البارحه في الليل قمت اتسفر

[معلومات العضو حسن آل بريك]

السلام عليكم ورحمة الله وبركاته

هذه قصيده للشاعر مقيم بن حسن آل بريك وهي تعبر عن نفسها
آآآآآآآمل ان تحوز على رضاكم..

البارحه في الليل قمت اتسفر
قومي هواجيسن بلتني لحالي
ونيتنا ونات من سمعها فر
ومن سمعها بيقول واعزتالي
عشرليالن كلبوهن واناأسهر
وما اذوق حلو النوم بعض الليالي
سقم علي لاقالو مقيم سافر
وخليتنا مصرن وذيك المفالي
دارن بها التنباك والشرك الاكبر
ومسارحن ما ينتخيها رجالي
متى السفر ياخوك جعللك تعمر
والله يعمر بك على كل حالي
فيالله انا طالبك نون تزبر
على الدحي وخشوم ذيك الجبالي
وكل شعبن من علوه تحدر
يسيل سيلن حقوقن سال منه الرمالي
ديرة بني عمي هل الخير والشر
واهل الحمايا من قديمن وتالي
آلاد زايد سلة السيف الاشقر
كسابة الناموس لاجاء المجالي
كم واحدن في دقلهم طاح مستر
وكم سابقن جذو عليها الحبالي
ان اصلحو كنهم حليبن مسكر
وان حاربو كنهم رواسي الجبالي
كم مرتن غبشتنا با تنور
واشفيتنا للصيد ذاك الجلالي
معي الطويلة وقعها دايمن قر
وتدمث المرمى شهاد العزاري
فبطلب الله عدة الوبل لامطر
وبطلب الله هو عزيز الجلالي

وسلامت الجميع،،،،،،،،،،،،،،،،،،،،،،،؛

 

 

 

 

[معلومات العضو دغش محمد الصخابرة]

صح لسااااااان اااالشاعر مقيم بن حسن آل بريك

وبيض الله وجهك يا حسن على النقل


تحياتي وتقديري

 

 

 

 

[معلومات العضو حسن آل بريك]

ارحب يابو محمد وبيض الله وجهك على المرور

وشرفني تصفحك ،،،،،،،،

 

 

 

 

[معلومات العضو ابو زابن المسعري]

الاخ حسن آل بريك

اشكرك جزيل البشكر على نقل هذه القصيده الجزله وبيض الله وجهك

والشاعر مقيم على ما اعتقد مشهور بالقصائد في القنص

ومن قصائده
القصيده المشهوره
مانيب راعي حجرت واتذرى = نخر العظام اللي كما ميت مات
مير آتناوش من على المتن جرى= وعيني على زفق الذخاير مضرات
كم مرة ذبيتناء واتحرى =لاجاتني من يمة النشر عجلات

 

 

 

 

[معلومات العضو مبارك بن شافي النتيفات]

صح لسان الشاعر مقيم بن حسن آل بريك على هذه الرااااائعة

ولاهنت ياحسن على النقل المميز

تحياتي وتقديري

 

 

 

 

[معلومات العضو حسن آل بريك]

ابو زابن مرحبا مليوووووووووون


وعطرت موضوعي بمرورك ومشاركتك تسلم يمينك

وللتصحيح القصيده التي اوردت لجده مقيم بن منقاش

وهو كما ذكرت أشتهر بقصايد كثيره له في القنص

ساطرح بعضها اذا سنحت لي الفرصه.

تحياتي وتقديري،،،،،،

 

 

 

 

[معلومات العضو حسن آل بريك]

ارحب يابو شافي وبيض الله وجهك على المرور

وشرفني تصفحك ،،،،،،،،