ترى التعب في طيّـب الـذات مخلـوف !!

[معلومات العضو الـنـازي]

السلام عليكم ورحمة الله وبركاته

اضع بين ايديكم هذه القصيده التي اعجبتني لأحد الشعراء الكبار المغمورين الذين تجاهلهم الاعلام ولم ينصفهم ,, ولعل السبب هذه المره ليس من الاعلام ولكن من شاعرنا القدير الذي يعتبر من أشد الهاربين من الاضواء الاعلاميه ..

اسمحولي على الاطاله ,, اترككم مع القصيده لشاعرنا / محمد بن جابر بن علوش

واتمنى ان تحوز على اعجابكم

لانيـب لا مغـرم ولا نيـب مشغـوف=ولا هو بيرضي مطمعي ما رضـو بـه
اغلي بدون حدود ولا ارخصت ما اروف=لا ضـاع صدقـي في القلـوب الكـذوبـه
تقـدر تقـول انـي معقـد ومكشـوف=عيـبـيـن وابـن ادم يـا مكثـر عيـوبـه
يا "عليش" لو كل ما طـوّف يطـوف=كان العـرب لعبـت بنـا لعـب طوبـه
حنـا لا قلنـا يصغـي لقولنـا أولـوف=وخطواتنـا عنـد الرجـال محسـوبـه
فضـل مـن المولـى ومنّـه ومعـروف=مسـيّـر عـبـاده مـوسـع دروبــه
الحمد له والشكـر والفضـل والنـوف=مجمـل ٍ هقـوات مـن هـم هقـوبـه
ما حن بأخير الناس لكـن بنـا وصـوف=منها انحرم من لعب بهـم ولعبـو بـه
وصوف ماهيـب اتغيـر مـن صـدوف=ولا يغيرهـا مــن الـوقـت شـوبـه
نحبها مع انهـا اخشـن مـن الصـوف=تـردنـا عـن مـا الاوادم لـهـو بــه
تعطيك طبـع ٍ بيـن الاجـواد مالـوف=طبع ٍ رديـيـن البخـت مـا شقـو بـه
طبع ٍ يحنك مـن شقـى كـل ملقـوف=والمدعي اللـي لا معـه ولا هـو بـه
وصوف عكس وصوف من يطمر الروف=لباس ثـوب ٍ مـا ابلشـه كـون ثوبـه
الحايف اللي كـل مـا شفتـه يحـوف=اطلـب لـه ان الله يخـفـف ذنـوبـه
ضعيف ورجال العرب فيهـم ضعـوف=عقايـب وضعـف الـمـروه عقـوبـه
لونه من درس الزمـن جـود حـروف=لا اشمل درى ان عكس اتجـاهه جنوبـه
ولـو ان وقتـه علمـه كـان عـاروف=ان الخطـا مـا يستـره كـون تـوبـه
ولو انه يفهـم كـان ماهـوب مكلـوف=ولا غـدى مثـل مـغـدى من غدوبـه
الرجـل مـا يقعـد وخلـق الله وقـوف=ومن خالف العالـم لقـوا مـا لقـو بـه
ترى التعب في طيّـب الـذات مخلـوف=ولا ردي الــذات مـاهـو بصـوبـه
ومن ضاع مانيب ألحق الضايـع حسـوف=وابشـرك عــاد الـديـار معـروبـه
عاد الرجال تشوف مـا عينـي تشـوف=وما كـل دربٍ لـو يزيّـن مشـو بـه
تشوف وتلـد النظـر داخـل الجـوف=وتميـز اخـلاق الـبذي من سلوبـه

لكم اجمل التحايا

 

 

 

 

[معلومات العضو ناصر بن فهد]

صح لسانك وصح لسان شاعرها
ولاهنت على النقل يا القرم

 

 

 

 

[معلومات العضو الـنـازي]

صح بدنك يا ناصر ولاهنت على المرور الجميل

تقبل تقديري

 

 

 

 

[معلومات العضو سلوة الخاطر]

,,

أبيآت رآئعة
صح لسآن الشآعر وسلمت يمنآك على مآطرحت