الوصيّــــه

**معلومات** **العضو** · 19-05-2009, 06:08 AM

أسعد الله هواك بكل خير=يا وليفٍ ذبحني ما درى
يترك الشّوق فيني يستثير=وا عذابي إلا منّه طرى
أشهد إنّه مِكن وسط الضّمير=شدّ فيني مواثيق العرى
يحسب النّاس مثله بسّ غير=ما بعد شفت شكله في الورى
يا فراغٍ بعد فقده كبير=ليته يحسّ في شيٍّ جرى
أدعس الشّوك من بعد الحرير=و أسهر الّليل لا كلٍ سرى
دايم الهمّ كنّه لي جوير=و أتجوّد بصبري و إنفرى
حاجتي له مثل حاجة فقير=يتذرّى و لا حصّل ذرى
اعرف انّ الّليالي تستدير=فرق بين الثّريّا و الثّرى
مبطيٍ ما هدا طرْفي قرير=كثر ما شاف ما عاف و ضرى
أجمل أحلامي بسرعه يطير=و إن كتبت الوصيّه ما قرا

**معلومات** **العضو** · 19-05-2009, 07:07 AM

الله الله

صح لسانك على القصيده الجزلة والمعاني الرائعه

تقبل تحياتي,,

**معلومات** **العضو** · 20-05-2009, 02:42 PM

صح السانك ياعبدلله ع القصيد الوافيه والجزله

بيض لله وجهك ولايهينك تقبل مروري

**معلومات** **العضو** · 24-05-2009, 10:17 PM

فيصل الشكري

لا خلا و لا عدم

اشكر قلبك

دمت للود،،،

**معلومات** **العضو** · 25-05-2009, 01:26 AM

أسعد الله قلبك يا أبوصالح بكل خـيـر

شاعر قـدير بلاشك صح الله لسانك وعساك على القوه

أبيات رائعه يالقرم لا تحرمنا مثيلاتها يا أبوصالح

بيض الله وجهك

وتقبل تحياتي،،

**معلومات** **العضو** · 25-05-2009, 01:58 AM

صح لسااااانك ولاهنت قصيده رائعه

**معلومات** **العضو** · 25-05-2009, 03:05 PM

صح السانك لين ترضى ياعبدالله,,
شاعر مبدع دايم سجل اعجابي بماطرحت وننتظر المزيد من الروائع
دمت بخير

**معلومات** **العضو** · 25-05-2009, 11:39 PM

محمد بن سالم

لا هنت

و اشكر حضورك

دمت للود،،،

**معلومات** **العضو** · 26-05-2009, 12:55 PM

صح الله لسانك مليارررر

أبيات جميله ورائعه

تحياااتي

**معلومات** **العضو** · 28-05-2009, 03:35 AM

بدر

لا هنت

شكرا لكـ

عساك تبقى ذخر

كل الود،،،

**معلومات** **العضو** · 28-05-2009, 09:37 AM

صح لسانك ياعبد الله قصيدة وافيه من رجالا وافي

لاعدمناك

تحيااااااااااتي لك

نايف ابن شميعان

**معلومات** **العضو** · 02-06-2009, 03:10 PM

الشقردية

هلا بك

و شكرا لحضورك

دمت بخير،،،،

**معلومات** **العضو** · 07-06-2009, 06:16 PM

حسن

لا هنت

و عسى عمرك طويل

وجودك شرف،،،

**معلومات** **العضو** · 03-06-2011, 11:06 AM

لاهنت يا اخييي الشاعر
عبدالله الدوسري
كلمات روعه وصح السانك
وسلمت الأيادي على القصيده الجزله
وفي انتظار ابداعكم

يا حلو الايام لو ترجع على كيفـــــــي
ما كان قلبي شـكى فـرقا مواليفـــــــه
كانـوا بقـربي ولا يحتـاج تكليفـــــــــي
واليوم راحوا ودمعي صعب توقيفـــه

&&&
اخواني واخواتي الشعراء والشاعرات مشاركتكم
في هذا القسم
بالقصائد والخواطر تضفي عليه النور

مع تحيات
Greetings
اسد الوادي ومحب الريان القطري
Lion of the Valley and loving Rayyan of Qatar
مشعل دعثان الودعاني الدوسري
Mishal dathan al wdani al dosari

**معلومات** **العضو** · 03-06-2011, 01:58 PM

الجراح

لا هنت

و تسلم على الحضور

دمت بخير،،،

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية