وقعة نقير ... والوثائق البريطانيه

[معلومات العضو ولد عطا]

وهـذا قصيـده لـ محمـد أبـن جرمـان البريكـي في نقيـر

يامخيل يحـن وتمطـر امزونـه =فوق جوبة انقير امطـر هماـليلـه
من ثور عجـاج الكـون بركونـه =المخاطيط والـدم الحمـر سـيلـه
ياسلامي علـى ربع(ن)يصالونـه =ويوم قالوا على الخـوان تسبـيلـه
يحسبن الاخوان المـوت ينسونـه =والمعقل واخذ مـا سرتـه خـيلـه
يوم شاف الدويش الموت بعيونـه =همـل البيـت وسطـه معامـيلـه
همل البيت والصيوان وصحونـه =قال جات قـوم(ن) مابهـا حـيلـه
مانزل اللين حط الضلع من دونـه =بالخليلـيـن ويـمـدد درابـيـلـه
ليت عبدالعزيـز يشـوف بعيونـه =يوم قالوا علـى الخـوان تسبـيلـه
ذبحت الشيـخ باللقـوات مسنونـه =كم عزيز(ن) جعلنـا الله غرابـيلـه
جن حذف الجنايز من هل الخونـه =مثل حذف الخشب في طارف نخـيله
والجنايـز بهـرج الـي يعدونـه =الف وحزام ابن فـوران تكمـيلـه

ملاحظـه القصيـده كتبـت عـن طريـق التلفـون لـ شـريط سعـود الغريـب قصائـد حـروب العـوازم
أن كانـت هنـاك بعـض الاخطـاء أرجـو المعـذره لأن الصـوت غيـر واضـح

 

 

 

 

[معلومات العضو يحيى الودعاني]

بيض الله و جهك أخوي عبدالله الخييلات

و اخوي و الد عطا

على المعلومات التاريخية
لاهنتوا

 

 

 

 

[معلومات العضو مبارك الخييلي]

لاتعليق
تقبل الشكر والتقدير


مبارك الخييلي

 

 

 

 

[معلومات العضو عبدالله أبن مصلح]

المشاركة الأصلية كتبت بواسطة ولد عطا

أخـي عبـداللـه .. من الـذي كـــذب

أرجـو الـرد على السـؤال ..؟

يامرحبا اخوى / ولد عطا


اولا / السموحه على التاخير لعدم اطلاعى على سؤالك الا الان .

ثانيا / ما فهمت من تقصد بمن كـــذب ؟

ثالثا / قبيلة العوازم فعولهم طلق وجيههم ونعم وكفوا بعيال عطا
من غير قصور بمطير وباقى القبايل

رابعا/ يجب ان تكون واثقا اننا لم ولن نكون مع طرف ضد الاخر .

خامسا/ وهو مانبحث عنه هو مداخلاتكم انتم الاعضاء لكى نحصل على المعلومات التى لم يتطرق لها المؤرخون للمعركه .

وفى الاخير اقول يامرحبا بالجميع وشرفتواالمنتدى بمشاركاتكم,القيمه والتاريخيه لمعركة نقير .


اتمنى ان اكون قد اوصلت لكم الهدف من طرح موضوع وقعة نقير ... والوثائق البريطانيه

 

 

 

 

[معلومات العضو ولد عطا]

السـلام عليـكم ورحمـة اللـه وبركـاته

مبـروك عليـكم ماتبقـى من الشهـر

أخـي عبداللـه ماعليـك زود يـ بعـدي

بـس الي أبيـه منـك أفتـك من أمـور التاريـخ .؟

التاريـخ خطيـر ومايتـكلم فيـه الا الفاهـم والي كلامـه مضمـون 100%

وأنا واحـد دشيـت المنتـدى يـوم قريـت الموضـوع .؟

وأنـت جبـت لـي وثيقـه وحـده ألا وهـي البريطانـيه .؟

وكمـى قلـت وذكـرت لك أن البريطاني ديكسـون كـان ضيـف المطـران أن ذاك

يعنـي ماهـو مسـلم على شـان يشهـد شهـادة حـق

وأنا جبـت لك جريـدة أمى القـرى بيـوم الحـرب

وجبـت لك وثائـق من كـل بـلد عربـي وذكـرت لك

وأنا الي أبيـه منـك أنك تتـرك هـ الامـور وتجنـب وأنا أخـوك النقـل من المنتديـات وكتبهـا فـي منتـداك

