من يهمه نسب هوامل مطير

[معلومات العضو هذلول]

كون النخيل وابادة الهوامل للعجمان !

غزى العجمان مطير فقابلوا قرب المجمعة رجلين من الهوامل واحد من الشظية والاخر

من السمارين فقتلوهما ومثلوا بجثثهما وسوو سواتن شينه لهما فرأهم احد الاشخاص فاسرع يستفزع باهل المجمعة من الهوامل وغيرهم ففزعوا مطير مع الهوامل لكن في الطريق تخالفوا فالهوامل يقولون نرفع المنع عنهم فرفض المطران
ذلك فرجعوا عنهم الا قصيراً لهم من الحمادين قال انا معكم ياعيال السيالي فقصوا
جرتهم حتى وصلوا الى شعيب النخيل قرب المجمعة فصبحوهم الصباح الاقشر وقتلوهم
عن بكرة ابيهم ماعدى رجل واحد ادخله الحميداني في وجهه وسمح له الهوامل بذلك
تقديراً له فذهب به بعد فترة للعجمان فقتلوا العجمان المطيري بعد ان انصدموا بقتل المنقية كاملة على ايدي الهوامل .

يقول جبر بن سميران ابن عم احد الهوامل المقتولين والممثل بهم :

احمد الله برى مابي من الغيضا :::: وستوت وحمداللي لي مسويها
يالله الله ياربي لك البيضا:::: يالولي ياراعي اللمله وقاضيها
ماحلى ردهم في سهلت بيضا:::: نشبع الذيب والعرجا نعشيها
ضبعت ٍقيضت في جمرة القيضا :::: عندها بالنخيل اللي يجزيها
يوم اشهب الملح غادله تنافيضا :::: وكل عذرأ تبدل غير غاليها

ويقول شاعر غطفان يذكر فعل الهوامل في ابادة منقية العجمان :

خمسين لحية بالبواريد لفنا * يوم اخلفوا سلم العرب والطبوعي
بالضلعة اللي شرق حرمة وصفنا * انظر عجم كسرى تحتها خشوعي
يومن ابن حثلين جيشه ثقفنا * خلوه رجحان الهوامل مزوعي
اظهور السواني في نحرهم وقفنا * والكل منهم بندقه ماتتوعي


منقول

 

 

 

 

[معلومات العضو ابن شمسان البدراني]

كل الشكر لك يابن شامان على الموضوع



ولا هنت أخوي هذلول على المعلومات الطيبه اللي أضفتها


تحياتي ،،،

 

 

 

 

[معلومات العضو هذلول]

المشاهير الذين طرحوهم الهوامل او قتلوهم

بدر الدويش : قتله الشيخ / سعران بن دمخ

ردن الدويش : قتله الشيخ / سعران بن دمخ

الفهري ابو اثنين : قتله الشيخ / فلاح بن دمخ

برجس العصلب احد شيوخ قبيلة الظفير : قتله الفارس / محسن بن العفين الهاملي

وسام ال حثلين : قتله الفارس / فالح بن السبيعي الهاملي

الدامر العجمي : قتلوه الهوامل في كون النخيل

جديع بن هذال : طرحه الفارس / امحمود الحمر الهاملي ومنّ عليه وفكه وزوجه ابن هذال اخته فخوال الحمر من الهوامل هم ال هذال من عنزه .

فلاح بن حثلين : طرحه الفارس / فلاح الاشرم الهاملي بعد غارة ابن حثلين وقومه عليه

عند ابله فصاح الهاملي بابله وهرب فلم يطارده غير ابن حثلين وعندما اختفوا عن الانظار

ابطأ الهاملي حتى يلحقه الخيال وفعلاً اعتقد ابن حثلين انه يستطيع اللحاق به لكن

الاشرم كان طامعاً بالخيال قبل لايطمع فيه وعندما وصله ابن حثلين انقلب فلاح الاشرم

الهاملي عليه وخطفه من ظهر فرسه وقيده وراح فيه للهوامل وعرفوا انه ابن حثلين

ففكوا قيده واكرموه وعطوه حصانه .


