل سربةٍ عـزم نهـار الدبايـل=يردون حيظـان البـلا بجتهالهـا
راحوا وشاخوا في ديـار القبايـل=وتبينوا بالعـز واخـذوا جمالهـا
وحنا وهم فـي دارنـا محتمينهـا=من دونها ندكم شبا مـن عنالهـا
ومنهـا نعـدي بالقنـا والسلايـل=كمـى يعـدي وارد المـا نهالهـا
زايديـةٍ زادوا علـى مـن بغاهـم=زود الطعـوس لحافـر بهتيالهـا
حظـرٍ وبـدوانٍ بقـبٍ اصـايـل=وفرنجيٍ عجـل النـدب بشتعالهـا
وعصيهم من وارد الهنـد صافـي=حدبٍ على العدوان تفتـق سلالهـا
من ديرته زاع الشريـف وعنالنـا=ومولميـن كرمتـه ليـن جالـهـا
كرامته شلف تلظـى بهـا البلـى=خوافـي اشبـاب الدقـل يعتبالهـا
وسيوف هند في كفـوف تخضـب=بدمـي حـف لانـوى الله زوالهـا
قاموا يفدونـه علـى كـل سابـق=فد الفهد شرد المهى مـن غزالهـا
كله لعينى بن مطرف يـوم جانـا=عليه من الحاكـم جنـاةٍ مشالهـا
حطوا في رجله صنقل ثم مشوبـه=حيله لبـن بـدران يـوم احتالهـا
وخلوه يفتح من رجولـه ويفتكـر=يشوف الهوايا الي تزاعج وشالهـا
خليّ الشريف محمـد يـوم دبـروا=معاد همه من قعـد مـن دوالهـا
غنابهـا ورق الحمايـم وغــرد=ولجوبها الطرشان واللـي حكالهـا
شبعة طيور الجو من غـب كونهـا=والضبعة العرجاء تهنـوا عيالهـا
يرصخ بنا غرس الفضاء في حماده=سوره مجاهيـمٍ تخالـف شوالهـا
وقبٍ مشاويـلٍ تحـت كـل نـادر=جلال العلابـي مقسيـاتٍ حبالهـا
هل سربةٍ يثعون كينـان الاعـدى=ويرون عودان القنـاء فـجتوالهـا
وهل سربةٍ لادبـرت كـن وصفهـا=عوج الزوايل ضلعٍ مـن شمالهـا
وهل سربةٍ الى اقبلت كـن وردهـا=صرّم شياهيـنٍ علفهـا استوالهـا
ياما شكى من حربهم مـن قبيلـة=وكم كاعبٍ منهـم يتامـى عيالهـا
أعـد لـي قـولٍ وهـم يفعلونـه=لاخيـر فـي قـولٍ بليّـا فعالهـا
فـيـاالله ياعـلام عيـلات عبـدك=لامالت الدنياء علـى الله عدالهـا
اغفـر لعبـدك لاطلبـك المغفـره=وعني على شيطان نفسي وحالهـا
وختامها مني صلاةٍ علـى النبـي=عداد ماهـل المطـر مـن خيالهـا

 

 

 

 

[معلومات العضو مسعود المقيبلي]

لاهنت اخوي تركي وبيض الله وجهك

 

 

 

 

[معلومات العضو أبوفهيد الودعاني]

صح الله لسانك يالقرم ولسان قايلها فويران الله يرحمه


عساك على القوة يابن عمي


تحياتي لك ،،،

 

 

 

 

[معلومات العضو العماني]

الله يرحمه ان شاء الله ويسكنه الجنه

بيض الله وجهك اخوي تركي على ذي القصيدة

تقبل تحياتي،،

 

 

 

 

[معلومات العضو غياث]

الله يرحمه... ويرحم موتى المسلمين..

بيض الله وجهك ياتركي على هالقصيدة الجزلة

 

 

 

 

[معلومات العضو تركي ال فنيس]

اخوي الرمح ولا شنت يالقرم وجهك ابيض ويسعدني مرورك

 

 

 

 

[معلومات العضو تركي ال فنيس]

والسانك يالبراق ولاهنت يابن عمي علي مرورك

 

 

 

 

[معلومات العضو نايف]

الله يرحمه بواسع رحمته

لاهنت ياتركي وبيض الله وجهك على الاختيار الجميل


تقبل تحياتي ,,,

 

 

 

 

[معلومات العضو تركي ال فنيس]

بو مبارك وجهك ابيض ويسعدني مرورك

 

 

 

 

[معلومات العضو تركي ال فنيس]

غياث وجهك ابيض يالقرم

 

 

 

 

[معلومات العضو فهد الدهمش]

لاهنت يا تركي وهذي عوايدك



تحياتي,,,

 

 

 

 

[معلومات العضو سعد المقابله]

الله لايهينك يا تركي الودعاني

والله يارحم ابومعجب ويسكنه فسيح جناته

 

 

 

 

[معلومات العضو تركي ال فنيس]

نايف ولا شنت وجهك ابيض يالقرم

 

 

 

 

[معلومات العضو تركي ال فنيس]

المشاركة الأصلية كتبت بواسطة فهد الدهمش

لاهنت يا تركي وهذي عوايدك
تحياتي,,,

لاهنت علي مرورك يالغالي

 

 

 

 

[معلومات العضو عبدالرحمن الشرافي]

صح الله لسانك يالقرم ولسان قايلها فويران الله يرحمه


ولاهنت على نقل هذه القصيدة الجزلة لنا

فبيض الله وجهك يالقرم

تحياتي لك ،،،