المدح واجب في الرجال المواجيب.

[معلومات العضو ابن هديهد]

مهجد

صح بدنك وحياك الله

شكراً على المرور الطيب

والك تحياتي

 

 

 

 

[معلومات العضو محمد البدراني]

لاهنت اخوي على القصيدة وصح لسانك
ويعطيك العافية

 

 

 

 

[معلومات العضو فيصل]

راعي مكحولة صح لسانك القصيده الجزلة

ويستاهل من انقالت فيه

ولاهنت أخوي ابن هديهد

تقبل تحيات اخوك

 

 

 

 

[معلومات العضو ابن هديهد]

محمد البدراني

ومن قال مايهون ومشكور على المرور

وتصفحك القصيده

 

 

 

 

[معلومات العضو خالد الودعاني]

ارررررررررحب يا راعي مكحولة

مترفة بالابداع لاعدمتك

جزززلة الى حد الخيال

دمت بهذه الروعه

مغليك خالد

 

 

 

 

[معلومات العضو ابن هديهد]

فيصل

صح الله بدنك ورحم الله والديك وبيض الله وجهك

على الكلمات الطيبه طيب الله حظك والمرور العطر

 

 

 

 

[معلومات العضو ابن هديهد]

خالد الودعاني

المرحب باقي طال عمرك

مرورك وسامٍ على صدري

لاعدمتك

والك تحياتي

 

 

 

 

[معلومات العضو نمر بن الأشيب]

صح الله السانك وجعل من ارثك في الجنه


عزالله قصيده جزله يابوناصر


والجزل ميجيب الا الجزل شرواك


ونشهد ان ابو صهيب يستاهل مقيل فيه


ومهما قلنا منوفي ابو صهيب حقه


ولا تخلينا من جديدك يالنشمي


أخوك في الله


العرابي

 

 

 

 

[معلومات العضو ابن هديهد]

العرابي

الله يصح بدنك وجعل والديك مايجون النار

ولاعليك زود وبو صهيب يستاهل

وبشر بلي يرضيك عن قريب بذن الله

والك تحياتي

 

 

 

 

[معلومات العضو خلف بن غصاب]

المشاركة الأصلية كتبت بواسطة ابن هديهد

بسم الله الرحمن الرحيم
الأخوه الأخوات اعضاء ومشرفين المنتدى الكرام

اسعد الله اوقاتكم بكل خير

اخوكم راعي مكحوله يحب ان يشارككم

في هذا المنتدى المبارك لقبيلة الدواسر

باهداء قصيده للاخ محمد الغريري لان الانسان مهما يقول

من مدح في وطنه او قبيلته او ابن عمه فلن يوفيه حقه

وارجوا من الله ان تحوز على رضاكم ونتقبل ردودكم بصدر

رحب ويستاهل ابو صهيب .

المدح واجب في الرجال المواجيب= الي مواجيب المراجل عملها
والمرجله منهاجها صعب وتعيب=ولا كل من هاز المراجل وصلها
قال المثل من مدركين التجاريب=المرجله تاج على روس اهلها
شرواك يامحمد حصان المطاليب=يا بيت عز المرجله يا جملها
عديت للطولات رؤوس المراقيب=وان كان ثقلت بــرها تحتملها
بيت الكرم ساس الفخرمنبع الطيب=مواقفك جزل المدايح شملها
مبدأ براهين المدايح بتجاريب= وانت جنابك يالغريري كفلها
ولا هو غريب جود شرواك يا ذيب =ان حلها بالجود والا فتلها
من الدواسر مكملين المواجيب=قوم شهد فعل الموقف مثلها
قوم على صعب المواقف مداريب=يرهون عسر المرجله عن سهلها
نالوا من الطولات خير المطاليب=تمثال لهم وأيمانهم تمتثلها
يشهد لهم بالفعل قرار ومكاتيب=فعايل ترفع نباء من فعلها
عن مدح من يثناله المدح ما اغيب=فيه المدايح بتماثيل اولها
نال المرجله في معزه وتأديب=وفيه المدايح ما ندور بدلها
فبو صهيب يارد المدح ويصيب=لأن المدايح مالها غير اهلها
واختامها مني سلام وتراحيب= ماهملت دهم المخايل همايلها

وسلامتكم وطول الله عمركم ويستاهل ابوصهيب

اخوكم...... راعي مكحوله

صح لسانك ولاهنت على هذه الرائعه ياراعي مكحوله

ويستاهل /ابو صهيب ونعم والف نعم

اخوكم / رجوم الشياطين

 

 

 

 

[معلومات العضو ابن هديهد]

رجوم الشياطين

صح الله بدنك ولاعليك زود ينشمي

اسعدني مرورك اسعدك الله دنياء واْخره

والك تحياتي