(( ساقتني القدرة على ذيك الأطلال ))

[معلومات العضو الغروب]

اتلى النهار وقبل وقت الغروبي
ساقتني القدرة على ذيك الاطلال

وناظرت من لهفة شمال وجنوبي
وهزتني الذكرى ودمع الحزن سال

وذكرت من هو غاليٍ ومحبوبي
في وسط قلبي له محبة ومنزال

الصاحب اللي شاقني ومحسوبي
ياحبني له حب من صادق البال

اقفى وضاقت بي وساع الدروبي
واهموم صدري كل يومٍ على حال

والمشكلة من حب خلي ما اتوبي
ما اتوب من حبه ولو الهجر طال

طيفه معي لو كان ماهوب صوبي
كذا من الله ما تزحزح ولا زال

اشتاق له شوق الثرى للنصوبي
واقول ما مثله شبيهٍ باالازوال


مما راق لي

 

 

 

 

[معلومات العضو راشد المسعري]

أشتاق له شوق الثرى للنصوبي
واقول مامثله شبيه بالازوال

الله الله
صح لسان الشاعر وسلمت على النقل ،،،

 

 

 

 

[معلومات العضو الغروب]

اقتباس:
المشاركة الأصلية كتبت بواسطة راشد المسعري
أشتاق له شوق الثرى للنصوبي
واقول مامثله شبيه بالازوال

الله الله
صح لسان الشاعر وسلمت على النقل ،،،

صح بدنك اخوي

ومشكوووور على المروووور العطر

لاهنت

 

 

 

 

[معلومات العضو نجدية]

طيفه معي لو كان ماهوب صوبي
كذا من الله ما تزحزح ولا زال

اشتاق له شوق الثرى للنصوبي
واقول ما مثله شبيهٍ باالازوال


صح الله لسانك..رائعه