الشاعر الكبير دخيل الله بن محمد بن دخيل الله الشكري

[معلومات العضو سالم بن صمهود]

مانـي بشاعـر بالمجلـه هايـم
دور على الشهره وحظـه خانـه
ماني من اللي كل عرس(ن) حاضر
يلقـي قصيـده يومـي بذرعانـه
وماني من اللي يزلقون الشـارب
لا طـار طيـره لا تعلـى شانـه
أكتب قصيدي لا تهيـض صـدري
وإن هاض سيل(ن) يخترق جدرانه
أكتب على اللي ورثـوه أجـدادي
وآغوص في بحر الشعر وأركانـه

رحم الله الشاعردخيل الله الشكرة رحمة واسعه وجمعنابه في جنات النعيم امين

 

 

 

 

[معلومات العضو طـويق]

بسم اللة الرحمن الرحيم
حقيقةً لست من مرتادي المنتديات وقد دخلت هذا الموقع واشتركت فالمنتدى ربما تكون من زود (الحميه) ولاني خبير فالردود وليعذرني من راسلني ولم ارد عليه
ورحمة الله على الشاعر دخيل الله بن محمد الدوسري واسكنه فسيح جناته ولكم مني ارق التحيات والتبجيل لكل العاملين على هذا الموقع الكبير دون استثناء

 

 

 

 

[معلومات العضو سلطان بن دخيل الله]

المشاركة الأصلية كتبت بواسطة حاوي الطيب

اهلاً وسهلاً بكم يا ابا دخيل الله حياكم الله وبياكم بمنتدى الهيلا الرجال الميامين ورحمة الله على الشيخ الشاعر/ دخيل الله بن محمد الشكره الدوسري رحمةً واسعه
الرجل الفريد بكلمته وبشعره الذي يتصف بالحكمه والجزاله والله يبقي الحيين ذخراً لنا واخص بالشكر الأستاذ/سلطان بن دخيل الله الشكره
الذي يحض على دروب الغانمين ويقف وقفة الرجال النبلا ولاهي غريبه من أبن الرجال الذين سطرو في التاريخ كل علم طيب ومشرق ولكم هذه الوقفه البسيطه.

بـديـت بسـم اللي سلم من ترجاه = غـافـر خطـايا اللي بمكه يطوفي
الـواحد اللي تسجد الناس لـرضـاه = جل وتعالى اللـي بعبده يـروفـي
الـلـه إلـه الكـون مـامثـلـه اشبــاه =الغـافـر القـادر بخـلقـه عطـوفـي
اهـلاً هـلا يـابن الـرجـال المسـماه = حمـايـة البل يوم ضرب الشلوفي
سلطان سلطان السعد ماله احلاه = ماهو على بذل المكارم حسوفي
الجـود فـي يمناه والطـيب مـبـداه =من راس ابوه القرم نال الوصوفي
عـلـيه مـن ذاك الاسـد لاعــدمنـاه = الطـيب ورث اهل القنا والسيوفي
اطـلـب إلـه العـرش عفوه ورحماه = وعسـاه بالفـردوس دايم يطوفي
ابـو محــمد خــاســرٍ مـن تحــداه = هـداج يشــبه لــه نـدي الكفـوفي
واعتـيبة أهـل الخـيل كـلٍ بشلفاه = ذبـاحة الحـايـل عمـى من يزوفي
عنـهم حكـا التـاريــخ بـأول وبتــلاه = حمـاية الخلفات بحـدب السيوفي
منــهم ابـن مفـرح اليـا حـل طرياه = قالـو نعـم بك يامعشي الضيوفي
واقبـل تحـية حـاوي الطيب والجاه = اللـي مـع الوافيـن بالطـيب يوفي
وصـلاة ربــي عـدمــا ينــتثـر مـــاه=على الرسول الهاشمي النصوفي

الـشـاعــر/جــازي الـعـطـاوي العتيبي {حـاوي الـطـيـب}

الله يصبحكم بالخير جميع ويشرفني ان اقدم لكم قصيده للشاعر حاوي الطيب

ولي بأذن الله رجعه بنفس الموضوع لكم

مع خالص الشكر والتقدير للجميع بدون استثناء

 

 

 

 

[معلومات العضو جابر الشكري]

السلام عليكم ورحمة الله وبركاته اخوكم ابن جعدة الشكره مشترك جديد اقول بيض وجيه من قامو على هذا المنتدى الذي يعجز اللسان عن التعبير عنه واقول بيض الله وجهك على ديوان والدك جعله في جنات الخلد الي غني التعريف ويشهدله التاريخ الي يمثل الرجال والله يطول عمرك ومن ومثلك يالنادر

 

 

 

 

[معلومات العضو ابو سلطان الشكرة]

رحم الله الشاعردخيل الله الشكرة رحمة واسعه وجمعنابه في جنات النعيم امين


وكفوووووووو في آآآلاد شكر

مطوعت العصاه

 

 

 

 

[معلومات العضو بن طراد الودعاني]

الأخ الكريم

هايف العماني

شكر الله لك هذا الطرح الطيب عن الشاعر الكبير دخيل الله بن محمد بن دخيل الله الشكري رحمه الله...

والشكر موصول لأبنه البار الأخ

سلطان بن دخيل الله

وتذكرت عند قولك:

توافدوا يوم العزا كالتهامي=واكثر حضوره يومها ماعرفناه

حال العظام الذين تظهر محبة الناس الصادقة لهم عند موتهم حيث لا نفاق ولا مراءاة. وهذا هو ما أشار إليه قول الإمام أحمد بن حنبل رحمه الله لمخالفيه من أهل البدع والأهواء "بيننا وبينكم يوم الجنائز" حقا ففي يوم الجنائز يرى الفرق بين أهل الخير والعلم وغيرهم ممن لم يتركوا أثرا باقيا وعلما نافعا "فأما الزبد فيذهب جفاء وأما ما ينفع الناس فيمكث في الأرض"

اللهم ارحم عبدك الشيخ دخيل الله بن محمد بن دخيل الله الشكري وأسكنه فسيح جناتك واشمله بعفوك ورضوانك وجميع موتانا وموتى المسلمين اللهم آمين.

 

 

 

 

[معلومات العضو عبدالعزيز بن سلمه]

شكرا لك من الأعماق اخي العزيز هايف العماني

وانا اشهد ان الشعر ماهو شعر اذا ماهز شعور القارء ولامس مشاعره

لقد تصفحت هنا حقبة من الشعر

ومدرسة خاصة فيها من بديع القول الشيء الكثير

وجدت نفسي أمام قامه عظيمه من قامات الشعر وشاعر يندر أن يتكرر

وحق لقبيلته أن تفخر به كما كان يفخر بها

والشاعر ان لم يكن لسان قومه وفكره لن يرجى منه شيء

ووالدك الشاعر الراحل اكمل رسالته باقتدار

شاعر وجدت فيه حنكة الشعر واسلوب الشعر ونكهة الشعر وحلاوة الشعر ورسالة الشعر

يحق للجميع الفخر بهذه الشخصية الفذه


ويحق لنا ان نخلد سيرته

فماهذا الديوان الا

نافذة جميلة على هامة كبيرة من الشعر والفخامة

وكنز لا يقدر بثمن يا سلطان

فرحم الله الشاعر لقد كان

علم بشاعريته وانتمائه إنه جيل في رجل وديوان

ستحفظه الأجيال لمثله ينتمي الادب ,,فلقد دام الأدب ونسئل الله الرحمة للأديب الراحل...