ابن محلاد شيخ الدهامشه من عنزة : طرحه الفارس / سلمان البزير الهاملي في كون

مناخ بين عنزه ومطير فاكرمه وفكه وكان سلمان قصير قامة وضعيف ومن رآه من بعيد

يعتقد انه صغير سن فقالت عنزة لابن مجلاد : وشلون هالبزير يطرحك من ظهر حصانك؟

فراح عليه اسم ( البزير ) الى يومنا هذا .

منقول مع اضافة بعض الروايات

 

 

 

 

[معلومات العضو هذلول]

كون ابن حثلين بالعجمان ومعه زعب والمره والمناصير وبني هاجر على الهوامل

أغار ابن حثلين بطالبين الكسب من هذه القبائل يريد الهوامل من مطير تحديداً بسبب

كسبهم ابل للعجمان مشهورة تسمى البلهاء كسبها الشيخ : شعوان بن دمخ

والفارس : نقى بن مليحان في احد الغزوات على العجمان وخط سير العجمان طويل

ويتعمق في ديار مطير فجمع طالبين الكسب من هذه القبائل واراد الهوامل لكن طاح

باربع بيوت من الهوامل بعيداً عن ربعهم ومعهم حلال كثير وابل طيبة

واصحاب البيوت هم :

بيت فارس بن السبيعي الهاملي
بيت جبر بن سميران الهاملي
بيت طريف المويس الهاملي
بيت ابن وريده الهاملي

فلما رأى الغزاة الابل بالمفلى جعلوا المركي لهم لاعتقادهم انهم كل الهوامل من مطير

وخرجوا يريدون الابل بكل هذه الجموع فلما طلعوا على الابل الا عليها وسم الهوامل

مطرقين على الخد اليمين والعمود على الوريد من يمين فقال ابن حثلين : ياهل المغزى

هذا وسم الهوامل والظاهر ان اهل البيوت هذولى جلاوية من ربعهم غيروا على الابل

فاغاروا فلما رأوهم الرعيان صاحوا بالابل وطلبوا الفزع من العرب فكان ان اخذت ابل

طريف المويس عن بكرة ابيها واصبحوا يطاردون هل الابل الآخرين ويوم اخذو لهم شوي

الا والخيل لاحقه عليها ابن السبيعية الهاملي وجبر بن سميران وطريف المويس وابن

وريده فصاح ابن السبيعي بالمويس وهو يرى ابله تساق من قبل يام قال : ياطريف اركب

رد ابلك !! قال طريف : يافالح اليوم ماهو لنا اسلموا بعماركم قال فالح : انا ابن سبعان

والله لبلاك ليجيك مني كانك خايف !!! فركب طريف ورد قسم من الابل ولحقه ابن

سميران وابن وريده وفالح ابن السبيعي فصار عن الابل ضرب شلف وصياح فلما رأوا

استماتته الهوامل دون ابلهم تركوها مجبرين وصار الطق في ركايب القوم فقال ابن

حثلين : نعنبيكم اتركوهم هذولا ناس اهل حظ مالكم سعد معهم !!!

فتغنوا الهوامل بفعل بني عمهم اللي يشرف وقال ماضي بن هليل هذه القصيدة

يرثي الفارس جبر بن سميران ويذكر فعله وفعل الهوامل ضد العجمان :

