(( نخبه من محاورات شعـراء الموقع )) من غير ردود

[معلومات العضو غازي المسعري]

يامرحبا بك يالعصيمـي فـي محـلات الرجـال=في حله اهل الجود يوم الضيـف مايلقـاء عشـاه
للضيف عند الدوسري حشمه وقدر وطيـب فـال=مجداً بنوه اجدودنـا واللـي زرع زرعـه جنـاه
دام البقاء ياأهل الوفاء والجود من مـاض الليـال=اقولهـا واطولـهـا والـلـي ورى قلـبـي وراه
المسعري لوشـب نـاره فالطويـل مـن الجبـال=يمكن يقول الموت ياحمـدان أخيـر مـن الحيـاه
النـار لـو شبـت نعمرهـا كـلام بـلا جـدال=الله يبـارك للعـرب ياشيـخ ف.بشـوت الغنـاه
ان كنت قاري للحديـث يـزول عنـك الاحتمـال=اعرف حديث المصطفى واعرف بعد منهـو رواه
أنتـه موكّـل فيـه مهمـه والمهـمـه لاتــزال=حدّد مسار البوصلـه واتعـب علـى كـل اتجـاه
وان كان تبغى الصدق لاتاطى على الجرف الهيال=كم واحـدٍ زلّـت بـه أقدامـه وضيّـع مستـواه
السلعه اللي ما اشتراهـا تاجـر السـوق ابريـال=انا اشهد انها فالبـلاد مـن الخليـج اليـا السـراه
والمشكلـه محـداً يناضـر للحـرام وللـحـلال=الموجـز خبـر نشـره وتفصيلـه نهايـه منتهـاه
مافيـه تاجـر يشتـري ويبيـع مالـه راس مـال=أحدٍ عطاه الله واحد مـن قشـر حضـه ماعطـاه
أقلط مقاليط الوفا واصبـر مثـل صبـر الجمـال=بعض القضايا حلها يصعـب علـى كـل القضـاه
احدن وقف دون الهدف واحدن رقاء رؤوس الجبال=واحدن نزل في جم بئرواحد من تحـت الحصـاه
خبـر عتيبـه يالعصيمـي لايمـسـون الحـبـال=يازين وسع بطانهـا لوكـان تمشـي فـي حفـاه
مافيه شـك الفـرق واضـح فالعمامـه والعقـال=مار الزمـان يديرهـا ويحطهـا تحـت الرحـاه
ربعـي عتيبـه كـان ماتـدري مواقفهـم ثـقـال=رجالهـم يمشـي علـى البيـداء بعـز ولاعـلاه
والله وسبـع انعـام فعتيبـه كريميـن الخـصـال=لاكـن لاتسـري بليـل ماحـدن غيـرك سـراه
ان كان حمدان العصيمي مارقـاء رؤس الطـوال=ينزل عن المشراف غيره مـن سنيـن قـد رقـاه
بالله كم كيلو متـر بيـن أهـل صنعـا والشمـال=عطني نتيجه وافيه والرجـل يعـرف مـن وفـاه
بعض السوالف تخلف الانظـار وتثيـر السـوال=لكـن يالرامـي توقـع مـن نواجيـل الـرمـاه
اركب على التكسي وكيلهـا هـذا ماهـو محـال=وامسك طريق اهل اليمن واحذر من الدرب وبـلاه
بعض السوالف مثل حد السيف فـي يـوم القتـال=والرامي الماهر يحـول فـوق جمهاتـه حصـاه

 

 

 

 

[معلومات العضو بن واصل البدراني]

ياولد مسعر الله يعطيك العافية على الطرح الجميل اللي يعز الدواسر كافه يجعل ربي ان قلمك ماينكسر

ابن واصل البدراني الدوسري

 

 

 

 

[معلومات العضو أبـ ريماس ـو]

الف شكر على الموضوع الجميل يعطيك العافيه على الفكره اخوي غازي

 

 

 

 

[معلومات العضو أبـ ريماس ـو]

سلامي سلام العرف ينصا هل الطيب=وواجب على المسلم يبـدي سلامـه
ياشافي تقدم جاك عطب المضاريـب=وطعني تعذر كـان تبغـى السلامـه

هلا مرحبا ترحيبتن في المواجيـب=عدد مايلوح البرق وسـط الغمامـه
ليا من دعيت الذيب فاحذر من الذيب=ترا من قرب للذيب يصبح طعامـه

اشوفك تفتل في غيابـي لشانيـب=وهاذي تراها من مواري الراخامه
ترى الذيب ماله غيرشلفا تراحيب=ولكن عساها ماتكسـر عضامـه

انا ماحتريتك ساعة اتحضر وتغيب=نعامه ولادري كيف حال النعامـه
تراحيب ماتنقل سيوفـه متاريـب=ولا للزعامه كون راعي زعامـه

ابعطيك درس لك ومعك الاصاحيب=على شان تقضي العمر بالاستقامه
ترى مالكم غير السيوف المحاديب=ومثلك ترى بيدي ماسـك خزامـه

تقولـه وحنـا ماورانـا مطاليـب=ودرس الادب حنا دكاتـر نظامـه
ياراقي على روس الحزوم الشناخيب=خساره على راسك جديـد العمامـه

عرفناك يارع الرصاص المكاذيـب=على وجهك من الخوف بانت علامه
انا عارف انك ضاريً بالمشاعيـب=ولاهومناسب معـك غيـر اللثامـه

 

 

 

 

[معلومات العضو أبـ ريماس ـو]

سلام رده وافيه لاشافهـا راع الركـوب=يلحق سناها والعلوم الطيبـات امعطـره
الليله الليله نبا نسري على بعض الدروب=وابو محمد خابرين القوم بطنه وظهـره

يامرحبا يالي تسلم في شمال وفي جنوب=اعداد ماهلت مزون من سماها ممطـره
الليله الليله يبين العلم والوقت امحسوب=يالله عساك امعا يمين الدرب منته بيسره

دام البقى والمعرفه بين الاوادم والشعوب=في دفتر التاريخ قدها سطرت بالمسطره
حنا سمعنا علم لو انه تقفَـاه الهبـوب=قالو جنوب الدار تصرف للأوآدم تذكـره

اخترت درب المعرفه واجنبت عن درب الرسوب=الله يعـز الشجـره اللـي للنشـامـا مثـمـره
حناحجزنا لك مكان فـي السفينـه وانـت دوب=مـدري تهـدم الجـدر يارجـال ولا تعمره

الفنجال قد شربنها ولا هي وسط كوب=لاتحسبني من رياجيل ن تحب المسخـره
الله يبارك فيك ياراع اللكاعـه والسلـوب=لاقام ابن مرضي عسى الله ياعميلي ينصره

انته كفو من يوم عمرت البنايه طوب طوب=معي وانا اللي كل شاعر لاوقفت اسمكـره
اثرك فارس تنطح الفريس ماتهاب الحروب=منته كما اللي خاف من ضله ويجفل من ثره

ولاعليكم زود ياهل الطيب بيضان القلوب=ياسابحن سبعت بحور وممتلكلك جوهـره
السيف عانه قي يديني يرهب اللي مايهوب=اما يوقع وسط جنب الرجـل ولا بنحـره

ترى الوفاء لهل الوفاء فالشرق ولا فالغروب=الله يبارك فالرجال اهل الوجيـه المسفـره
السيف خله في رجال ماتجوز من الذنـوب=اللي تكابـر والمكابـر ياصحيبـي مقبـره

 

 

 

 

[معلومات العضو نجــــــــــديه]

فكره رائعه ياغازي بيض الله وجهك
ونشكر شافي لاضافته بعض المحاورات للموضوع
وللاخ بدر لاهنتو جميعاً
ارق التحايا

 

 

 

 

[معلومات العضو أبـ ريماس ـو]

عند ربعي محزمي يا سلام الله سلامـا=للحضور من الرجال المناعير النشامـا
مير يا شافي تقدم لا يطريـك المنامـا=ولعووووووها نار والنار من شبابهـا
يالمنيعي لا دعيتك تدووك العلـم دووك=اقرب هنيـا ودوك السوالـف دووكهـا
قيل بالمولوود يا ابن النشاما بشروووك=مير شكله يجلب المشكلـه وشكوكهـا

عند ربعي يا هلا مرحبابك يا المسلـم=يا صغيرن صار في بدعت المعنى معلم
مير لا حضر المنيعي فريـح لا تكلـم=ولــــعــــوهــــا نار والنار من شبابهـا
احترمني مثل ما تحترم جدك وابوك=لجل اعلمك الدراهم وصرف ابنوكها
كان ربعك يا غليم علينـا وهقـوك=ضاحك العربان بكره يجي مضحوكها

البقاء ياللي ترحب .. وزعلانن علااامك؟؟=الصغير اليا لقيتها تراعـد بـك عظامـك
وكان دووورت المقاشر فانا والله خزاااامك=ولعوووووووها نار والنار مـن شبابهـا
كان هرجك صح ما اظن باقي به بنوووك="البنوك افلاسهـا ظاهـرن فـصكوكهـا"
الشياطين اللعينه على الزلـه حـدوووك=لين حدّان الرفاقه دعستـووو شوووكهـا

لا نت خصم الي ولا انتب على الشده حزامي=الصقور صقور ماهي تساعدهـا الحمامـي
مير خلك فـي ذرانـا وحنـا لـك عمامـي=ولـــعـــوووووووووهــــا ......
ما نذمـك يـا مجـرب و ربعـك جربـوك=و الاوآدم نعـرف اطبوعـهـا و اتلوكـهـا
الجماعـه طبلـوا وارفـعـوك ونـزلـوك=و الظفيـره مالهـا الا كـبـار سلوكـهـا

 

 

 

 

[معلومات العضو شافي القويسي المخاريم]

المعانى بابها مفتوح والدعوه وناسه=ياسلام الله برده وافــــــــــــــــــــــــــيه والعلم وافي
الملاعب مدرسه والعلم ياتى بالدراسه=لو تشب النار فالميــــــــــــــــــــــدان نادينا المطافي

آتقدم والسلام يـرد لـك والطيـب راسـه=لك يابو نايف على روس الخلايق لك يشافي
الملاعب مدرسه والشخص يلزمه الفراسـه=والليالي حاميه ينجح بهـا كـل احترافـي

مرحبابك ياعميل الخير وعلوم السياسه=ماتبي غير السياسي اللى سعا فيها وطـــــــــــــــافي
اخر الايام يامطلق غدا فيها دساسه=بعض خلق ياكافي لا يهاب ولا يخـــــــــــــــــــــــافي

السياسه ياولد عمي بحر عسرٍ مقاسـه=مافهما كود سباحٍ على الميقاف نافـي
لايهمك من دخلها جاه فالوضع انتكاسه=دام مايفهم يطيح بوجه صفقات السوافي

الديار محصنه واللى يحبون العساسه=عقب اللى فالملاعب يتبع لحون وقــــــــــــــــــــــوافي
الصداقه مسلمه ولا العداوه فالشراسه=قلتها والله وحده عرافٍ كل الخــــــــــــــــــــــــــــوافي

الديار محصّنه والحبل وان زاد امتساسه=بان كلن عن يمينه عقب ماكانت عوافي
والصداقه مثل ما قالو بها لون وغلاسه=بس عط كلن على عرفه وفره بلتفافـي

المثل عود على الحطاب يوم يشب فاسه=والنهر ماسار فى مجراه يا لولا الضفـــــــــــــــــــــــــافي
المراجل مواقف الرجال واسلوبه حساسه=مايشب النـــــــــــــــــــــــــــــار يامطلق ابو مرقاد دافي

من وقف في موقفٍ يعطيه بالفكـر التباسـه=قام يرثع وانتحا والرجل مجروحه وحافـي
والمراجل مثل رجمٍ عالـيٍ عسـر مناسـه=ياصله واف الخصال اللي على الهقوات يافي

 

 

 

 

[معلومات العضو بدر ابن نايف]

السلام عليكم

بيض الله وجهك على الفكره اللى اكثر من رائعه

اشكرك واشكر الاخوان اللى شاركو فى اتحفونا فى المحاورات الجميله

جعلكم على القوه

تقبلو تحياتى وتقديرى

 

 

 

 

[معلومات العضو المسعري]

آآآآه ياغازي حركت الاشجان وذكرتنا بجولات رائعة وممتعة مع شعار كبار

الله يرحم دغش البطي رحمة واسعة ويعيد الكثير من الشعراء الكبار المنقطعين لهذا القسم اللي كان شعلة من الابداع

 

 

 

 

[معلومات العضو ابومبخوت الدوسري]

بيض الله وجهك ياغازي على نقل المحاورات

وكل المشاركيين معك في النقل بيض الله وجيهكم ولاهنتم

 

 

 

 

[معلومات العضو قلب القلطه]

قلب القلطه

يارجال الدواسر جاكم مني سلام..كلمه من لساني ترا ببديبها
اهل العزه والشهامه واهل المقام..اللي عقد روس الحبال يحلها


قالو ابوتمام الدوسري عنده كلام..قالو اما يبيعها ولا يشريبها
عسا يجي رده قبل الزحام..اللي عقد روس الحبال يحلها





الشاعر \حماد الدوسري

مرحبايا لمسلم عد وبل الغمام @@ عندربعآ سلوم الطيب تحربها

مرحبا عد ماغنت طيورالحمام@@ واللي عقدروس الحبل يحلها

خوذ ردالقصيده في نهارصيام @@وشياطين مربوطه وتدريبها

ويش حدك على المعنأبشهرالحرام@@واللي عقد روس الحبل يحلها


قلب القلطه

البقا بك ياحماد يالصحيب الهمام====ردودك ترا جيده ياطيبها
بعد مارديت انت تشد الحزام=====اللي عقد روس الحبال يحلها


الليل نسري علي النور دون الظلام====حدتني الليالي وكلن ضاريبها
جرب معي عسا تكسب الوسام====اللي عقد روس الحبال يحلها



الشاعر \حماد الدوسري

من تولع بروس العاليه مايللام@@ والمراسيل قدتتعب منا ديبها

أبدع الشعر صاحي وكتبه فلمنام@@واللي عقدروس الحبال يحلها


لاتقو ل ا لهؤ خل الهؤ و غرام @@ الهؤ سنتن ياخوك ما نيبها

أطلب الواحد المعبود رب ألانام@@ واللي عقدروس الحبال يحلها





قلب القلطه

ياصحيبي ترا انت من ناس كرام====بيوت الشعر ساعه تغني يبها
تحزمت يالشايب ترا ضد الغلام=====اللي عقد روس الحبال يحلها

الهو والغرام الليل مثل السهام====وكم رجال شروا قبلك نصيبها
طالب المعبودانا ربطك بالخطام=====اللي عقد روس الحبال يحلها





الشاعر\ حماد الدوسر


ياعيونآ على العشاق ترسل سهام@@والله أني من أول كنت مانيبها

بس مره القيته عندباب سلام @@ واللي عقدروس الحبال يحلها


الرفع القاف عندك ناس تهؤ نظام @@ون تنزل بيوت القا ف مانيبها

ياخميس الغيثي أنت اليه حزام @@ واللي عقدروس الحبال يحلها





قلب القلطه

ماني بناضرك انا لو بعد عام=====رجليك ياشايب يالله تمشيبها
مني بعشاق البدو سكان الخيام====اللي عقد روس الحبال يحلها


حديتني يا صاحبي لرفع الحسام====اسيوفنا ياكم دكاتره توصيبها
ان كنت شاعر بعطيك بعض القلام=====اللي عقد روس الحبال يحلها








الشاعر\حماد الدوسري


قلب الاوشفت من شفناه عندالمنام @@ كن غترتك عند الربع ترميبها

قلب عندك من الشعار ذروت سنام @@ واللي عقدروس الحبال يحلها



قلب قلطه وقلبي الشعر مستهام @@ يوم ذكرتني من كنت هذر يبها

عاشقه من عشقها ذاك ماهو يلام @@ واللي عقد روس الحبال حلها





قلب القلطه


لو شفت اللي عندنا توقف قيام====ترا كلمتك عارف (ن) وش تعني يبها
عسا تتحلم بنا عشر عوام======اللي عقد روس الحبال يحلها




قلب القلطه ياحماد رجل همام=====يسرع سرعته ثما يهدي يبها
يالله نطلبك حنا حسن الختام====اللي عقد روس الحبال يحلها

 

 

 

 

[معلومات العضو ناصر بن فهد]

.
.
•
وااصل وااصل

بيض الله وجهك على المجهود الراائع ..
والشكر موصول لك ..
وتقبل مورورٍيٌ