لأن البريطـاني ماهـو صـادق وحنـى تكفينـا شهـادة الشيـخ عبـداللـه الجابـر والشاعـر صالـح الغضـوري العنـزي الـذي كـان حاظـر أن ذاك . وأعـلم يأخـي هـ الكـلام مانسجتـه من مزاجـي ولا هـو علـم من علـوم الكاذبيـنا

وختامهـا

اللـه يعطيـك العافيه على هـ الترحيـب الجميـل

ولاهـي غريبـه عليـكم يـ خطـلان الايـدي

أحتـرامي وتقديـري

ولـد عطـا

 

 

 

 

[معلومات العضو عبدالله أبن مصلح]

وأنا الي أبيـه منـك أنك تتـرك هـ الامـور وتجنـب وأنا أخـوك النقـل من المنتديـات وكتبهـا فـي منتـداك


ولد عطا

التاريخ هوايه

واذا انت واثق لاتقولى اترك التاريخ العلوم وخابرينها

لكن وش سالفة مطير معكم فى ( الجخجوخ )

ياليت تعطينا سالفتها لاهنت

 

 

 

 

[معلومات العضو ولد عطا]

وش أنـت الي خابـره يـ عبـداللـه اللـه يهـداك

ناسخلـي الوثائـق البريطـانيـه من منتـدى مطيـر وتقـول الفعـول وخابرينهـا

الجخجوخ . ماذكـر فـي معـركه بيـن المطـران والعـوازم أسمهـا الجخجـوخ .؟

إذا كـان التاريـخ هـوايـه فأقـراه مـو تكتـب كـلام مانسجتـه من مزاجـك يـ الغالـي

وعلى العمـوم الي تامرنـي فيـه أبشـربـه وش تبـي تعـرف يـ الغالـي.؟

أحتـرامي وتقديـري

ولد عطـا

 

 

 

 

[معلومات العضو عبدالله أبن مصلح]

ولد عطا لاتجى كلك

وجزاك الله خير على الدعوه الطيبه

ياخى انت تفسر كلامى على مزاجك

طلبت منك سالفة الجخجوخ ان كانك خابرها

عطناها وان كانك ماتعرفها قل ماعرفها

والله يحييك يالعازمى

 

 

 

 

[معلومات العضو الصخيبري الدوسري]

الله يجزاك خير

 

 

 

 

[معلومات العضو عبدالله أبن مصلح]

شكرا على الدعاء اخى الصخيبرى

 

 

 

 

[معلومات العضو ولد عطا]

الســـلام عليـــكم ورحــمــة اللـــه وبركــــاته


أخــي عبداللـه تحيـه طيبـه ..

عطناها وان كانك ماتعرفها قل ماعرفها

يأبن الحــلال أنا قلـت لك .. مافـي . معركـه بأسـم الجخجوخ

والي أعرفـه أنا .. وحسـب خبرتـي فـي معـارك قبيلتـي أنه مافـي معركـه بـ هالاسـم

أنا مافسـرت كلامـك . يأبن الحــلال . أنا قلـت لك مافـي ..

أنـت مأنـت أدرى منـي بـ معـارك قبيلتـي

ولـو هـي موجـوده ماراح أنكرهـــا بـ قـول فـي

أحتـرامي وتقديـــري

ولـد عطـا

 

 

 

 

[معلومات العضو الامع]

هههههههههههههه

للحين ولد عطاء ماطاب خاطرة من نقير ونقيرة

يالربع خلاص الجدعي ماعنده سالفة وديكسون برضة ماعنده سالفة

والصحيح هي قصايد العوازم اللي ولفوها جديدة مع الكبسة وبعد اطمعوا بالامن والامان

الله يرحم زمان اول يومن كل عارف قدرة ومقدارة وماحد يحب الهياط .


ابي اسلك يالعازمي الا قبل النقيرة وين كانت افعولكم والا عشانكم مستنجدين بابن سعود بتبنون تاريخ وهمي .

القبائل ثلاث قبائل


قبايل قوية <<<<<< وهي معروفة
قبائل متوسطة <<<<<<< وهي معروفة
قبائل ضعيفة <<<<<<<<< وهي معروفة

فيالعازمي قبيلتك من اي القبائل (3)

 

 

 

 

[معلومات العضو الامع]

واذا انت واثق لاتقولى اترك التاريخ العلوم وخابرينها

لكن وش سالفة مطير معكم فى ( الجخجوخ )

ياليت تعطينا سالفتها لاهنت

عبد الله الخييلات

هي ليست الجخجوخ ولكن الاسم الحقيقي هي معركة الجبجوب

وهذه المكان اللذي وقعت عنده المعركة ثار هابس واللتي كان المقوم لها هو الشيخ والفارس هايف الفغم حيث تمت ملاحقة العوازم وهم هاربين وتم اللحاق بهم عند مكان يسمى الجبجوب وحصلت هناك مجزرة عظيمة قتل فيها رجال كثر من العوازم وبعد ان ايقن العوازم بالهلاك لجؤء الى حيلة وهي انهم قامو بلبس عباءات نسائية حتى لايتم التعرف عليهم .
وهذه السالفة معروفة ومشهورة حتى الصدوقين من العوازم فهم لاينكرونها بل ان من ينكرها جيل الانترت .

