مـــن القـــــائــــل؟

[معلومات العضو ابومبخوت الدوسري]

السلام عليكم يا أخوان ياليت اللي يعرف من قايل هذه القصيدة :

إذا المراجل لبسة شماغ وعقال = قل للعذارى يلبسنّ العمايم
ما عاد يفرق زول حرمه ورجال = دام الفعايل تشبه البعض دايم
المرجله ما هيب كلمه وتنقال = وتروح ما راحت هبوب النسايم
وإلا خشونة صوت أو رفع الأثقال = أو رزة صدور وفعل الزلايم
ولا هي بعد مفتاح موتر وجوال =وإلا ردى لسانن حديثه شتايم
المرجله شيمه عن القيل والقال =رفيع نفس (ن ) حر بالجو حايم
المرجله عقلٍ وزن وزنه جبال = ودون العقل وش فرقنا والبهايم
يا مسندي لو مايل الوقت بي مال = يا ولد أبويه يا عظيم العزايم
يا معرب الجدين من العم والخال = يا نخوة المفزوع وقت الهزايم
المرجله يا خوي هي طولة البال = هي العزم هي الصبر فالظلايم
فيها الكرم عزه دله وفنجال =فيها الكرامه عن ردى الطبع شايم
والدين لامنه خذا القلب منزل= مشى طريق الحق وابليس نايم
ومن لا عرف ربه في طيب الحال = لابد وقت الضيق بالهم هايم
حتى صلاتك مع جماعات ورجال = في خيرها يا خوي نعم الغنايم
ولامن نصف ليلك قم صفي البال = يا عظم أجرك بين ساجد وقايم
ولا من رفع ربي له كل الأعمال = حسن الذكر لا قالو فلان صايم
وخلك شريف القصد يا طيب الفال = سوء المقاصد فالبيوت الهدايم
واحذر تبيع النفس في درب الأنذال = وتتبع خوي إبليس راع النمايم
النفس خيل لك إذا كنت خيّال =ومن لا قوى نفسه قوته الهزايم
ولا صرت ما تدري لو يش أنت رجال = والله خسارة فيك ذبح التمايم

 

 

 

 

[معلومات العضو محمد بن سالم الخضراني]

ابو مبخووووت القصيده اعلاءللشاعرة نوف العتيبي

وهذي مجاراتها من الشاعر حمدان الحافي

نوف العتيبيه تغنت بالامثال
جزل البيوت المرهفات الحشايم
ابيات صاغتها كما عقد سلسال
لعيون وافين الخصال العظايم
اغلى من الياقوت واغلى من المال
ويصعب ثمنها بين بايع وسايم
ليت العذاري لو على رؤوسهن شال
مثلك يانوف يحرمن الهلايم
سود الوجيه مخيبة كل الآمال
اللي مكانتها مكانة قمايم
انذال ما تسوى لها قرش وريال
من فعلها ما شافت الا الندايم
الكل منهم خاب لو قال ما قال
ولاهوب محسوب على اهل القدايم
خايب رجاء لو يلبس بشوت الابطال
واخير يلبس له عباه ولثايم
ما هو كفو يامر على بيت وعيال
الله يشيله مع جميع الخمايم
واللي مثل عزوتك للحمل شيال
عريب جد ولا تجيه الضوايم
يذكر بفعل الطيب في كل الافعال
ومع النشامى نال خير القسايم
يرعى حقوق الله ولاهوب محتال
ابيض وجه ما يلحقه لوم لايم
المرجله يبدي على رجمها العال
حراً شهر عن بومها والحمايم
وحاش المراجل كلها دق واجلال
وفي بحرها سابح وغاطس وعايم
في مجلسه يجمع له رجال ودلال
والعود الازرق وامهات القوايم
عزاً لربعه دايم الدوم لازال
حظه مع اهل الطيب والجود قايم
والمرجله لو هي صعيبه لها طال
يا جعل عمره ما تجيه الثلايم
هذاك تضرب فيه يابنت الامثال
راع الوفا والمرجله والولايم
والله يديم اهل الوفا سنين وليال
اللي تشيم لبسها للعمايم
ويابنت دايم وابل الخير همال
تبقى الرجال ولاتموت العزايم
تم الكلام وكلمة الحق تنقال
حنا الرجال مطوعة كل هايم
وفالشجره الخضراء لنا في وظلال
وبالعقل نفرق عن جميع البهايم

 

 

 

 

[معلومات العضو ابومبخوت الدوسري]

بياااااااض الوجه يابوسالم على الأفاده وسرعة التجاوب

جعلك ذخر يالسنافي والله يعطيك العافية


تقبل تحيااتي اخوك ابومبخوت

 

 

 

 

[معلومات العضو ابومبخوت الدوسري]

السلام عليكم يا أخوان في بيت ياليت اعرف من قايله وياليت اعرف القصيده كامله البيت يقول :

المراجل كايده هينه حلوه مرار = من تكاود مررها ماحاش اسعودها

وبيض الله وجه من يفيدني في هذا البيت مقدماً

 

 

 

 

[معلومات العضو ناصر بن فهد]

.
.
•
مبدعينُ مبدعينُ بمعنىُ الكلمهٌ
ولآهنتمٌ وانِ شآءُ اللهٌ بعود لكمُ ..
ولاهنتٌ وبيضُ وجهكٌ يابومطرٌ
علىٌ الفكرهُ الطيبهٌ ..
وتقبلٌ موروريُ

 

 

 

 

[معلومات العضو محمد مطلق آل بريك]

يعطيك العافيه على الفكره الطيبه وبيض الله وجيهكم



من الــــــــــقايل


قالوا هبيل وجايز لي هبالي

هبال طيب ولا صحاية رخامه

***********************************

ولكم كل الـــــــــــــــــــود

 

 

 

 

[معلومات العضو ابو زيد الغييثي]

المشاركة الأصلية كتبت بواسطة ا ل ن د ا و ي

يعطيك العافيه على الفكره الطيبه وبيض الله وجيهكم



من الــــــــــقايل


قالوا هبيل وجايز لي هبالي

هبال طيب ولا صحاية رخامه

***********************************

ولكم كل الـــــــــــــــــــود

البيت قالوا لابو اثنين السبيعي و قالوا لضيدان

و ان شاء الله يجي اللي يفيدنا

 

 

 

 

[معلومات العضو عبدالله الحافر الغييثي]

المشاركة الأصلية كتبت بواسطة ا ل ن د ا و ي

يعطيك العافيه على الفكره الطيبه وبيض الله وجيهكم



من الــــــــــقايل


قالوا هبيل وجايز لي هبالي

هبال طيب ولا صحاية رخامه

***********************************

ولكم كل الـــــــــــــــــــود

البيت السابق للشاعر ضيدان بن قضعان ورد عليه ابواثنين السبيعي

حي مهبول صامل مايبالي=والا صاحي وقت الشدايد هلامه

 

 

 

 

[معلومات العضو محمد مطلق آل بريك]

أبوزيد الغييثي أبو مطر الغييثي


يعطيكم اعافيه على المشاركه ولكم كل الــــــود

 

 

 

 

[معلومات العضو عبدالله الحافر الغييثي]

من قال ماهان يالنداوي وانا تحت امرك فديتك

 

 

 

 

[معلومات العضو برق الوسم]

	بيض الله وجه صاحب الفكرة وطارحها في خدمه المنتداء والقبيله دوم نآجدهم

الله لا يهينكم يالربع على ما قدمتوا وانا لي ملاحظه بسيطه(من القائل)المفروض تكون قسم ما تكون موضوع عشان صاحب البيت يطرح موضوعه ويجد جميع الردود اللي
تفيده،،، بس موضوع راح يفي بالغرض المرجوا راح تصير زحمه وتموت الفكره من الاساس،، هذي وجهت نظر وانتوا ابخص مني في هالأمور.

 

 

 

 

[معلومات العضو عبدالله الحافر الغييثي]

اقتراح وجيه اخوي برق الوسم وان شاء الله مايصير الا الخير ولاهنت

 

 

 

 

[معلومات العضو تركي بن عبدالرحمن]

	أسعد الله مساكم بكل خير أعضاء وادارة منتدانا الغالي لي طلب بسيط عندكم ارجو الاهتمام فيه وادري اني بكلف عليكم شوي... من قا يل هذا البيتين حيث عجز البيت الثاني لم يحضرني يقول فيه.... الطير طير قنيس يا جاهلأ فيه طير الهدد سلة الهندواني ونا احمد الله بندقي ماوقعت في البيت قديم جدأ حسب علمي لكم كل الشكر

 

 

 

 

[معلومات العضو برق الوسم]

	بيضـ اللهـ وجيهكمـ لا راعيـ الفكرهـ ولا طارحها جميعـ ولكنـ عنديـ رآيـ بسيطـ وانتمـ ابخصـ منيـ بهالأمور (أنا اقول أن منـ القائلـــ ) لا زمـ تكونـ قسمـ مو موضوعـ للأسباب التاليهـ: 1-إنـ الموضوعـ مايخدمـ الفكرهـ الرائعهـ بالشكلـ المرجوا والمطلوب. 2-موضوعـ راحـ يصير فيهـ زحمهـ كبيرهـ ويطولـ الموضوعـ وبيصير مملـ . 3-لابد أنـ يحتوى هذهـ الفكرهـ قسمـ داخلـ قسمـ (الشعر العام). 4- بحيثـ يسهلـ على أي عضوا طرحـ موضوعهـ ويحصلـ الردود منـ أي واحد يعرفـ أي شئ عنـ القصيدهـ . >(((الله لا يهينكم وبيض وجيهكم ويجزاكم عنا ألف خير )) تقبلوا مروري البسيط ((((برق الوسم))))

 

 

 

 

[معلومات العضو عبدالله الحافر الغييثي]

اخوي برق الوسم
سبق وان طرحت الفكره وارسلتها للادارة لاخذ الراي وان شاء الله مايصير الا الخير