قصة وقصيدة أم سبّاع بنت الأمير ابن غافل من زعب

[معلومات العضو خيل البويضا]

الله لايهينك يا ابو مبخوت ونعم بزعب وبربعنا المساعرة

والقصيدة عز الله انها كاااااااااايفة وجزلة

لاكن اسمحلي اصحح القصيدة لأن فيها بعض الأخطاء

تهيضْـت ياسبّـاع لـدارٍ ذكرتهـا
ولاعاد منهـا إلا مـواري حيودهـا
سبّـاع أمّـك تبكـي بعيـنٍ حفيـه
ودموعها تحفـي مـذاري خدودهـا
ولكن وقود النار باقصـى ضميـري
هاضَ الغرام و بيّـحَ الله سدُودهـا
ولكـن حجـر العيـن فيهـا مليلـة
ولكن ينهش موقهـا مـن برودهـا
دمـعٍ يشـادي قربـةٍ شُوشلـيّـة
بعيـدٍ معشّاهـا زعُـوجٍ قعـودهـا
زِعبيّـةٍ يـاعـمّ مـانـي هَمـيـه
وماني من اللـيّ هافيـاتٍ جدودهـا
أنامن زِعب وزعب إيـلاَ أوْجَهـوا
على الخيل عجْلاتٍ سريعٍ ردودهـا
أهل سربةٍ لادْبرَت لكِنّهـا مهجّـره
وِنْ أقبلت كنَّ الجـوازي وُرودهـا
لطـاح طايحهـم شـوي ترايعـوا
تقـول فهـودٍ مخطيـاتٍ صيودْهـا
لصاح صيـاحٍ بالسّبيـب اِفزَعـوا
لهعزيِّ لغمـرٍ ثبَّـرت بـهْ بلودهـا
لحقوا على مثـل القطـا يـوم ورد
متغانـمٍ عيـنٍ قــراحٍ يـرودهـا
خيـلٍ تغـذّى للبـلا و المـعـارك
ترهِب صناديد العِدا فـي طرودهـا
لا تلقحونَ الخيل يا زعـب ياهلـي
ترى لقاحَ الخيـل يـردي جهودهـا
إن جَن سماحَ الخدّ مايلحقـن بكـم
ون جن مع السّنْداء لـزومٍ يكودهـا
جينـا الشّريـف بديرتِـه وإلتقانـا
كـلّ القبايـل جامعيـن جنـودهـا
طَلَبْ علينا الخُورهجمـت قصيرنـا
مصمـل يبغـي حنازيـب سودهـا
يَامَـا عطينـا دونهـا مـن سبيّـه
تسعين صفـرا حسبهـا ومعدودهـا
تمامهن شعيطـان خيالـة مهـوّس
أصايـل صنـع النّصـارى قيودهـا
يقطـع قبيلـةٍ ضفهـا مـايـذرّى
تشدي جمالٍ عظهـا فـي بدودهـا
قصيرنا فـي راس عيطـاً طويلـة
يحجى ذراها من عواصيف نودهـا
عيّـوا عليهـا لابِتـي واحتمُوهـا
بمصقّـلات مِرهِـفـاتٍ حـدودهـا
حَرَبنـا والبنـت نشـوٍ بهاامـهـا
لين استتمت وستوى زين عودهـا
تسعيـن ليلـة والعرابـا معقّـلـة
بشمخ الذراء محجـزاتٍ عضودهـا
شقح البكار اللـيّ زهـن الجنايـب
قامت تضالِع مـن مثانـي زنودهـا
خيلٍ تناحي خيـل وتضـرب بالقنـا
مثل التهامي يـوم أحلـى جرودهـا
بنات عمـيّ كلّهـن شقّـن الخبـا
بيضِ الترايـب ناقضـات جعودهـا
علـى الحنايـا نقضـن الجـدايـل
سمرِ الذوايـب كاسيـات نهودهـا
وجيههـن مثـل مزنـةٍ عقربـيّـة
هلت مطرها يـوم حنـت رعودهـا
كلن نهارَ الهـوش تنخَـى رجالهـا
ستر العـذارى بالملاقـى اسودهـا
لباسـةٍ للـدّرْع والطـاّس باللقـاء
على سروج الخيل عجـل ورودهـا
مِـن صنـع داود عليهـم مشالـح
تجيبه رجالٍ مِـن غنايـم فهودهـا
يا ماطعنـوا فـي حربـةٍ عولقيّـة