يالله يامنشي السحاب المزابير = ياقايده لارضاً وبامره سقاها
ينبت على مدلاج سيله نوانير = وانواع نبته تطرب اللي مشاها
تلطف لمن كبده كما لاهب الكير = تشرب قراح وشربها ماهناها
ابكي خفا واصبر النفس تصبير = وارجي عسى المولى يحسن عزاها
الدرب واحد مير مده وتعبير = والعين هذا حل موسم ابكاها
ابكي جبر خيال تالي المظاهير= زبن الثبار اللي ردياً اغذاها
خيال قطعان اقتفتها المقاهير = ترعي بها الشقحاء الطفوح بهواها
له ركضة يشبع على دربه الطير = وفي مفرسه تلقى الحوايم عشاها
ليامنهن راحن سوات المهاشير = والظفر بالبدة عزاته نساها
يثني جواده عند تالي المقاصير = كنه وديع القاصره من وراها
ليازم نبتاً بين الاجناب ومطير = ترعى بخداً مارعت بقصراها
ولاشد جيبه فارعاً بالدواوير = يعرف اليا ركب المحالة رشاها
كد لم ابن حثلين زعب ومناصير = واهل القنازع جامعيناً ادواها
واستلحق المره على الشر والخير = وسلة بني هاجر تعرض ونخاها
وسند مع الصمان يقدي طوابير = وهب الشتاء والخيل زان امعداها
وقال ابشروا يايام جينا معابير = قوماً نبيهم سبرها وادلالاها
وفي حروة المدهال كزوا مداوير = والسبر جاء عجلان والابل لقاها
والفوا على قوماً عصاتاً مناعير = لاهم باهل ذلة ولااحداً نواها
وتعنتلوا بمعسكرات المسامير = الصبح قبل القاع تشرب نداها
وتعاوجن باطراف قطم المواخير = مقدار حمس البن عجلاً سواها
وراحن بالعجمان دق الاشابير = فرسانهم والشوخ تنخى مداها
خيل المعيض وردت وراحت مصادير= شربت حميم وصدرت في ظماها
راحن بهم هراب والها معاصير = جاها جبر وابن السبيعي حداها
تسهجن ولد الاصيقه مدابير = كلن تذكر سابقه وش عطاها ؟
فرساننا مايسندون المعاذير = وهذي عوايد خيلنا بقبلاها
والصبح غبه يلعنون المشاوير = واقفوا عجم ..... حساها وراها
اصبح شرايدهم سوات المداوير = وانشد جواد الصالحي من رماها
على جواد الصالحي يدرج الطير = يوم اقرشت كن الكواكب حذاها
وسّام ينخاهم باسامي المشاهير = وتغايبوا مامنهم اللي ثناها
يبكي يبي شوفة هله بالجوافير = وكب الجواد ولبسها اللي زهاها

يقول رواة مطير ان الهوامل اشرس فخذ من مطير عند الابل ولم يذكر ان قفوا القوم

بابلهم واهلها حاضرين .


منقول

 

 

 

 

[معلومات العضو هذلول]

خلاف الهوامل والمريخي شيخ واصل !!

كان هناك هاملي ماراً ببيوت المريخات فرأى ان المريخي شيخ واصل قد قيد بعض

الرجال وربطهم فسأل بعض المريخات : من يكونوا هؤلاء ؟؟ فقالوا : هذولا بعض العفسة

من مطير لهم خلاف مع المريخات فقاموا عليهم وامسكوا بهم

والعفسه من اقرب الفخوذ للهوامل كعلاقة ونسب فرجع الهاملي للهوامل واخبرهم

بقصة الرجال فقاموا وذهبوا الى المريخي شيخ واصل ودخلوا بيته وفكوا الرجاجيل

وهو ينظر اليهم ويبتسم ولم يحرك ساكناً ، فلامه من عنده على السكوت على الهوامل

فقال : هذولا اللي لياضيقونا الرجاجيل التفتنا لهم عزالله ماارتاح والهوامل ماهم معي ..


(( صغت الرواية التي سمعتها باسلوبي ))

 

 

 

 

[معلومات العضو هذلول]

احد المطران اللي غزى مع الهوامل وتوهق فيهم !!!!

يقول هذا الشايب ان الهوامل اهل عيارة وفكاهة ويقول :

