قصيدةالعين: مناحي مشعي الدوسري

**معلومات** **العضو** · 04-11-2008, 02:31 AM


	العين تعسف دمعها دون خيال... والهرج يعجز عن كلام اللباقة.... هات الدلال وبهر القلب فنجال... واشرب معي ياصاحبي هيل الصداقة... كان الغياب اللي كسر خوتك طال.... وش حيلة اللي غاب عنه اشتياقة.... تعال وانظر كيف دونت تمثال.... من جرحي اللي قابلا للاعاقه.... كم من صديق يزعله قول او قال... وكم من رفيق جاهلا للرفاقه.... وكم من عزيز صف مع صف الانذال... وكم من سهم صوبي جهز لانطلاقه... ما ارتحت مع عم ولا ارتحت مع خال... ولا ارتحت مع قلب رفضت اعتناقه.... الا انت ياسيد المغاوير الابطال.... حتى بمرك شفت حلو الصداقة.... لو المحبة تنشرى بجاه او مال.... رصدت لك مليون طاقة وطاقة.... انت الورود الزاكيه ريحها جال.... لا والله الا انت ياصاحبي باقه.... ان قلت لك قول تعاكسه الافعال... اعرف ترى قلبي قبلت احتراقه.... خذها عهد مني ولو هالزمن طال.... ماانسى رفيق معتني بالرفااقه.... اهــــــــــــــداء خـــــــــــــــــاص ... للخــــــــوي الــــــوفي الذيبان شرواكم يالدواسر

**معلومات** **العضو** · 04-11-2008, 02:48 AM

صح لسان الشاعرولاهنت اخوي على طرحك..

**معلومات** **العضو** · 04-11-2008, 02:00 PM

**معلومات** **العضو** · 05-11-2008, 01:39 PM

تسلمون يذيابة
ومشكورين على الرد
على مواضيعي

**معلومات** **العضو** · 18-11-2008, 07:19 PM

كفو والله يراعي الاحمر

**معلومات** **العضو** · 19-11-2008, 09:35 PM

تسلم يالقذيفى

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية