معركة الأميلاح

[معلومات العضو عبدالله بن عريمة]

ياحشر تركت المزا وأنـت شايـب =ياملقحن هضبة الاميـلاح بلسـان
ياملقحن عوج الهضاب الصلايـ =بتوالـدت عقبـك بكـار وقـعـدان
نشعى محلك والدبش جـاء نهايـب =من فوق قـب فوقهـا كـل داقـان
زبنـت للعمـاج والعـج سـايـب =ولاعاد همنـك حلايـل وورعـان
حلفـت ماترعونهـا بالغصـايـب =مـادام يركبهـا عيـال وشيـبـان
ربعي مقيدة الجمل فـي الحرايـب =وأيضا إلى ركبوا على الخيل فرسان


كفووو والله بلاد ببن رجب مقيدة الجمل وتثنى لبن وثيلة والله وسبعة انعام

في بن وثيلة معروف وسلاتهم اهل طيب وعلوم غانمة

 

 

 

 

[معلومات العضو الهوازني]

قال الصبي الزايدي من قبيلة= هل سربة ٍ سو البلاء في دلوقها
طوال القنا كم شيخ مجرب= نفسه ليا عرضت علينا نعوقها
فأنا هاضني نونشت مخايله= يمطر ومصبوب الثميدي حقوقها
رعده دوي الخيل والدرج وبله=وتنيغاض مفتوق الهنادي بروقها
على الرقاشيات دندن مخاله= وغبى خشوم زويليان حقوقها
فيضدون بالجمع وانا نضدهم= والاجواد تدي حقها دون نوقها
زودنا بناموس وعز ممكن= وغل ( قحطان) ناشب ٍفي حلوقها
يبغون في هية (الاميلاح) نصره= وهذيك ماتبري مكاوي حروقها
ويبغون في هية ( خديره) تقاضي= وغنتبها ورق الحمايم طروقها
شمالي من الطويعيات قبلي جاحد= وقبلي( خشم ايحامر) في اوسوقها
تلقا سباع البر في دواهل= يجيل حول مايكمل عليها علوقها
ذبحنا ورى العشوى ((ثمانين)) لحيه= ونضرب على حد الجما من علوقها
كن الدمى من بيننا يوم نلتقي = ثج الدلي لا تعرضتها اشقوقها
كم سابق في نحانا مشمر= فيها راعيها تعوض غبوقها
مير يانعم يا (( آل بوسباع)) في اللقا= على تسع أفراس روحت في مروقها
ويا نعم يا ((لاد المنيعي)) في ساعة اللقاء= عند المزيّن يوم دندن حقوقها
ويانعم ((يالباحسن)) في ساحة الوغاء= تشري جديد المدح لا غلا سوقها
ويانعم>>(زايـــد)<< يوم زعزع >>(زايــد)<<= كثرة وهايا القوم في لحوقها
فلاجيت امدح ذا الا ذا معدي=مطارق قنا شبت بعالي عروقها

قصيدة رائعه

 

 

 

 

[معلومات العضو ولد العقيد]

الحديث عن معارك من ذهب من اسلافنا شيق وعسى الله يرحمنا واياهم رحمة واسعة

الحقيقة اني سمعت البعض من شيبانا يتجاذبون اطراف الحديث عن معارك الدواسر و مع

ان كثيراً من الحقائق سلبت من بلادنا لتدفن في ارفف الدولة العثمانية الا ان بعضها بالبحث

والتقصي يمكن ادراكه بإذن الله .

اولا اشكري اخوي العقيد واخوي المسعري على المداخلات المثرية للموضوع

ولعلي ان اوافق اخوي المسعري على تاريخ المعركة واقول ان معركة الرجبان

مع آل عاطف من قحطان او ما يعرف بهية بن جملا وكانت بقيادة محمد (حقطان)

بن عبدالله بن محمد بن موفي بن جماهر بن فالح بن جماهر بن منصور آل وثيله

وقتل فيها قايد قحطان ظافر بن شارع بن جملا ال جابر ال عاطف. هالهية وهالمعركة

وقعت بالتقريب بالاربعينات من القرن الرابع عشر.

اما المعركة التي دار الجدال عنها فهي معركة او هية بالميلاح فكانت بقيادة مصري

بن جماهر بن فالح بن جماهر بن منصور آل وثيله وشارك فيها ناصر بن سعران من

آل ثويمر ومشاركته دليل على ان هالية كانت مثل ماقال اخوي المسعري

انها حدثت بعد منتصف القرن الثالث عشر وكان فيها النهيتي صغير سن ولو كانت

قبل هالوقت ما ورد اسمه من ضمن القوم. وكما ذكر لي ان الي قاد القحاطين هو

شيخهم عمر بن هادي بن بن قرملة وليس ناصر بن عمر لان ولادته كانت بعد عام

1280 هـ. والي يدلل هذا هو ان الشيخ ناصر بن عمر هو الجد المباشر للواء وامير

قحطان سلطان بن خليل بن ناصر بن عمر بن هادي بن قرملة فاستحالة ان يكون

جده ناصر حضر معركة بالميلاح ولكنه حضر عزو آخر مهوب مع الدواسر وانما مع سبيع

وكانت الواقعة بنفس المكان الذي وقعت فيه الغزو بين ابوه عمر و الشيخ مصري بن وثيله

هذا ما احببت ان اشارك فيه واتمنى ان تكون مشاركتي موفقة وبالله التوفيق

 

 

 

 

[معلومات العضو سيف2013]

المشاركة الأصلية كتبت بواسطة زيزوم القوم

انا رجعت لاجل ارد على اخوي مترك المسعري

واقوله مايصلح ان ولد العم يدور على الكتب وارقام الصفحات

ويكذب ابن عمه كلنا بني عم ونعرف فعول بعضنا البعض والكتب عليها علامات استفهام

ومهيب هي اللي تعلمنا تاريخنا وفعولنا والسالفه ذي معروفه جعلك تحيا

ومهوب لازم وغصب تحط القوده فيها النواميس عند الرجبان وال وثيله وعند المساعره وال قويد

وعند الدواسر كلها فانشد الشيبان يعطونك العلم المحايدين منهم مهيب الكتب وانا خوك مابينا كتب

بعدين السالفه معروفه حتى لو صار لبس بالاسامي مهوب تستغل اللبس بالتكذيب جزاك الله خير

هذا ماحبيت اوضحه وارجوا ان يؤخذ كلامي بصدر رحب وقصيدة ابن حصن يوصف عدة معارك مهيب

الاميلاح اللي ذكرت في بيت واحد

عندك قصيدة ابن حصن فيها يوم يقول الاد رجب هم عمود الهيه هذي اللي توخذ مهيب ذيك

والسلام ختام

كلام جميل جداً

 

 

 

 

[معلومات العضو مفرج الرجباني]

الاخ العزيز ولد العقيد
الاحظ من كتاباتك وكتابة ابوك الله يرحمه انك تحاول تجير كل شي للرجبان الى اسرتك وتخلق زعامات وهمية وهذا لايجوز وعيب عليك واسرتك في غنى عن ذلك وبنفس اسلوبك كتب الاخ المسعري ورد عليك وزعم ان اللي ثبت الدواسر ابن قويد؟!!
وكلها ادعاءات ومناكفات لاتثبت امام الحقيقة وكاننا في مزاد للكذب وليس منتدى تاريخي

الدواسر في هذه المعركة كل قبيلة تحت زعامة اميرها و تميزو الرجبان كافة عن بقية الدواسر بتقييد الجمل ليظهروا عزمهم على القتال حتى اخر رمق وقال غيرهم حنا شرادة ورادة يعني نكر ونفر ولم يكن امير الر جبان او الدواسر لا فيها ولا في معركة الرجبان والحمدة ابن وثيلة كما ذكرت ثم ارخيت لما عارضك المسعري وتراجعت

ولو كان كلامك صحيح او كلام الاخ المسعري لذكر ذلك في القصايد التي خلدت المعركة ومنها الابيات التي ذكرت.

تصحيح للبيت اللي ذكرت
شرفت في القمرا وشفت العجايب والزين والله منزل عند صدعان
وليس ام صدعان كماذكرت فصدعان الجبل ليس له ام؟!!!!!!!

