لماذا الدواســــــــــر؟

[معلومات العضو اخو بتلا]

وعلييكم السسلام . < لـ كثرت الردود سلمو

اول ، احب اشكرك اخوي خميس

فعلا موضوع يستاهل المشاركه لو انه قديم بس يستاهل

ثانيآ ،

صحيح شفنا كلام الاخوان بـ الأمر الواقع ازاله الأسم او حذفه ][ الدوسري ][

من بعد ما قريب بعض آراء الشباب ، احب ازيد من رأيي واحب ان تسمحولي

اتوقع ، عشان يضيع بين الناس ، مثلا رايح يخلص له معامله او اي شي وآخر اسسمه مثلا آل محمد ، يمكن الموضوع الي عنده بـ نفس اسم العائله بس الانساب تختلف ويخلصه وكذا

لان السالفه هذي حصلت معا واحد جاي يعدل اسمه بـ اضافه الدوسري قال له احد الاخوان قال تدري احسن لك تخليه عشان تضيع بين الناس !

تحيآتي

 

 

 

 

[معلومات العضو ابن عيد الغيثات]

خوف من طلب الواسطه يعني لا نخاك ولدعمك منت بقادر ترده

 

 

 

 

[معلومات العضو ابن ذيب الودعاني]

والله يا خميس الرجاجيل عرفوا لها



شاف اللي قبله ما ترقى منهم ولا مسك المناصب الا الربع اللي انت خابر اللي ماسكين الوزارات والمناصب الحساسه

قال يا ابوي خلني اشيل اسم القبيلة ولا والله ان ابطي محلي واللي يترقى منهم (اقصد القبايل) 1%


وهي والله وجهه نظر صحيحه فالمناصب والزيادات والتوظيف والمعاملات كلها بيدهم فيحاول الواحد يشيل اسم القبيلة لاجل انها تمشي امورة ويصير كنه واحد منهم


ولكن خذها قاعدة يا خميس ذكر الحيا والطيبين يبين


والله لو ان فيه واحد اسمه محمد سعد خالد

وينفع بني عمه وربعه واللي يستاهل من اللحوات الغانمة ان يعرفونه ربعه



وتقبل مروري يا خميس مع ان الرد بعد 4 سنوات لكن الموضوع مهم وهاذي عوايدك يا ابو مطر

 

 

 

 

[معلومات العضو مناديه]

انا سالت نفسي هالسوال قبل يساله الاخ خميس
وسالت ناس كثير عن سبب عدم كتابه الدوسري او اعترافهم انهم من الدواسر
وخاصه اذا كانو اصحاب مناصب
لكن الرد كان مخيب للامال كلام قوي يمكن يكون فيه نوع من الصحه
واحب احتفظ بالسبب لنفسي
يعطيكم العافيه

 

 

 

 

[معلومات العضو عبدالله الحافر الغييثي]

مرحبا بكم جميع واخص ابن الذيب الودعاني واقول واللهانك صادق وكلامك 90%صحيح وهو اهم الاسباب

 

 

 

 

[معلومات العضو هتلر المسعري]

مشكوور واتوقع انه يفتخر اكيد بس هو اجمل او له هيبة مثلي فهد بن عبدالله وترها وجهت نظر

 

 

 

 

[معلومات العضو سعود الشنار]

هلا بخميس

ماجووور .. بالنسبه لي مارح ازود على بعض كلام الأخوان

ووفوا وكفووا .. لكن أنا بضيف حاجه .. بالنسبه لنا احنا ماهو مكتوب اسم العائله أو الفخذ

مجرد اسم الجد .. وهذا السبب كونه عندما بدا اكتتاب التابعيات للمواطنين جدنا ماكان موجود وقتها

فالجيران جزاهم الله خير فزعوا وقالوا للموظف هذا بيت فلان وهو يشتغل مراسل للملكـ عبدالعزيز - رحمه الله -

وكتبوا الأسم بدون القبيله أو الفخذ فراحت مع الأيام

لكن ألي شفته من أغلب أبناء قبيله الدواسر وأخص بالذكر الدواسر أني إذا شفت أحد يقابلهم بابتسامه وكلمه حلوهـ يفزعوون لأي أحد وفي أغلب المجالات والدوائر وهذا حصل لي كثير وإذا انتهيت من شعلي رجعت له وسلمت عليه وعرفته باسمي وقبيلتي ويتفاجئ ويقول ليش ماقلت من أول عشان أخدمكـ أكثر .. فأقول له أخاف لو قلت من البدايه تقول هذا جاي يستفزع وولد عم ومن هذا الكلام

وبعدين ياشباب لا تحملون الواحد فوق طاقته ممكن فيه اشياء فوق قدراته ولا مو القصد حسد وغيرهـ

وعلى فكرهـ بالنسبه لعدم كتابه الفخذ أو القبليه هذي لاحظتها في كثير من القبايل مو بس الدواسر

وبيض الله وجهكـ .. ومشكور على الموضوع

 

 

 

 

[معلومات العضو نايف آل بريك]

السلام عليكم ورحمة الله
موضوع يستحق الرد عليه بيض الله وجهك ياخوي خميس
اما بالنسبة للأسباب ولله اني مدري ولاكن هذا شي ملاحظ وبكثرة
ولاكن بعض الرياجيل لاقابلته يعرفك بنفسه أو تجد ان اخوياه يعرفون ان اصله دوسري
ولاكن الأدهى والأمر الذي تعمل معه ولاتعرف اصله الى بعد مدة طويلة فلا أعلم ماهو السبب
وللأسف جميع الأعذار السابقة غير مقنعة سوا رد عيسى العيسى ولاكن هو رد بمايخص هل القصيم
أما البقية فلا أعلم ماهي الأسباب؟؟؟؟؟
وأكرر الشكر للأخ خميس"""

 

 

 

 

[معلومات العضو تركي بن ناصر]

اختصر الموضوع أخوي خميس ...

الأسباب عدة منها :

من القديم كان الشيبان يـُـعرفون بأسماء جدانهم , ثم ظهرت بطاقات الأحوال وكلن كتب اسم جده , وذلحين لو يبي يضيف قبيلته ما يقدر (( خذ كلام موثوق )) .

وأسباب كثير لا يمكن حصرها

ما رأيك .. ؟؟

 

 

 

 

[معلومات العضو بن مشخص المسعري]

يمكنه مستحي من اصله

انا اكتب الدوسري وافتخر بعد

ولا اداني هالحركات اسم الجد ولا اسم العايلة ولا اسم الفخذ

حط اسم لابتك مثل الرجال

 

 

 

 

[معلومات العضو سالم بن محمد الشرافي]

السلام عليكم جميييييييع

يالربع انا ملاحظ ان كل واحد ضارب له جو على هالسبب

انا اللي باقول لك واخص اللي كاتب اسم الفخذ او العائله او اللي هو كاتب في بطاقته او اثباته ايا كان وتلقاه شايل الدوسري


انتو بديتو الرداء في الرجال بقولكم عشان مايفزع لربعه !!!



الموضوع ولايخفى عليكم وعلى الاغلبيه ان اغلب الضباط واهل المناصب الحكوميه هم حضر والحضري بطبيعته ماايحب البدوي

فتلقاه لو درا انك حضري ماراح ينفعك باي شي وده بالمنفعه للحضري مثله


مقال لتقرب الصوره

واحد من الربع ضابط مكان عمله عند اهله ومرتاح واخر اسمه في باسم الفخذ

راح لااحد الامراء واخذ امر بتغيير اسمه لااضافة الدوسري

بعد الاضافه الى دوسري وبعد معرفة الضباط اللي حوله باصله تم نقله لجيزان !!!

طلب نقل اكثر من مره والرد يجي بالرفض

رجع للامير مره ثانيه واخذ له امر باازالة الدوسري من بطاقته

وطلب نقل خلال ثلاث شهور تم نقله لمكان طلبه


الصوره الثانيه شخص ظابط بااحدى الدوائر الحكوميه وهو عسكري وكان ضابطه الاعلى منه يحبه ويعطيه دورات ويقدمه للمسوؤلين وكان يخدمه باللي يبي

فجااءءه !!! درا انه دوسري طلباته مرفوضه لادورات ولااهتمام مثل اول ومحاولة ابعاده عن المسوؤلين وتقريب الرتب الاقل منه من الحضر الى المسوؤلين


واحده من هالامور في احدى الوزارات تقدم والدي شخصيا لاامر شخصي فكان بينه وبين احد الاشخاص علاقه جيده جاه عشان هالامر اللي يخصه فساله سؤال استغرب ابوي منه قال يااخي انت وش اصلك !!!

ضحك ابوي وهو حاس ان فيه مقصد ومغزاء من السؤال فقال له انا من هل الرياض

قال ايه اشوا يااخوي البدو ذولى جننونا وفيهم مايخطيهم فلاحظ انت ان العنصريه ليست للبدوي عن الحضري

فهاذا اغلب الامر اللي يخلي الاخوان يكتب الاسم اما لما هو معروف بين ربعه او لفخذه اللي ينتمي له