د. عايض القرني .. يمدح قبيلة الدواسـر

[معلومات العضو الخضراني2]

الشيخ الداعيه /عايض القرني
الله يمدّ في عمره وينفع به المسلمين
كما هو الحال في قدرته الجليّه في الخطابه
والشعر الفصيح فهو أيضاّ متمكن من الشعر النبطي
والدليل مجاراته للشاعر/ حمير بن علي الرجباني الدوسري
في قصيدته المشهوره (الرجال الخالده) والتي منها :
جعل بنت اللاش ما تفرح بـ شوف الولد
... مانبي كثر العدد همّنا شوف الحصيل
إعملا ذا الوقت غطّت على إنطوني لحد
.................................!
والليالي وجهها من عرب وقتك .. برَد
... عايشين ٍ في نفاق ٍ على الأمّه دخيل
إلى آخره!
وقد جاراها الكثير من الشعراء وها هي مجاراة الشيخ
عايض القرني مادحـاً بها الدواســر
:
:
:

يبرق البارق إذا جيت والراعـد رعـد=وأرضنا تبهج لمقدمك والشاخص يميـل
الله من قلب على نغمتـك قـام وقعـد=كن قولك منهل بـاردن مـن سلسبيـل
أو كما ألعاب خوذن على المبسـم بـرد=ضاع فيها المسك والطعم طعم الزنجبيل
جعل عينن تنظلك نونهـا فيهـا البـرد=جعل قلبن ما يحبـك إيقطـع بالصقيـل
يانشيد السحر لعلع ويسلـم مـن نشـد=عزوته بـالاد زايـد مزبنـة الدخيـل
يطرب القمري ويمسي يغنيـه الصـرد=والحمـام إلا سمعهـا يرتلهـا هديـل
ياحمير اسلم وجاك الوفا متـن وسنـد=مثل سيل الحشر نوه يخيـل ويستخيـل
من رجال الأزد نعمين والشاهـد شهـد=ما نبي من خايب الجد والمفلس دليـل
لو رصاص الحرب يهمي كما وبل البرد=فوقنا يابو علي فالجماجـم مـا تميـل
نشرب الدم مثل شـرب المولـه للفنـد=وننشق البارود كنـه رياحيـن النثيـل
والدخان ليا حضرنا الوغى كنـه ثمـد=نفتخربه والقنا عندنـا مكحـال وميـل
ربعنا الانصار في الحرب واردهـم ورد=وحمزه منا شهيدن وفي الجنه غسيـل
جيشنا في بدر بدع وجـوْد فـي أحـد=قطع روس الشرك بيماننا يشفي الغليـل
طعننا صوب الكلايا والحشايـا والكبـد=ضربنا بالسيف الأجرد على راس القتيل
مانهاب الموت لو كان في شدق الأسـد=باعث الأرواح في سوق يسلم من يشيل
وش بعد تطلبني احدثك عنه وش بعـد=اقصر الهقوات تاكفى ترا المسرا طويل
شيخنا لوجاك شوره تقـل يـوزن بلـد=طفلنا من جودة العقل جا شيـخ ثقيـل
والنميمه والخنـا سوقهـا فينـا كسـد=ما تسمعنا لهرجـة عقيـل قـال قيـل
ماتغنينـا بسلمـى ولا نـوف ورغـد=ولاتغزلنا من الوجد بالطـرف الكحيـل
ارتضينـا منهـج الله وبايعنـا الفهـد=واقتدينا بالنبي صاحب النهـج الجليـل
المساجد عندنا عاش والله مـن سجـد=والمصاحف ذخرنا روحنا الذكر الجميـل
من يريد المجد يتعب ومن يزرع حصد=النجاة بطاعـة الله ويـا نعـم السبيـل
الله اللي صاحب الجود مال الجود احـد=وهبته تغنـي إذا قطـب الاش البخيـل
يقبل التايب ومن رد مـا كنـه شـرد=أمره النافذ ولو قلـت هـذا مستحيـل
له نزول باخـر الليـل والعالـم هجـد=ومن دعا يبشر ويكرم وهذا كـل ميـل
ما نظمت الشعر لجل العطايـا والرفـد=ماطلبت من الخلايق ولو وزنـة فتيـل
الله من علم وشعر بصدري لـه زبـد=هايج ما يج اينيف على دجلـه ونيـل
كل ما قمت اطلبه ياقصيـدي هـد هـد=قام يغلبني بغزره وانا جسمـي نحيـل
كم تفجر مثل سيل العرمـرم واحتشـد=حطم الجدران من سطوته شال النخيـل
مقصده وادي الدواسر إيكرم من قصـد=جودهم لو سال فالناس ينسي كل سيـل
يامخايل وبل غيم علـى القبلـه ركـد=زعزعته الريح و الضو له زمر وصهيل
له مناشي في مخايل وزمجر في ضمـد=راعده زلـزل بفيفـا ودوا فـي بجيـل
احتكم في ديرة الجود واهمل واحتشـد=كل شبيه للدواسر تـرا الغالـي قليـل
قالها عبـد لمـولاه مـا يعـزب أحـد=غير رب الناس حسبي وهو نعم الوكيل
والصلاه على محمد تسير ابـلا عـدد=وآل بيته والصحابه خلاصة كـل جيـل

الشيخ / عايض القرني

 

 

 

 

[معلومات العضو عبدالرحمن الشرافي]

يا نشيد السحر لعل يسلم من نشد= عزوته بـ أولاد زايد مزبّنة الدخيل
يطرب القمري ويمسي يغنّيها السرد=والحمام إذا سمعها يرتّلها رتيل
من رجال الأزد نعمين والعالم شَهد= ما نبي من خايب الجد والمفلس دليل
ربعنا الأنصار في الحرب واردهم ورَد= وحنظله منّا شهيد ٍ وفي الجنه غسيل
ما نهاب الموت لو كان في شدق الأسد=باعت الأرواح في السوق يسلم من يشيل
لو رصاص الحرب يهمى كما وبل البرد=فوقنا يا بو عليّ الجماجم ما تميل
وش بعد تبغى نحدّثك عنّا وش بعد؟=أقصر الهقوات تكفى ترى المسرى طويل
شيخنا لو جاك شوره تقل يازن بلد=وطفلنا من جودة الراي جا شيخ ٍ جليل
والنميمه والخنا سوقها فينا كسد=ما تسمّعنا لـ هرجة حقير ٍ قال قيل
ما تغزّلنا بـ سلمى ولا نوف ورغد=وما توجّدنا على الحُسن في الطرف الكحيل
إرتضينا منهج الله وبايعنا الفهد=وإنتسبنا للحنيفيّه الدين الأصيل
الله من علم ٍ وشعر ٍ على صدري زبَد= هايج ٍ مايج ينيّف على دجله ونيل
كلّما جيت أحبسه يا قصيدي هد .. هد=قام يغلبني بغزره وأنا جسمي نحيل
كم تدفّق مثل سيل العرمرم لـ أحتشد= حطّم الجدران من سطوته شال النخيل
والصلاة على محمد تسير بلا عدد= وآل بيته والصحابه خُلاصة كل جيل

	الله الله صح الله لسان الشاعر والداعية الكبير / د. عايض القرني ولافض فوه على هذه القصيدة الجزله .. ولاهنت يالخضراني 2 على هالاتخيار الرائع والجميل من عضو اجمل فلك جزيل اشكر وياليت يالقرم إذا عندك قصيدة حمير انك تنزلها ولا تهون تقبل تحياتي

 

 

 

 

[معلومات العضو الخضراني2]

بناء على طلب اخوي الشرافي ..
قصيدة / / حمير بن علي الرجباني الدوسري
ويسلم راسك ياعبدالرحمن .. (:

قل هـو الله احـد الله الفـرد الصمـد =وألعن الشيطان واللي بعد ينسى الجميل ..
الليالـي علمتنـي علـى صبـر وجلـد=مير فاح الصدر فوح الدلال اللي تشيـل ..
يالله لاتبقي على الأرض من الرديان أحد =ويالله لاتغني لا ترحـم القـن البخيـل ..
كل ماهزيـت عـودن بيمنـاي ارتعـد =والرديني ما لقيتـه واناعـودي جليـل ..
وان بغيته ضاع فالسبت مدري في الاحد =ولاذكر لاصوب حاشـد ولايمـة ثكيـل ..
جعل بنت الاش ماتفرح بشـوف الولـد =ما نبي كثر العدد همنا شوف الحصيـل ..
مير منه راح فيروح فـي حبـل مسـد =ماحسبنـا للثعالـه ولانشـر الفتـيـل ..
كون خطوى نادر من زرع جده حصـد =جد مجـد عـد عـد قـراح سلسبيـل ..
من تردى ما ذكرته علـى الدنيـا أبـد =ميت الحيين ما يخلـف الرجـل الدليـل ..
حافظين المرجله والسلـوم اللـي تعـد =وان زهمنا من زهمنا رمينـا بالشليـل ..
ضربنا فالراس والا على اروس القفـد =والكرم زرع زرعناه وعروقـه تسيـل ..
ان غضبنا قلت جهال مـن فيـذا البلـد =وإن رضينا قلت مالهم على الدنيا مثيـل ..
ولايغرك من دعي ابوه في كشف العمـد =سالفـه لوحكمـت كـان قلنـا يادليـل ..
ثم غزاها تالي الوقـت مسعـود وسعـد =شونت للي عجز مـا يحصلـه حصيـل ..
الثعاله شرفـت فـي المباديـل الهـدد =والذيابه داجت أمس على سـودا نثيـل ..
والكلاب اللـي تنابـح لغاصمهـا غـدد =والعلاج ابتالي الوقـت مايفيـد العليـل ..
لو حكت غبر الليالي مع السيف الحـرد =مارفع كل احجاجه علـى شيـخ جليـل ..
ان حدرنـا وادي حدروبـه مـا سنـد =وان سندنا سندوبـه وكـل لـه كفيـل ..
الشجاعه والشهامه ماهي بكتب وسنـد =وهبة من رب هالكـون مندرهـا قليـل ..
والصقور اللي تهاوى بجنحـان السعـد =رزقها عند الولي والولـي مـده جزيـل ..
والسعودي رايتـه قـل هـو الله أحـد =رايتـن يازينهـا لا تـزاح ولاتمـيـل ..
ولاوقفنا عند بيبـان مضهـودن ضهـد =ولاعطينا المد نبغي لنا صاعـن يكيـل ..
ولافعلنا الطيب نبغي شهادة مـن شهـد =الرجال بكلمة الحق تصهـل مـا تميـل ..
الله اللي قال خلق البنـي ادم فـي كبـد =اشهد إني شفت شي يهيـل ويستهيـل ..
اعملا ذا الوقت غطت على أنطوني لحد =عندها عشرين وجـه تقيـل وتستقيـل ..
الليالي وجهها من عـرب وقتـك بـرد =عايشينن في نفاق علـى الأمـه دخيـل ..
ولا حنيته كون للي لـه محمـد سجـد =لو كليت العشر جوعٍ وشفت المستحيـل ..
كلهـا مـده قليلـه ونبقـى فـي لحـد =والرجال الخالده ذكرهـا بعـد الرحيـل

..

 

 

 

 

[معلومات العضو بـدر الودعاني]

صح الله لسان الشاعر والداعية الكبير / د. عايض القرني

ولافض فوه على هذه القصيدة الجزله ..




ولاهنت يالخضراني 2

على هالاختيار الرائع والجميل

 

 

 

 

[معلومات العضو عبدالرحمن الشرافي]

ابن العم العزيز / الخضراني 2


لاهنت لاهنت لاهنت

وبيض الله وجهك على تلبية طلبنا


تقبل تحياتي

 

 

 

 

[معلومات العضو نايف الخييلي]

اخوي\ الخضرااني ...



بيض الله وجهك على ذكر قصيده الشيخ عايض القرني وكذلك قصيده حمير ابن علي



وبصراحه جهد تُشكر عليه .... والله لايهينك




وننتظر جديدك

 

 

 

 

[معلومات العضو عبدالله بن عريمة]

تسلم يالخضراني والله يعطيك العافية وصح لسان الداعية الكبير والشاعر

الدكتور عايض بن عبد الله القرني وصح لسان الشاعر الكبير حمير بن علي الرجباني

واعتقد ان البيت ( كن شبيه للدواسر ترى الغالي قليل )

 

 

 

 

[معلومات العضو عادل الشكرة]

بيض الله وجهك يالخضراني على علومك الغانمه

والله ان الكلمات تعجز عن وصف هذي القصايد الجزله والي توازي المعلقات بدون مبالغه

ولو اخذت ذالبيت لكفاك

ولا حنيته كون للـي لـه محمـد سجـد
لو كليت العشر جوعٍ وشفت المستحيل ..
كلهـا مـده قليلـه ونبقـى فـي لحـد
والرجال الخالـده ذكرهـا بعـد الرحيـل