مقتطفات

[معلومات العضو فهد فارس الصخابره]

السلام عليكم ورحمة الله وبركاته



بعد طول غياب بسبب ظروف العمل

وجدنا هذه الفرصة ونهديكم هذه الباقة

وسامحونا على التقصير

مابين كاف ونون ياليت ماكان = الرب كون كل شيً وكنا
ياليتني ماكنت ياليت لو كان = كان استرحت وكان ماكان كنا
ولو كانوا الاصحاب مابين الاكوان = تغير اللي كان؟ ماكن كنا

********

لا تحسب ان قل اتصالي قطاعة = ترى الغلا ماهو كثر الاتصالي
اخاف لادقيت لو ربع ساعة = تظهر جروح القلب اول وتالي
وابكي على مافات لي ياجماعة = ويهل دمعي مثل وبل الخيالي
ولا ترى حبك زرعته زراعة = في وسط قلبي يالرفيق الموالي
داخل خفوقي ماترده مناعة = حب الوفاء والطيب بين الرجالي

********

ياعلي دار الوقت والوقت غدار = دنيا الشقا يالقرم قلت احلاها
ياعلي وين اهل الوفاء وين الاخيار = وين الرجال اللي يذري ذراها
ماباقي الا ذكرهم فوق الاذكار = اقفوا عن الدنيا وسلموا غثاها
ياعلي هذا سبة اللي لنا صار = دنياً نعيف انفوسنا من رداها
ياعلي لاتشمت علينا بالاقدار = يبلاك ربي بالهموم وعناها
ماذقت مر الوقت في كاس الامرار = حتى تعرف اقلوبنا وشبلاها
وان كان بي وسواس وهمومً اكبار = دنياك ذي ياعجل دورة رحاها
لاتآمن الدنيا ترى اعمارنا اقصار = كم صفحة اعمارً زمانك طواها

********

الصد وان صديت وان رحت وان جيت = وش جاك مني يوم عني تصدي
اتشوفني وتقول ياليت ياليت = ماجا ولا سلم ولا كنت اردي
ياليتني في وقتها كان ماجيت = لاصار ماودك فلا هو بودي
اغليك وانت اللي تبي تهدم البيت = ودك تجي في موقف الخصم ضدي

********

ابيات في احد الزملاء: عبدالله بن فهد آل حجي

ترى الحظيظ اللي غيابه الى طال = يلقى رفيقً ينشده كيف حاله
هذا عريب الساس من عمً وخال = امرددً مابين عمه وخاله
ابو فهد ينشد وتفداه الانذال = راع الشهامة والكرم والشكالة
هو يحسبني صرتنا داله البال = واني نسيته عقب ذيك الزمالة
مايدري ان القلب له صار منزال = وماانساه لين العمر ياتي زواله
وتراي يوم ابطيت ماارسلت مرسال = ماودي انبش جرح ماالقا الدوى له
وترى المسج ماتروي القلب بوصال؟= (الا نشوفك) ماتفيد الرسالة

********

ليتنا ماجلسنا فالبديع الشمالي = اتصبر وكن القلب فاخت اضلاعه
جيت برقد وقال الطرف هذا محالي = انتظر لين نور الصبح يبدي شعاعه
قلت يابري حالي منك يابري حالي = لابغيت اتحداني ماتردك مناعة
عقبكم ياصحيبي صرت كني لحالي = والبديع ودياره كن مابه جماعة
ودي اروح معكم مير مالي مجالي = العمل لاتصل بي قلت سمعً وطاعة
سلموا لي على ابها ياقروم العيالي = ويالله ان السعادة فالكم كل ساعة

********

وسلامتكم

محبكم فهد فارس الصخابره

تحياتي،،،،،،،،،،،،،،،،

 

 

 

 

[معلومات العضو فهد المقابله]

حيه وحي ماجاب ويامرحبا ويامسهلا

صح لسانك يابو فارس على المقتطفات الجميله

نتظر ابداعك كما تعودنا منك

 

 

 

 

[معلومات العضو خالد المشاويه]

صح الله لسانك يابوفارس على المقتطفات الرائعه

وسلمت يمناك وان شاء الله اخر الغيبات

ولاتبطي بجديدك

جزيل الشكر والتقدير

 

 

 

 

[معلومات العضو راشد المسعري]

الله الله يابو فارس

صح لسانك وسلمت انت ومقتطفاتك يالجزل

لاتخلينا من قصائدك المميزه

تقبل ودي وتقديري ،،،،

 

 

 

 

[معلومات العضو محمد مطلق آل بريك]

صح لسااااااانك يابو فارس

مقتطفات طيبه

لاهنت يالجزل ولك أرق التحايا

 

 

 

 

[معلومات العضو شافي بن راشد النتيفات]

صح لسانك يابو فارس على المقتطفات الجميله

 

 

 

 

[معلومات العضو مبارك بن شافي النتيفات]

ياسلام ياسلااااااااااااااااااااااااام

صح لسانك مدد وبلا عدد

الله يعطيك العافية يابوفارس على هذه المقتطفات الرااااائعة

شاعر ولا انت في حاجة اني اقول انك شاعر

لكن

سجل اعجابي بشاعريتك واعتبرني وااااحد من جمهورك

ولا تبطي علينا بجديدك

تقبل مروري المتواضع على هذه الدرر

 

 

 

 

[معلومات العضو غلا مطير]

صــــــــح لسانــــــــك
ويعطيــــــــــــك العااااااااافيه
مشــــــــــــكووووور
ولا ‏
هنتــــــــ



ودي

 

 

 

 

[معلومات العضو فارس الدبالين]

ارحب يابو فارس

تغيب ولكن تأتي بالابداع

صح الله لسانك

وتقبل احترامي وتقديري.