ونعم الابن البار انت يا سلطان

 

 

 

 

[معلومات العضو بن واصل البدراني]

الله يرحم شاعرنا وسكن فسيح جناته امين امين

ابن واصل البدراني الدوسري

 

 

 

 

[معلومات العضو ابو عبدالله الثاقبي]

الله يرحمه ويسكنه الجنه والله يغفر له

واشكرك يابو مبارك على الموضوع ولي مداخله على قصيدته في جدي سعد بن مبخوت بن سالم بن عجيبه يوم قال فيه هذي القصيده وبشوف ان كانه رد عليه ان شاء الله ببلغكم


سعد بن سالم بن عجيبه الشكره والذي خاطبه في احدى قصائده قائلا :

	يامن يوصل لـي سلامـي ونجـزاه=ولا وصل (ابو سالم) عداه الملامـي (سعداً) سِعد دل اللذي يـوم سمـاه=واختار من سماه خيـره الاسامـي وِسعد اللذي في ساعة الضيق ينصاه=عند الشدايد يـوم مـس الحزامـي له موقفـا لايمكـن القلـب ينسـاه=ولايمتكـن ننسـاه دايـم دوامــي اربع صفات فيـه توجـد وشـرواه=ماتوجـد الا بالرجـال العظـامـي فيه الكرم والطيـب والحلـم تلقـاه=وموهبـه ربـي دليـل الكـلامـي وصلاة ربي بـاول القـول واتـلاه=وعلى النبي مني صـلاة وسلامـي

يستاهل ابو سالم الله يطول في عمره ما قيل فيه ورحم الله الشاعر واسكنه الجنه

 

 

 

 

[معلومات العضو ابو عبدالله الثاقبي]

المشاركة الأصلية كتبت بواسطة ابو عبدالله الثاقبي

الله يرحمه ويسكنه الجنه والله يغفر له

واشكرك يابو مبارك على الموضوع ولي مداخله على قصيدته في جدي سعد بن مبخوت بن سالم بن عجيبه يوم قال فيه هذي القصيده وبشوف ان كانه رد عليه ان شاء الله ببلغكم

سعد بن سالم بن عجيبه الشكره والذي خاطبه في احدى قصائده قائلا :



يستاهل ابو سالم الله يطول في عمره ما قيل فيه ورحم الله الشاعر واسكنه الجنه

المعذره يالربع للاسف دورت الرد على قصيدة المرحوم الله يغفر له ومالقيته

 

 

 

 

[معلومات العضو بوعبدالعزيزالباهلي]

نافذه جميله على شاعر يستحق

الله يغفر له ويرحمه

 

 

 

 

[معلومات العضو شافي بن راشد النتيفات]

اشكرك جزيل الشكر على نقلك الرائع والمميز
بتميزك الدائم
تحياااااتي لك

 

 

 

 

[معلومات العضو سلطان بن دخيل الله]

الله يبيض وجيهكم ويطول عماركم على مروركم ومشاركاتكم الطيبه
واسئل الله ان يغفر له ويرحمه ووالديكم وجميع اموات المسلمين

 

 

 

 

[معلومات العضو الكاتم]

الله يغفر لهذا الشااعر العلم ويرحمه

 

 

 

 

[معلومات العضو سلطان بن دخيل الله]

Quote:
Originally Posted by العماني

بسم الله الرحمن الرحيم

اخواني وابناء عمومتي الغالين



ضمن أهداف موقع الدواسر الرسمي النبيلة وسعيّه الدؤوب للتعريف بأعلام وأمراء وشعراء قبيلة الدواسر الأماجد ، سواء للجيل الحاضر او الأجيال القادمه، ومن هذا المنطلق يسعدني ويشرّفني اليوم أن أقدم لكم سيرة شاعر فحل من شعراء قبيلة الدواسر المعروفين .



وهذا رابط ديوان الشاعر (دخيل الله بن محمد بن دخيل الله الشكره)
http://www.alduwasser.org/vb/showthread.php?t=18139

---

صورة اخرى لشاعرنا رحمه الله


شكر خاص وتقدير لابن شاعرنا ابن العم الغالي سلطان بن دخيل الله بن محمد الشكره ، على تزويدنا بالمعلومات والصور والقصائد فله جزيل الشكر وجزاه الله ألف خير .

السلام عليكم

الاخوه الكرام ادارة المنتدى

الرابط الموجود تحت مسمى ديوان الشاعر بالمنتدى في هذا الموضوع مايفتح ؟

ارجو استبداله بهذا الرابط

خالص ودي وتقديري لكم

http://www.alduwasser.net/vb/showthread.php?t=18139