..::.. سجــل دخـولـك ببيــت مـن الشــعــر ( في منتدى قبيلـه الـدواسـر ) ..::..

[معلومات العضو ناصر الخبر]

الناس تشره على الدمعة اذا طاحت
وآنا أقول الفخر لا طاحت الدمعة

مهيب دمعة خضوع لحاجةٍ راحت
دمعة خشوعك بعد تكبيرة الجمعة

 

 

 

 

[معلومات العضو إبـراهيـم بـن راكـــان]

مسـاء الخيـر

،



على كثر اتصالات الخلايق في صباح العيد
انا والله ما كنت آتحرّى غير جوّالك

تحريت إتصالك إنت يالغالي وبالتحديد
لأن العيد ما اظنه يجي وما جيت في بالك

تصور كيف مر العيد من تنكيد في تنكيد
وانا ما غير اهوجس بك وانادي وآتحرّالك

وجوّالي غدا مثلي تنهّد واكثر التنهيد
يقول: ابطى عليك.. وقلت: اكيد العلة ارسالك

وقمت اكذب على نفسي واقول بصيغة التأكيد
اكيد الحين بتكلم وانا ادري ما طرينالك

على ما يبدو اني كنت عن بالك بعيد ابعيد
حرام ارجوك صدقني انا ما استاهل افعالك


جفاك اليوم قيّدني تعال وفكّ هذا القيد
كلّمني وعايدني وقلّي.. إنت وش حالك

ياليت العذر (فاتورة) عليك بحاجة التسديد
أخاف العذر هي قولة: نسيته رقم جوالك


،

 

 

 

 

[معلومات العضو ناصر الخبر]

صد عن هرج المقفين والعلم الرخيص
والنفوس اللي تبيعك برخص خلها

 

 

 

 

[معلومات العضو ناصر الخبر]

كل مــا كبرت وضــاقت عـلـى عـيـال الـرخـوم
نـحـتـزم لأكــبـر مـصـيـبـه ونـاطــا خـــدهــا

 

 

 

 

[معلومات العضو متعب الصخابره]

مادامت الفرقى علينـا مقاديـر

معذور لوعضَّيت كف الندامـة


لالا تعـذَّر وش تفيـد المعاذيـر

مسموح مابيني وبينـك ملامـة


وأعرف ترا حبَّك شغلني عن الغير

حطَّيت لك وسط الظماير علامة


قلبي على لاماك يكفخ كما الطير

وجفني على طرياك ينكر منامـة

 

 

 

 

[معلومات العضو ناصر الخبر]

انا بتفكيري وتعبيري وتدبيري بخيص
لا في الليال التاليه ولا الليال الاوله

النهج واحد ما تغيّر في قطر والا خريص
وانته ترد اللي ترد وتقبل اللي تقبله

ان كانها جت للغلا عز الله ان منت برخيص
اما الغصب مانيب اغصبك واعمل اللي تعمله!!

والا الحقيقه والله اني للوصل شفق و حريص
لكن انا ماني بحب الولوله والبلبله

ان قلت ما في خاطري لك جاتك علومي خبيص
واليا كتمت اللي بقلبي والله انها مشكله !!

 

 

 

 

[معلومات العضو راشد محمد المقابله]

يازين الروض الخضر لاشعشع المخضار
والديره اللي من حقوق الوسم ممطوره

 

 

 

 

[معلومات العضو آلأرجــٌوآنْ]

--ما هو غريب تنام وأنت متضايـق
غيرك عجز لا ينام من شدة الضيق..!

وغيرك يجيه الليل هـادي ورايـق
وينام لو هو ظالـمٍ لـ/ المخاليـق..!

صدّق .. تراهـا كل أبوهـا حقايـق
في هالزمن ما عاد به صعب تصديق..!!

 

 

 

 

[معلومات العضو برنسيسه الريــــاض]

أنا من وزّع شموعه على رَبْعه بلا تصريح
وتوهّقـ بالظـلامـ وْلالقا في جُعْبته شمعــهـ ..
كبـيره غلطة الشـــاطر وَلا ينفع بها تصحيح
رجَعــتي ياظــنونـ الطِيب مخذولـهـ ومنخدعهـ ..

خــذينا من تــجاربنا دروس ويصعب التوضيح
كفــاآاني لو رحَلت مْن الزمان الذكـْر و السمْعهـ ..

 

 

 

 

[معلومات العضو متعب الصخابره]

رغبتي بمشاهدك يا هوى القلب ومناه ..

محتمل يحرق ضميري غرامك محتمل ..


خف من الله وارحم اللي حصل له ما كفاه ..

ما كمل شرط الغلا والمحبة ما كمل ..


صاحبي مضنون عيني ذبحني في غلاه ..

لو بغيت اصبر واجامل تبين بي خلل ..

 

 

 

 

[معلومات العضو آلأرجــٌوآنْ]

للغياب أعذار

...........وأولها هروب من الجـروح !

لاغفى حظك وضاقت في مساعيك ، الدروب

دثر أنفاسك : وصك أبواب يأسك / لاتبوح
................غير للي صان وجه الشمس ولبّسها الغروب....!!

 

 

 

 

[معلومات العضو الشـيخه]

ياعازف عمري على نغمه العود ** هذي حياتي غنها لى قصايد
مر على الهين ومر على الكود ** عمر الفتى لحظات هين وكايد

 

 

 

 

[معلومات العضو سمي الظبي]

دنيا" نبي تقزيرها ضحك حجان* ولا ترا سيورها مستقيله
, بندر بن سرور

 

 

 

 

[معلومات العضو متعب الصخابره]

الله أكبر كيف حبَّك برا حالـي

وإنت عِندك مهجة الرَّوح سالبها


أنا أشهد إن الحب لِلرَّوحِ قتـالِ

كانها عجزت تحصَّـل مِطالبهـا

 

 

 

 

[معلومات العضو رماد]

.
.
•
غيبتك لو هـي دقيقـه تعتبـر صـدّه
الوقت دونك سجن وغيابـك اسياجـه
لا تعتذر لي ترى ماعـاد فـي شـدّه
اعيد حكي ٍ يكـود الصـدر مخراجـه
دامه يوصـف بجـود ابيـك وبجـدّه
وشلون تبخل على المجروح بعلاجـه؟