اسرني ظالمً حاقـد

[معلومات العضو بن الجراح]

اســرني ظالــمً حاقــد ,

ابيات اترجم من خلالها الحنين وبلسان بيت المقدس الشريف والاقصى المبارك الى احضان امته الاسلاميه واهله العرب ....... سائلاً المولى جلت قدرته ان يفك اسره من قبضة الصهاينه المعتدين احفاد القرده والخنازير .....


صبـرت وفاضبـي صبـرً تحملتـه وانـا مـا اقـواه = وانــا صـبـري تـعـدا الـحـد واللـوعـات تشقيـنـي
تحملـت الـعـذاب الـلـي بـلـغ حــد الخـطـر والآاه = صرخـت ولا لقيـت اللـي مـن جراحـي يداويـنـي
صرخت وصرختي هزت كيـان العالـم مـن ادنـاه= سمعـهـا قـاصـي ودانــي ولـكـن مــن يواسيـنـي
نخيـت اهلـي واقـرابـي وخـلانـي واهــل الـجـااه = ولابــه مــن تعـهـد لــي وحــاول مـــن ينجـيـنـي
نخيـت العالـم بأسـره .. ولااحــدً مطلـبـي لـبـاااه= نخيت الشرق واهل الغرب وشعوب المسلمينـي
شكيت من الفراق اللي طعـن قلـب العنـا وادمـاه = غـيـابً طـالـت اسنيـنـه بـلـغ واحــد وخمسيـنـي
اسرنـي ظالـمً حاقـد علـى الاســلام فــي مـغـزاه= بطـش فينـي وراوانــي مــن بطـوشـه تلاويـنـي
ثـراي الطاهـر الزاكـي يـهـودي بالـقـدم يـاطـاااه= وانـــا ثـالــث حــــرم واول دلالــــه للمصـلـيـنـي
انا الاقصى وانا الصخـره وانـا اللـي ربنـا عـذاه= وانــا ارض الـربـاط الـلــي تـنـورنـي عنـاويـنـي
خـواتـي مـكـه ويـثــرب رفـعـنـا الله فـــي بـيــداه= عطـانـا منـزلـه تسـمـوا عـلــى كـــل الميـاديـنـي
ذكـرت اللـي جـلا عنـي ظـلام الجـور فـي يمنـاه= عُمر ارهـب عتـات الانـس واحـلاف الشياطينـي
فعـل فعـلً ويشهـد لـه شقيـق الــدم قـبـل اعــداه= كـشـف عـنـي بـراقـيـع الـمـذلـه يـــوم تكسـيـنـي
دنـا منـي وانـا لـي فـيـه عـهـدً والـعـدو يخـشـاه= دنـا واقتـص لـي حقـي وانـا ادري مــا يخليـنـي
وتذكـرت الشجـاع اللـي تذكرنـي وانــا ماانـسـاه = فـزع لـي فزعـةً واقسـم حقيـقـه فـرّحـت عيـنـي
تـذكـرتـه وابـــي مـثـلـه لامـتـنـا يـعـيـد اســمــاه = يعيد الحق لاصحابـه عقـب ماادبـر مـن اسنينـي
صــلاح الـديـن تاريـخـه يـجـدد لـلـعـرب ذكـــراه= وارددهــــا بــوجــه الــلــي تـعـنـالـي يـعـزيـنــي
متى يـا ياعزوتـي ترجـع حقـوقً حطمـوا مبنـاه = متـى تصـحـون ياشـعـب مــن الانــذال يحميـنـي
انـا يأسـي يطوقنـي عـقـب مــا عــادت المـأسـاه = ومعاها سـاءت احوالـي .أنـا الاقصـى انـا وينـي
انـا قـدس الـعـرب واسـمـي تبـيّـن للـمـلا يـقـراه= انــا مـسـرا رســول الله وفــي عـهــده يحيـيـنـي
سـرا مـن مكـه وجانـي والاقصـى يومهـا حـيّـاه= وصـلـى بالـحـرم جـمـعـه وبـحـضـور النبيـيـنـي
الـى سابـع سماواتـه عــرج بــه ربـنـا واعـطـاه= كــرامـــاتً تـمــيّــز نــبـــي الــحـــق والــدّيــنــي
لى السدره من الاقصى على ظهر البراق اسراه= ومعه جبريـل يكشـف لـه عـن اسرارالموازينـي
ولايمـكـن تــراب الـقـدس ينـسـى دم مــن روّااه = كمـا الـدره وهــم قـلـه مــن احـسـاب الملاييـنـي


محمـد بن سـوعان الـربيّع