قصيده عنيفه في الاتحاد

[معلومات العضو تآج روس السلاطين]

:

نادي وفي حُبه لي أبيات وأبيات
عميد والأصفر والأسود ، شعاره
نادي تجاوز في طريقه صعوبات
نادي وطن والشعب خلف إنتصاره

نادي مرصع بالذهب والبطولات
كبير حتى لو لعب في صغاره
كبير له حاضر وله ماضين فات
والفوز طعمه غير طعم الخساره

هيهات من يلعب معه بالنهايات
أكيد بـ الملعب يذوق ( المرآره )
هيهات ثم هيهات هيهات هيهات
ما يغلبه لو كان في عقر داره ..

مدري وش أكتب عن فريقي وبالذات
عن التميز / والرقى / والحضاره
أكتب عن الجمهور ولا الرجالات ؟
ولا عن الاتي ، وموجه ، ونااااره

يلعب ، ولا تأثر عليه الغيابات ..
إبداع بـ الملعب ، وفن ، ومهاره
حماس ، نديه ، جماهير ، لمسات
قوه ، تعاون ، يد وحده ، إثاره

النمر لو يمرض ترا النمر مامات
ومنصور باقي هو رئيس الإداره
مني لـ ابو ثامر سلام وتحيات
خل الأمير اللي بوسط الاماره

لازال يدعم خلف الاضواء بسكات
اللعب .. يبغاله دهاء ، وشطاره

ماهو ضروري يتجه لـ القناوات
ويروح لـ النادي يسوي زياره ..
أهم شي ناديه فوق / المنصات
ويبقى مكانه دايماً بـ الصداره

نادي جماهيره ماهي بالهتافات
ولابشكل اللاعب او في سماره
أنا اعرف ان الزين زين البنيات
ولا الرجل في حشمته واقتداره

مبروك جمهور الذهب عشر مرات
في كل بيت ، وكل زنقه ، وحاره
رغم الظروف القاسيه و الضغوطات
إتي وجاب إلنا الذهب عن جداره. ((الشاعر مرضي البلوي مهداه لجماهير الاتحاد والشيخ منصور بن حمدان البلوي ))منقول مجالس بلي تحياتي للجميع

 

 

 

 

[معلومات العضو حمد ابن فهد]

ههههههه الاتي العميد يستاهل القصيدة وصح لسااان الشاعر مرضي البلوي تقبل فائق الاحترام

 

 

 

 

[معلومات العضو ابو حسين الدوسري]

يسلام يستاهل عميد النوادي
صح السانه البلوي وصح منقولك
يتاج روس السلاطين
كثر من هالقصيد الزين جعلك تحيا
فايف ستار

 

 

 

 

[معلومات العضو تآج روس السلاطين]

المشاركة الأصلية كتبت بواسطة حمد ابن فهد

ههههههه الاتي العميد يستاهل القصيدة وصح لسااان الشاعر مرضي البلوي تقبل فائق الاحترام

الله يسعدك تستاهل الخير اخي حمدابن فهد شاكرمرورك

 

 

 

 

[معلومات العضو تآج روس السلاطين]

المشاركة الأصلية كتبت بواسطة ابو حسين الدوسري

يسلام يستاهل عميد النوادي
صح السانه البلوي وصح منقولك
يتاج روس السلاطين
كثر من هالقصيد الزين جعلك تحيا
فايف ستار

أرحب يابوحسين لبه قلبك ابشربري اسعدني مرورك تحياتي لك