طرد الهوى

**معلومات** **العضو** · 15-12-2010, 07:03 PM

السلام عليكم ورحمة الله

ارجو قبول هذه الوجدانيه على امل ان ترتقي لذايقتكم الرفيعه

صدفه ولادري كيف صارت وجاتي= صحيح بعض الناس حظه معنيه

كل الجروح اللي مضت مرمساتي=عادت جدد والقلب كثرت طواريه

يابنت شوفي وش بقى من حياتي=حصنن من الايام طاحت مبانيه

واليوم جيتك حاملن ذكرياتي=بكتاب ضيع فهرسه طيش راويه

انا دخيلك من هروج الشماتي=وحبن على ماقالو الناس تمويه

انا هويتك والوفا من صفاتي=حبن على وضح النقا ذي مباديه

وانا عليك اضفي اكموم العباتي=عهدن علي حبك فلانيب مصخيه

وانا عادتي ماثق بكل البناتي= ولا كل سرن للعرب يمكن ابديه

ايلين جيتي في حياتي وذاتي= ياغرس قلبن دمي اللي يسقيه

ان جيت في عينك فهذي مناتي=كني ملكت الكون من الهيه للهيه

وان طحت من عينك وطاحت عصاتي=غيرك من الزينات مانيب باغيه

ببيع قلبي واستريح بحياتي=طرد الهوى همن وضغط ومشاريه