وفي البيت اللي يقوله القحطاني بعد المعركة

شلنا عليها كل ماعلقوا طاح ولاشحني كود ظلة رداحي
الشطر الاول غير صحيح وليس له معنى والصحيح
ولاشحني كثر ماجا ولاراح ولاشحني كود ظلة رداحي

وانت تخلط في كثير من القصيد والقصص وهذا يضعف الثقة في رواياتك بشكل عام
و للامانة ابن قرملة ماسمعت انه شارك في المعركة

وللاسف ان بعض الكتاب في المنتدى للاسف ليس همه ايراد قصص الدواسر ومعاركهم اللي تنومس بقدر ماهو نسج بعض الروايات وتمرير بعض الالقاب لاسرته وخلط ذلك كله مع اخبار وقصص صحيحة معروفة عند الناس حتى يلبس على الناس كما يفعل الكهان

 

 

 

 

[معلومات العضو نآصر البدراني]

كٌفــــــو والله ببني عمنا الرِجبان


بيض الله وجهك يا العقيــــــــــــد ..

 

 

 

 

[معلومات العضو ولد العقيد]

المشاركة الأصلية كتبت بواسطة مفرج الرجباني

الاخ العزيز ولد العقيد
الاحظ من كتاباتك وكتابة ابوك الله يرحمه انك تحاول تجير كل شي للرجبان الى اسرتك وتخلق زعامات وهمية وهذا لايجوز وعيب عليك واسرتك في غنى عن ذلك وبنفس اسلوبك كتب الاخ المسعري ورد عليك وزعم ان اللي ثبت الدواسر ابن قويد؟!!
وكلها ادعاءات ومناكفات لاتثبت امام الحقيقة وكاننا في مزاد للكذب وليس منتدى تاريخي

الدواسر في هذه المعركة كل قبيلة تحت زعامة اميرها و تميزو الرجبان كافة عن بقية الدواسر بتقييد الجمل ليظهروا عزمهم على القتال حتى اخر رمق وقال غيرهم حنا شرادة ورادة يعني نكر ونفر ولم يكن امير الر جبان او الدواسر لا فيها ولا في معركة الرجبان والحمدة ابن وثيلة كما ذكرت ثم ارخيت لما عارضك المسعري وتراجعت

ولو كان كلامك صحيح او كلام الاخ المسعري لذكر ذلك في القصايد التي خلدت المعركة ومنها الابيات التي ذكرت.

تصحيح للبيت اللي ذكرت
شرفت في القمرا وشفت العجايب والزين والله منزل عند صدعان
وليس ام صدعان كماذكرت فصدعان الجبل ليس له ام؟!!!!!!!

وفي البيت اللي يقوله القحطاني بعد المعركة

شلنا عليها كل ماعلقوا طاح ولاشحني كود ظلة رداحي
الشطر الاول غير صحيح وليس له معنى والصحيح
ولاشحني كثر ماجا ولاراح ولاشحني كود ظلة رداحي

وانت تخلط في كثير من القصيد والقصص وهذا يضعف الثقة في رواياتك بشكل عام
و للامانة ابن قرملة ماسمعت انه شارك في المعركة

وللاسف ان بعض الكتاب في المنتدى للاسف ليس همه ايراد قصص الدواسر ومعاركهم اللي تنومس بقدر ماهو نسج بعض الروايات وتمرير بعض الالقاب لاسرته وخلط ذلك كله مع اخبار وقصص صحيحة معروفة عند الناس حتى يلبس على الناس كما يفعل الكهان

انا يابن عمي ماذكرت القصة ولا حضرتها وانما نقحت ماجاء فيها وباجتهادي بالتواريخ لانها مذكورة بعدة اماكن ورواها الرواة بدون تدقيق صحيح. فكانك تخالفني بشي معين فهذا من حقك ولكن سندني دليلك او اذكرلي بحثك الشخصي وانا احترمه.
لكن قولتك اننا نورد قصص من نسج الخيال فهذا هرج مردود عليك لين تثبت.