!! لاضــــآق صدري جيت نجر ودله....!!

[معلومات العضو نسناس الهوى]

بسم الله الرحمن الرحيم..

ومساكم خيـــــــــر//

أعجبتني كثيــــــــرا أتمنى تحوز على رضا ذائقتكم الشعريه..

يالله يا اللي سايله ما يمله= يا منبت العشب الخضر بالرشاشي
تفرج لمن كنّه على صلو ملّه= متحيرٍ ضاقت عليه المواشي
لا ضاق صدري جبت نجرٍ ودله= وسويت ما يطفي لهيبٍ بجاشي
وإن جا المسير عمس عندي دوىً له= فنجال ما سواه خطو الخداشي
بكرٍ على ليا جيت أزلّه= يشبه خضاب مردوعات النقاشي
وان كثر هتّاش الخلا ما نمله= حقً علينا فزةٍ وانبهاشي
يوم ان ولد اللاش ياقف بظله= كنه على درب المراجل يهاشي
ومعبرينٍ كل وقتٍ بحله= نصبر على ما كاد والرزق ماشي
حينٍ هشيم وحين نوقد بجلة= ومرً نبهرها ومر بلاشي
ونوبٍ بيسر ونجمع الكيف كله= ونوب على الشامية أم الغشاشي
تعبى لضيفٍ عانيٍ من محله= نمشي قصاد ولا نحب انتفاشي

الشاعر/ محمد آل ونيان




ودمتم في حفظ الله

 

 

 

 

[معلومات العضو مبارك بن شافي النتيفات]

تسلم يمينك يانسناس الهوى
عليك ذوق شعري راااائع
صح لسان الشاعر محمد ال ونيان

 

 

 

 

[معلومات العضو شافي بن راشد النتيفات]

يعطيك العافية على النقل وصح لسان الشاعر

 

 

 

 

[معلومات العضو سعوووود]

الله يعطيك العافية ع النقل وصح لسان الشاعر وتقبل مروري

 

 

 

 

[معلومات العضو محمد مطلق آل بريك]

نسناس الهوى

أهنئك على الأختيار المميز والذائقه الراقيه


صح لسان الشاعر ..

تقبلي مروري والله لايحرمنا طلتك ..

 

 

 

 

[معلومات العضو بنت الذيب]

صح لسان شاعرها

ولاهنتي يانسناس على اختياج الطيب

لج أطيب التحايا

 

 

 

 

[معلومات العضو ناصر بن فهد]

نسناسُ الهوى


صح لسانتس وصح لسان شاعرها . . !
قصيده رائعه وفي قمة الروعه ,
لن أطيل بردي . . بـ إختصار
أنتي مبدعه .

 

 

 

 

[معلومات العضو نسناس الهوى]

أبوشافي الدوسري.... الله يعافيك على المرور.وصح بدنك بالنيابه..
شافي النتيفات.....يعافيك ربي ولاهنت ع التعديل ... وصح بدنك ..
سعووووود..... ويعافيك ربي.. وصح بدنك
ال ن دا وي.. وصح بدنك لاعدمنآك ..
بنت الذيب... اررحبي ولاهان غاليك... منوره..
ناصر بن فهد...وصح بدنك..شكرآ لك الابدآع في تواجدكم كلكم لاهنتم