|
|||||||
18-07-2010, 03:22 PM
|
#1 | ||||||||
|
نشدني صديقٍ قال حبك ورا مابان
بسم الله الرحمن الرحيم
السلام عليكم ورحمه وبركاته قصيدة للشاعر : مرير الحبيل العتيبي مناسبة القصيدة:: جاء صديق للشاعر مرير العتيبي وقال له بحثت في اكثر من 500قصيدة ولم اجد قصيدة تعجبني فتعجب الشاعر من قوله وقال له لماذا قال لم اجد قصيدة واحده فالغزل فرد عليه بهاذي القصيدة
نشدني صديق قال حبك ورا مابان =ورا فالغزل مالك بيوت مسويها ولالك غزل يا القرم بسم الله الرحمان =ورا كن ماتذكر هنوف مهاويها وأنا أقول قلبن مايحب الهوا غلطان= وأبشرك والله من هنوف مصافيها وبعلمك وأنت تعوذ من الشيطان =دام النشاما تستمعني بذانيها أنا أحب لي حبن تولعبه العربان =عيال النشاما اللي طوال يمانيها أحب الرجولة والرجولة لها سيسان=ترا ساسها لا طاب يرسي ويرسيها أحب الكرم وأهل الكرم والكريم معان =كريمن ونفسه للمواجيب مصخيها أحب أشتريلي عودن أزرق من الدكان =وأطيب رجال سيرتلي وقهويها وأحب الدلال الصفر من صنعة الرسلان =لادارت المجلس وماجوبها فيها وأحب الحرار اللي لها فالعشا برهان =تقضب على جول الحباري وتدميها وأحب الحصان اللي سبق والحصان حصان= وأحب الذلول اللي تقدم براعيها حسينت حلايا مالها بالحلال أثمان=خطات الأصيل أليا أفرحت وجه قانيها وأحب الجيوش أليا أرزمت داخل الميدان= لاقادها القايد وهرول يباريها وأحب الصحاري خص لاشبعت الحيران= لابكر الوسمي وزانت مراعيها وأحب الحلال أليا أنتشر داخل الصمان =قطاعين ذود والمواتر بتاليها وأحب البيوت اللي تظلل بها البدوان =عيال الجزيرة اللي ساكنين براضيها وأحب أمزع رجلي وأشرف على الجيان =وأمد النظر فاللي عسى المزن يسقيها وأحب الجيوب اللي تمرهد مع الخليان =تعانق طيور الجو وتمشي مماشيها وأحب الرفيق اللي بوقت الشدايد بان =رفيق الرفيق ورفقته مايخليها وأحب الخوي اللي تجي كلمته ميزان =وزن كلمته لجل الرياجيل تغليها وأحب القصيد اللي حكم على القيفان= وأحب الصفوف أليا أستوت قدم واليها وأحب السوالف وأتسمع من الشيبان=أليا وردوها وبيضت وجه راويها وأحب المثايل لا ضربها مثل راكان =وأحب العلوم الطيبة وأفتخر فيها وأحب القصير اللي يبيلك الصفطان= مثل جيرة كل المخاليق تطريها وهي قصرت محمد أليا عدت الجيران =له قصرتن ماجالها اللي يحاليها حياة المهادي مع مفرج أبن زومان =زحول الرجال اللي بقا ذكر ماضيها وأحب الهنوف اللي لها فالحشا مسكان= فتاة على السنة عزازن مواطيها ستيرة ولا تحرص على فتحت البيبان =ولا تلتفت للي يبي يلتفت فيها وخير المناوي كلها طاعت الرحمان =ولا واهني ياللي صلاتن مصليها
|
||||||||
|
|
|
|
18-07-2010, 03:43 PM
|
#2 | ||||||
|
رد: نشدني صديقٍ قال حبك ورا مابان
الله عليك يخالد بيض الله وجهك على هاالقصيد ه اللتي
|
||||||
|
|
|
|
18-07-2010, 04:36 PM
|
#3 | ||||
|
رد: نشدني صديقٍ قال حبك ورا مابان
صح لسانك وصح لسان شاعرهاُ
|
||||
|
|
|
|
18-07-2010, 04:38 PM
|
#4 | ||||||
|
رد: نشدني صديقٍ قال حبك ورا مابان
لاهنت اخوي خالد المشاوية على نقل القصيدة
|
||||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 2 ( الأعضاء 0 والزوار 2) | |
العرض العادي
|
|
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 09:31 AM