وهذا بيت شاهد ولم احفظ الا هذا الشطر

تلبس ملابيس النساء وسط العشاش

 

 

 

 

[معلومات العضو النوماس]

السلام عليكم ورحمة الله وبركاته

وكل عام والقائمين على هذا الصرح بخير

أخي الامع لايجوز الاستهزاء
وأنت فى منتدى الرجال المشاكيل والذين سطروا مفاخرهم بالتاريخ سواء فى الماضي أو الحاضر 00 وهذه شهادة من درس التاريخ وعرف موقهم بين القبائل0
وأما بعد:
يالامع
وان كان سؤالك مردود عليه فى المصادر الدامغة التى لا تحتاج منك ومن الجدعي وديكسون شهادة عبور لنتوكأ عليها 0
مصادر عديمة فائدة أمام المؤرحين الذى سخروا أقلامهم الى قول الحق والنزاهه فيما ينقلونه للأجيال القادمة الذين نحن من بينهم 00 وان كان ماتنقله لا يوجد غير فى مخيلتك
والتى جعلتك تأتي من الآخر 00وهذا رصيد المفلس فى علوم التاريخ 0
واعلم علم القين بأنني فى هذا المنتدى ألتزم مبادىء الأدب والاحترام للقائمين على هذا الصرح الشامخ 0

( اقتباس من ردك )

القبائل ثلاث قبائل


قبايل قوية <<<<<< وهي معروفة
قبائل متوسطة <<<<<<< وهي معروفة
قبائل ضعيفة <<<<<<<<< وهي معروفة

فيالعازمي قبيلتك من اي القبائل (3)

فى اعتقادي بأنك تعرفني معرفة ٍ جيدة 00
فنصيحتي لك أن تترك اللكاعة واسرد ماعندك بالتاريخ الموثق والأدلة بدون تردد 00
بدلا من التهرب من اثبات ماتقول فى كلام غير لائق 00
وأن تتحمل المسؤولية أمام الجميع 00 علما بأننا لم نقدح فى قبيلتك ولم ننقصها حقها 0

فأما الاجابه على سؤالك :
فيالعازمي قبيلتك من أى القبائل (3)
فهي من القبائل التى جعلتك لا تقوم لك قائمة الى يومنا هذا 0
وعليك متابعة من سلم نفسه الى المندوب البريطاني فى البصرة والنهاية المؤلمة 0
بعد معركة انقير 0
وهي من جعلتك صيدا سهلا بعد نقير لغير العوازم 00

وأوجه لك السؤال الذى لم تسأله لنفسك 0
كيف كنت قبل نقير وكيف أصبحت بعدها ؟ وهل عادت لك قوتك كما تدعي بعد نقير ؟
فالعوازم هي الصخرة التى تحطمت عليها آمالكم 0


وآخر دعوانا فالحمد لله على نعمة الأمن والأمان فى ظل حكامنا


النوماس
متمنيا من الله حسن الخاتمة لنا ولكم وللمسلمين
وكل عام والقائمين على هذا الصرح بخير وعافية

 

 

 

 

[معلومات العضو الامع]

فهي من القبائل التى جعلتك لا تقوم لك قائمة الى يومنا هذا 0
وعليك متابعة من سلم نفسه الى المندوب البريطاني فى البصرة والنهاية المؤلمة 0
بعد معركة انقير 0
وهي من جعلتك صيدا سهلا بعد نقير لغير العوازم 00

من سلم نفسة اللي انت تقصده هازمينة العوازم اول مرة ادري والا بن سعود واغلب قبائل الجزيرة يافاهم بالتاريخ
لاتروح تتفلسف وتلفق شي كل الناس عارفينة هذه محسوبة عليك

وعلى ذكر لم تقوم لها قائمة ياليتك قلت الصحيح ولو بعض الصحيح

من هو اللي طردكم للكويت وصارت خيرة لكم

اعتقد ان الطارد منتصر والمطرود منهزم وبعدين لاتجيب شي من خيالك

كيييييييييييف الحال