انه في احد السنين اراد الهوامل الغزو فعلم احد المطران بنيتهم

للغزو فذهب اليهم وقال: ابي اروح معكم قالوا له : حياك الله

وكان هذا المطيري حظه اقشر فبعيره اللي هو عليه اصيب في الطريق

واصبح يضلع وكان دائماً متأخر عن اهل الغزو فكانوا كل شوي يرجعون له ويطلبون منه

ترك راحلته والركوب معهم كرديف لكنه يرفض وفي احد المرات تأخر ولم يرجع له احد

فشك فيهم انهم تركوه وفي اثناء تفكيره ماذا يفعل اذا باثنين من الهوامل يرحعون له

ويسلمون عليه وكأنهم مايعرفون قالوا : انت من انت ؟؟

قال : انا خويكم قالوا : انت تعرفنا ؟؟ فاستغرب من سؤالهم وشك في نيتهم فيه

فقالوا : اللي انت راكبه بعير والا ناقه ؟؟ فقال : هذا بعير انتم ماتشووفون ؟؟

قالوا : اللي نشوف انه ناقه المهم نزلوا لهم طاسة يبون يحلبون البعير وكل ما حطوا

الطاسة تحته نقز وعلى هالحال الين قال لهم المطيري : يالربع انتم وش تبون بالضبط ؟؟

قالوا : انت صرت لنا عقوبة ياانك تشوف لك حل في بعيرك والا تراك تبي تهلك وتهلكنا

معك قال : بعيري مااخليه قالوا : اجل مخدوم ياللحية الغانمة ان كسبنا فلك مثل اللي

لنا لكن استريح والا يابعيرك هذا لينقز لين ينكسر ظهره !!!

المهم يقولون جماعة الرجال هذا بعد ان عرفوا قصته مع الهوامل : يافلان ترى

الهوامل يبون يغزون وراك ماتروح معهم غدي الله يرزقك ؟؟

قال : جعل غزو فيه الهوامل مايعود !!!!!

 

 

 

 

[معلومات العضو هذلول]

الهوامل يتقاتلون على ظل ابن بصيص

في احد الغزوات لابن بصيص من شيوخ مطير كان معه افراد من الهوامل رافقوا الغزوة

يريدون الكسب فكانوا في مقدمة الغزوا اي في اوله وليس اتلاه وكان دائماً بجنب الشيخ

ابن بصيص وفي احد المرات قام الهوامل بعضهم على بعض

بعضم يسب وبعضهم يفرع الرجاجيل فنظر اليهم ابن بصيص فوجدهم يضربون ظله

بالعصي ويقولون : ياكبر دماغه كبراه ههههههههه

فأشر الى من عنده بانهم يتركونهم ولايتعرضونهم


من رواية احد شيبان المطران

 

 

 

 

[معلومات العضو هذلول]

الهوامل يقتلون شيخهم

قبل ظهور ابن دمخ شيخ الهوامل لم يكن للهوامل شيخ لكن كانوا لهم كبار يرجعون اليهم

في ازماتهم فجاءهم واحد من البصايصه فيه خبال فقال للهوامل : انتم ليه مالكم شيخ

يالهوامل ؟ قالوا : والله مالقينا اللي يشيخ فينا لكن انت ابن بصيص كان تقبل تشيخ فينا

ترانا حنا قابلين !!!!

قال ابن بصيص : ماعندي مانع فشيخوه عليهم

وكانوا اذا اقبل عليهم يرحبون فيه حياالله شيخنا حيالله الامير وكان يبتسم ويضحك

فعلم ابناء عمومته فنصحوه بالابتعاد عن الهوامل وهذولا يضحكون عليك مااقبل بعض

تبيهم يقبلونك قال : ليتكم تشوفونهم اذا جيتهم وش يسون شوي والا يشيلوني عن

الارض المهم استمر الوضع ثلاث ايام والرجال مبسوط !!!

وفي ثالث يوم شبوا لهم نار كبيرة تشوف العرب كلها ويوم سألهم اميرهم ابن بصيص

وش هي له هالنار ؟؟ قالوا : حنا عندنا سلم اميرنا نحرقه بعد ثالث يوم

قال : وشلون ؟؟ قالوا : ماتشوفنا مانقبل الامارة على بعض خايفين من هالنار

المهم امسكوه بفرشته واحذفوه بالنار

وهو تلحقه حروق وهو ينحاش لبني عمه وقال : ملاعين الوالدين احرقوني

قالوا : زين اللي سلمت وش جابك يمهم

يقول لي الشايب هذا ان المطران اذا بغوا يذكرون الهوامل وعيارتهم

قالوا : هذولا محرقين اميرهم

 

 

 

 

[معلومات العضو بنت الشايب]

بيض الله وجهك يابن شامان على هذا الموضوع القيّم ونعم بالهوامله وبالهوامل

دمت بود