والله ماسمع شورهم يالمغاتير !!!!

[معلومات العضو عزام العتيبي]

والله ماسمع شورهم يالمغاتيـر = مالى ومال مجمعيـن الحكـاوي
أبيك لامـن قربـن المحاديـر = ثم جهزو مابين سارح وضاوي
والله لتزورين الفياض المخاضير = وترعينها قدام شابك وشـواوي
واني لخض بك القفار المقاطير = الى بها للصيـد شفنـا مـلاوي
في خايع جاين لنبتـة نواويـر = فيه النفل ويا الحماط متسـاوي
البل لهـا بقلوبنـا كـل تقديـر = ولانستمع في ميتيـن الهقـاوي
مدهال دق ابكارها والمعاشيـر = في نايفات النفد والمـاء يـداوي
في عثعث مالاوعوة الصقاقيـر = نلقى بها لبرق الدواغر حراوي
يازين في ريضانها هدت الطير = يطرب ليارف الجناح الرهاوي
مجلاسنا في عاليات المسابيـر = بعد طلوع اسهيل كـل يـراوي
لاتبكو اخيامهم حـزة أعصيـر = ثم حطو الشبه بذيـك المحـاوي
وصفو دلال بالعويـدي مباهيـر = والعود الازرق خالطينه بجاوي
يسوي حياة اللى يعـد الدنانيـر = راحت حياته والمسيكين غـاوي
يرزقني اللى يرزق الداب بالبير = وتشبع ولوني من الجوع خاوي
وأحد يحطه بين طنجه وأغادير = وأحد يحطه بالشيش والقهـاوي
وأنا أحطـه للبكـار المشاهيـر = شم الشعاف مطنخات العـزاوي
نمشي ملوك ولانهاب المقاديـر = ولا الفناء لابد بالعمـر طـاوي

للشاعر الرائع طلال بن نشار

 

 

 

 

[معلومات العضو راشد محمد المقابله]

البل لهـا بقلوبنـا كـل تقديـر = ولانستمع في ميتيـن الهقـاوي


صح اللسان

الشاعر طلال بن نشار

أبيات جزله وجميله

الله يبيض وجهك ياعزام على نقلها ولاهنت

 

 

 

 

[معلومات العضو ناصر بن فهد]

صح لسانك وصح لسان شاعرها
وقصيده في قمة الروعه . .
ولآهنت على نقلها

 

 

 

 

[معلومات العضو عبدالرحمن بن فلاح آل بريك]

صح لسان شاعرها وناقلها .

يعطيك العافيه عزام على النقل .

 

 

 

 

[معلومات العضو عبدالله الحافر الغييثي]

بيض الله وجهك ووجه شاعرها وصح لسانه واعتلى شانه وعز الله انه صدق في المغاتير والله اني حبيته من مدحه للمغاتير ومجمل حالك يالعتيبي على النقل الرائع وجعل يمناك مايجيها العطب

 

 

 

 

[معلومات العضو عزام العتيبي]

مشكورين على مروركم المميز تقبلو تحياااااااتي وتقديري

 

 

 

 

[معلومات العضو سالم الخضراني]

صح لسانك وصح لسان شاعرها
وقصيده في قمة الروعه . .
ولآهنت على نقلها

 

 

 

 

[معلومات العضو الـــــــــذرب]

صح الله لسان شاعرها ولاهنت ياعزام ع النقل