ماجد ابن جفيران

[معلومات العضو الحمداني]

السلام عليكم ورحمة الله وبركاته
هذى قصيدة للشاعر: ماجد ابن جفيران الحقباني

يقول من يبدع حسين المثايل = لمن بغى زين المثايل وجدها
تكفون يالضفران هاتوا الرحايل = هاتوالنا اللي وردت من بلدها
هاتوا بجيات جداد المدايل = واسرع من الشيهان لاجي هددها
وصل الوعد مع كاسبين النفايل= ندر حرار عقب بكره وعدها
وعد التعارف بين ربع دلايل = في ليلة دور السنه نعتمدها
مع ربعنا اللي يكسبون الجمايل = ندر حرار من عرفها حمدها
ربع مطاليق تشل الشقايل = وافعالهم بالطيب كل شهدها
عياضية تقعد صغى كل مايل = عين تناديهم يجليها رمدها
ريف الضعيف ولاطمه كل عايل = والراية العليا تجود عمدها
كسابة للمرجله والفضايل = عز الرفيق وعز منه قصدها
تغالب فالهوش تروي السلايل =وافعالهم ماتنحصى في عددها
تشهد لهم الافعال وايضا القبايل = وتشهد لهم هند بفرقى ولدها
من ضرب سيف ماضي له قتايل = من عقب ابن كلثوم عاشت وحدها
والتبع اللي شيف منه الهوايل = نفسه من كليب تفارق جسدها
والزير أبوليلى للامجاد نايل = الله من روش بسيفه حصدها
ويشهد لهم شيخ مع برك صايل = مواقف العـرعـيـر كل وكدها
حنا بني تغلب ومن نسل وايل = والدوسريه جدنا اللي وجدها
وانجى نهار فيه صايل وجايل = اللاد تغلب لاد زايد سندها
هم درعنا لاجا نهار الدبايل = لامن شبك دخانها مع رعدها
وانا لهم لاجا نهار الصمايل = نارد حياض الموت في اليوم الأدهى
من بيننا شبر النواميس طايل = متكاتفين بالوفا في عهدها
دواسر يردون ورد الغلايل= لامن شبك بارودها مع بردها
ستر الهنوف اللي تقض الجدايل = الجادل اللي تو زمت نهدها
شجعان لاركبوا بنات الأصايل = تفرح بهم وضحى وني جهدها
وايضا مجاهيم زهن الشمايل = تفرح بهم لامن غشاها زبدها
قصيرهم يدعى على كل حايل = تاسم عصاه وتهمله في بلدها
حتى حكمها الشيخ وافي الخصايل = عبدالعزيز اللي بحكمه مهدها
موعدت عقبه جميع الفصايل = كل القبايل سلمت له بيدها
وتباشروا بالخير والشر زايل = يوم اهنتوا من خوفها في رغدها
وامن جزيرتنا بكل الوسايل = مرحوم ياصقر الجزيرة وأسدها
عقبه ولاها ماضيين الفعايل = درع الجزيرة ضد منهو حسدها
لعل مانعتاض فيهم بدايل = حكامنا نور البلاد وسعدها
وصلاة ربي عد وبل المخايل = على شفيع الخلق لاجا وعدها

وسلامتكم

تحيات أبنكم
الحمداني

 

 

 

 

[معلومات العضو نايف]

صح لسانك يالحمداني ولسان قايلها وبيض الله وجهك على المشاركه الطيبه
وفي انتظار مشاركاتك القادمه بإذن الله ,,

تقبل تحياتي ,,,

 

 

 

 

[معلومات العضو أبوفهيد الودعاني]

صح الله لسانك ولسان قايلها الشاعر

المعروف ماجد بن جفيران


ننتظر جديدك


تحياتي ،،،،

 

 

 

 

[معلومات العضو تركي ال فنيس]

صح السانك والسان الشاعر والي الامام

 

 

 

 

[معلومات العضو الحمداني]

صحت أبدانكم جميع ولاهنتوا يالغاليين على مروركم المشرف

 

 

 

 

[معلومات العضو الخييلي]

صح لسانك يالحمداني ولسان الحقباني

وتسلم يمناك على هالنقل والمشاركه الطيب


تحياتي لك ..

 

 

 

 

[معلومات العضو محمد ال بو زمام]

السلام عليكم ورحمة الله وبركاته

والله والف نعم فيك اخوي ( الحمداني ) انت وخوالك والحقبان وبني تغلب وال زايـــد . ونعم فيهم جميع .

 

 

 

 

[معلومات العضو العماني]

صح لسان شاعرها وناقلها

لاهنت ياذيبان

تقبل تحياتي،،

 

 

 

 

[معلومات العضو الـخـيـيـلـي]

صح اللسانك واللسان الشاعر بن جفيران

بيض الله وجهك يالحمداني على القصيدة الجزله


لا هنت يالقرم



تحياتي لك

 

 

 

 

[معلومات العضو الحمداني]

يامرحبا يالوجيه السفره وبيض الله وجيهكم على مروركم الطيب


والله لايحرمنا من إبداعكم يالغاليين

 

 

 

 

[معلومات العضو سعد المقابله]

صح الله لسانك يا الحمداني

ولسان الشاعر ماجد ابن جفيران الحقباني

 

 

 

 

[معلومات العضو الحقباني]

لاهنت أخوي على نقل القصيدة وصح لسانك ولسان الشاعر

 

 

 

 

[معلومات العضو الحمداني]

الله لايهينك طال عمرك أخوي الشامخ على المرور وماقصرت

ومن قال مايهون أخوي الحقباني وبيض الله وجهك

 

 

 

 

[معلومات العضو الزير سالم]

ارحب يا الحمداني
ولاهنت ونا خالك ,,,مسوي يبي يشبكك,,,

ولاعليكم زود يا الفرجان

وصح لسان الشاعر الحقباني المعرووووووف

 

 

 

 

[معلومات العضو العياضي]

اخوي الحمداني

السلام عليكم ورحمة الله وبركاته

مشكور أخوي على القصيدة ولاهنت على نقل القصيدة

وصح لسانك ولسان الشاعر المعرووف ماجد بن جفيران الحقباني