صدى نبض القصيد للابداع واخراج المكنون من القصائد ...ادخل وشارك متجدد (1) - الصفحة 5

**معلومات** **العضو** · 27-11-2008, 07:49 AM

السلام عليكم
لا هنتي اختي نجديه على الفكره الرائعه
ويشرفني ان البي الدعوه
بهالبيتين

سلام من قلبٍ يزف البشاير=للموقع الي يشتهر بالتميز
الموقع الي به علوم ومناير=جواز قلبي في ربوعه تفيٌز
اجاري الشاعر ببيتين حاضر =الي يصوغ البيت من قاف ايٌز

**معلومات** **العضو** · 27-11-2008, 11:40 PM

ابيات في غاية الروعه الف شكر اخوي تركي على الطرح

**معلومات** **العضو** · 28-11-2008, 05:10 PM

المبدعة : نجدية
الله يعطيك العافية
وصح لسان شاعرنا الكبير تركي بن هذال بن نيف
وأنشهد انه ماقصر
وبالتوفيق للشعراء المميزين

**معلومات** **العضو** · 28-11-2008, 10:33 PM

هذي ابيات بسيطة والشكر موصول لشاعرنا القدير تركي بن هذال بن نيف ، وكذلك اشكر الشاعر القدير ابو ملهي العنزي على مجاراته ومشاركته:

للطيب فعروق النشاما مكاسر= ياتركي الهذال وانت المميز
قدمت قافك للرجال الكواسر = الصدر واضح والنهاية على ايز
في منتدى للقلب مالك وآسر = درب النقا تلقاه ماهو محيز

**معلومات** **العضو** · 29-11-2008, 12:37 AM

جاريت الشاعر ابو هذال ببيتين وعساها تكون كافيه ووافيه

صدقت يا تركي يا عذب المشاعر = بقولك ترى موقعنا فوق التميّز
تلقى ولد عمك وتلقى المفاخر= راس الشرف مرفوع في كل حيّز

ومشكوره اختي نجديه على هالموضوع ولا هنتي مجهود تشكرين عليه

**معلومات** **العضو** · 29-11-2008, 07:34 AM

مشكوره أختي

نجديه

على هذه الفكره الرائعة

لاهنتي

**معلومات** **العضو** · 29-11-2008, 08:45 AM

صح الله لسان الشاعر الكبير تركي بن هذال

على الابيات الكايده

وانا اقول الظاهر ان الشاعر يبي يعجز الشعراء

بالابيات الرائعه ( وهذا الواضح والملموس )

اذا كان المطلوب 6 ابيات للمجاراه

عز الله انها كايده كايده كايده

شكرا لصاحبت الموضوع نجديه على الابداع وتستاهل التقيم ممتــــــــــاز

**معلومات** **العضو** · 29-11-2008, 12:15 PM

واصلوا

**معلومات** **العضو** · 29-11-2008, 01:22 PM

ابيات متميزه من شاعر متميز لك كل الشكر والتقدير
تقبل تحياتي
والشكر موصول للاخت الشاعره نجديه

**معلومات** **العضو** · 29-11-2008, 09:50 PM

السلام عليكم ورحمة الله وبركاته

اولاً اشكر صاحب الفكره الرائعه

ثانيا تهيضت وقلت لازم اشارك ولو ان الشعر بعيد مني فانا لست شاعر

وهذي ابيات بسيطه حبيت اطرحها

اول اربعت ابيات ضمن المجاراه

اللي بعد الاربع ابيات هذي مشركه مني خارج المسابقه لاني ما التزمت بالقافيه الثانيه

اقول::

في جنة الفردوس شلعان ظافر=مرحوم يا شاعر قصيده تميز
جانا بداله شاعرٍ ما يتياسر=دايم على اليمنى قصيده مميز
تركي ولد هذال زبون المخاسر=شاعر وفي الماجوب ابد ما تحيز
والمنتدى شامخ وكله مفاخر=عن غيرنا في كل شي انتميز

حطه عريب الجد والكل خابر=خابر جهوده يوم حطه وانجز
انجز له انجازٍ له الكل شاكر=من لا شكره في عيونه العود ينطز
هايف صليب الراس قرمٍ مثابر=قرم له البيضا ترف وتركز
وحنا الدواسر قدمنا المجد زاهر=من فعلنا راغ المعادي وتنرفز
وسلومنا معروفه من عصر عامر=وسم العصا عن كل قوم انتميز

وسلامة الجميع....

**معلومات** **العضو** · 29-11-2008, 10:47 PM

( كنيّز ) أنا أدور من كنوز الكواسر=يكفي وطحت بكنز ماهو ( كنيّز )
( عزيّز ) دعاني يم جمع الدواسر=وجيت أنا مجاوب لدعوة ( عزيّز )
( وجيّز ) الوقت لو مريت به عابر=تكسب كثير الفود في وقتن ( وجيّز )
( يميّز ) الموقع به جميع المفاخر=ومن يجيه يتميّز ويعود ( مميّز )

المعذرة فقد كتبت الأبيات على عجل

تكفي يا تركي إذا مريت عليها سو لها ترميم

**معلومات** **العضو** · 29-11-2008, 11:48 PM

بسم الله الرحمن الرحيم

اخواني اعضاء وزوار المنتدى

السلام عليكم ورحمة الله وبركاته

اشكر الأخوان الذين صوتو لمجاراتي للقصيده التي طرحتها اختي نجديه وبهم تم

حصولي على المركز الأول وهذا من حسن ذاتهم 0

والشكر موصول للأخوان الذين جارو قصيدتي شعرآ ونثرآ وكذلك الذين اشادوا بها وهذا

وسام شرف على صدري وارجو التوفيق للجميع 0

وكلي اسف على تأخري في الرد عليكم في حينه بسبب ظرف طارئ 0

واهدي سلامي لكم واحدآ واحدآ 0

ودمتــــــــــــــــــم بخير

تركي بن هذال بن نيف

**معلومات** **العضو** · 29-11-2008, 11:56 PM

اهلا بك اخوي تركي نتشرف بمجارتك وحتى لو ما نجيد الشعر

**معلومات** **العضو** · 30-11-2008, 12:00 AM

اختي نجديه

فعلاً نجديه

انجدتي المنتدي بفكرتك الرائعة واسلوبك الفذ

يعجز اللسان والإحساس عن شكرك لثقل ما يحمله من معنى الشكر

استمتعت فعلا بالموضوع وبالأبيات الأصلية والمجارات

تشكرين من كل الأعماق

والشكر موصول للشاعر ابن نيف شكراً جزيلاً

وكذلك للأحوة الشعراء والمعلقين عاى الموضوع

تحياتي للجميع

**معلومات** **العضو** · 30-11-2008, 12:08 AM

اقتباس:

المشاركة الأصلية كتبت بواسطة أبـ ريماس ـو

اهلا بك اخوي تركي نتشرف بمجارتك وحتى لو ما نجيد الشعر

اخوي ابو ريماس

اسعد الله اوقاتك بكل خير

الله لايهينك . اصلآ حضورك ومرورك بحد ذاته شعر 0

تحياتي لك

تركي بن هذال بن نيف

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية