قصيدة انت بتسافر للشاعر...

[معلومات العضو ساس العز]

صباح الخير يا اعضاء منتدى قبيلة الدواسر

حبيت اصبح عليكم بهذه القصيدة للشاعر صالح آل مانعة المري




انـت ياللـي ماخـذٍ قلبـي معـك حجـة وداعـه
تدري انك ماكسبت الأجـر فـي النفـس الحزينـه

شفني مـن العـام خليتـه معـك سمـعٍ وطاعـه
وانـت لارديـت لـي قلبـي وانـا ماقلـت وينـه

شف بعينك واعطنـي قلبـي لعـل ارتـاح ساعـه
ساعةٍ تـروي ضمـى العطشـان وتخفـف حنينـه

ساعةٍ يفرح بهـا المحـرورم يـوم الوقـت لاعـه
لحظةٍ تسـوى علـى المشتـاق مثـل اول سنينـه

افتح ابـواب الوصـل وحـذف مفاتيـح القطاعـه
واقض ديانـك بـدون اربـاح لوهـو ربـع دينـه

مرحباً في ذمتـي لاجيـت مـن عقـب انقطاعـه
تذرف ادموع الفرح وتقـول شيـن البعـد شينـه

قلت لك هـذي طبـوع الوقـت تفريـق الجماعـه
لاكن الجمعـى بعـد طـول العمـر فرصـه ثمينـه

قلت لي كنت احسب ان عندي على الصبر الستطاعه
واثرني ضايـع ولاكبـدي علـى الفرقـاء فتينـه

قلت لك طبـع الصبـر يعتـاش والفرقـاء متاعـه
عادته يخلـف اضنـون الرجـل كـون الله يعينـه

الصبر مـن غيـر مانرضـاه يااااصعـب ابتلاعـه
يقهـر الـرجـال ولا يظـهـر الدمـعـه بعيـنـه

من يقول الصبـر مفتـاح الفـرج ماقلـت اشاعـه
غير انـا قدلـي سنـه ماشفـت منـه الا غبينـه

المهـم بـاب الحـزن صكـه بمفتـاح القنـاعـه
خـل ذكـراه الحزينـه فـي ساعدتـنـا رهيـنـه

انتهـا وقـت الحـزن والبعـد قضبنـا شـراعـه
وابتـدا وقـت السعـاده تنشـر اشراعـه يمينـه

تدري ان بعدك حريـق القلـب واخـاف اندلاعـه
خايـفٍ نـار الحـزن تشتـب وتشيـع المديـنـه

وتدري ان فرقـاك ليـلٍ مظلـم وقربـك شعاعـه
وتدري ان قربك يعيـن القلـب وان بعـدك يهينـه

وتـدري ان قولـة فمـان الله مافيهـا شفـاعـه
وتدري ان قوله صبـاح الخيـر تغشاهـا السكينـه

ياصبـاح الخيـر ياوجـه السعـد عبـر الأذاعـه
نور وجهك طولـةٍ فـي العمـر لاشعشـع جبينـه

شوفتـك تجلـى همـوم القلـب وتزيـد اندفاعـه
للغلـى وتـداوي جــروح المعالـيـق الدفيـنـه

ادري ان بعـدك ماهـو بيـدك ولاقصـدك لكاعـه
وان طلع مافـي يـدك حيلـه فخلـك وش بدينـه


انــــــــــــــــــت بــــتــــســـــافـــــر ؟




انــــــــــــــــــت بــــتــــســـــافـــــر ؟





انــــــــــــــــــت بــــتــــســـــافـــــر ؟



انت بتسافر ؟ فماااان الله خذ قلبي وداعه غير لاتبطي ترا الأنوار طفيت في المدينه



صـــــالـــــح آل مـــانــــعــــه الـــــمــــــري







وعسا ان تنال اعجابكم ....

 

 

 

 

[معلومات العضو ريتآل]

صالح ال مانعه احد اللي انظلمو في مسابقة شاعر المليووون

قصيده رائعه بالفعل

صح لسااان قايلهاا وسلمت يمينك ياساس العز

تقديري لك


تناهيد!

 

 

 

 

[معلومات العضو ساس العز]

مرحبا بك يا تناهيد ولاهنتي على مرورك

 

 

 

 

[معلومات العضو ماعلي قصور]

صح لسان من قالها ومن نقلها

قصيده فغاية الروعه
وكلماتها تدعس ع الجرح والله


لاهنت اخويـ

 

 

 

 

[معلومات العضو ساس العز]

صح بدنك وماعليك أقصور ومن قال ما هان ويشرفني مرورك

 

 

 

 

[معلومات العضو ابو فهد الغييثي]

الله يعطيك العافيه على النقل وصح السان الي قالها

 

 

 

 

[معلومات العضو ساس العز]

ابوفهد الله يعافيك ولاهنت