شلف تلظى يَشـرَب الـدّم عودهـا
الليّ ايتموا في يوم تسعيـن مُهـرة
مامنهن اللـيّ ماتـلاوي عمودهـا
تسعين مع تسعين والفيـن فـارس
تحت صليب الخدّ تطـوى لحودهـا
تسعين بين بني عمي وابوي وخوتي
وتسعين عنانٍ واللواحـي شهودهـا
قبيلـةٍ كـم أذهبـت مِـن قبيلـةاذا
عـدّت الجـودات ينعـدّ جُـودهـا
زِعب أهلَ المـدح والمجـد والثنـا
من الربع الخالي الى الحجاز حدودها
إن أجْنبـوا للصّيـد منهـم تحـوّز
الربد والوضيحي والجوازي عنودها
وِن أشملـوا تهـجّ مِنهـم قبـايـل
ودارٍ يجونهـا ضدهـم مايـرودهـا
إذا انتـوو فـي ديـرة ياصلونهـا
تِقافـت الظّعـان عجـلٍ شدودهـا
واركابهـم يـمّ العِـدى مِتعبينـهـا
بيضَ المحاقـب مقتـرات لهودهـا
يَامَاخذوا من ضدّهـم مِـن غنيمـة
من ذاق منهـم ضربـة مايعودهـا
نمـرٍ تشـادي للجـراد التهـامـي
ماطاعوا الحكام مـن عظـم كودهـا
أشـوف بالحـره ضعـون تقللّـت
ابـوي حمّـاي السرايـا يقـودهـا
شفي معه صفرا تباريه عندلمرٍّ يباريهـا و مـرٍّ يقودهـا
أنا فتاة الحـي بنـت بـن غافلكـم
مِـن فتـاةٍ غـرّ فيهـا قعـودهـا
شرشوح ذودٍ ضـاربٍ لـه خَريمـة
ما ودّك يشوفـه بعينـه حسُودهـا
حوّلت من نظوى ورقيـت سرحـه
حطّيت لي عـش باعلـى فنودهـا
جاني ركيبٍ ونوّخـوا فـي ذراهـا
وشافني عِقيدَ القوم زيـزوم قودهـا
قال حولي يابنـت وانـتِ بوجهـي
ولا جيته إلاّ واثقـة مـن عهُودهـا
أمـرٍ كِتبـه الله وصـار وتـكـوّن
وسبّب علينا من الأَعـادي قرودهـا
بحـرب شِديـدٍ ماتمـنّـاه عـاقـل
يعده اللـي صاغـر فـي مهودهـا
ذكرت يوم فايـتٍ قِـد مضـى لهـم
ويومٍ علينـا مـن ليالـي سعودهـا
ضوٍّ زمت للمال من عقـب سريـة
ضوٍّ زمّت عودان الارطىَ وقودهـا
لكن قرون الصّيد من خلـف بيتنـا
هشيم الغضا يدني لحامـي وقودهـا
تسعين عـدد صيدنـا فـي عشيّـة
وضيحيّـة نجعـل دلانـا جلودهـا
قنّاصنا يروح شريقٍ وينثنيويجي بالجوازي دامياتٍ خدودها
وروّاينـا يـروى بيومـه وينثنـي
ويجي بالجلادى لاحقـاتٍ حدودهـا
وغزّاينـا يـروح بيومـه وينثنـي
ويجيب العرابـا ضايمتهـا ديودهـا
لنـا بيـن حَبْـر والغرابـة منـزلٍ
نهـد فـي زيـن العرابـا قعودهـا
حنّـا نزلنـا الحـزم تسعيـن ليلـة
وغلّ الأعادي لاجـيٍ فـي كبودهـا
ِقليبنـا غـزيـرةَ الـجـمّ عيـلـم
ما ينشدون صدورها مـن ورودهـا
طوله ثمانٍ مـع ثمـانٍ مـع أربـع
قبلي واسط فـي مـلاوي نفودهـا
وهي بحـد ّ الحـاذ مـن الغضـى
مادارهـا الـزرّاع يبـذر مدودهـا
ألفيـن بيـتٍ نازلـيـن جبـاهـا
والفيـن بيـتٍ بالمظامـي ترودهـا
تخالِفوا فـي يـوم تسعيـن لحيـه
علشان وقف الأجنبي فـي نفودهـا
دارٍ لِـنـا ماهـيـب دارٍ لغيـرنـا
تحدّهـا الرّملـه لمـوارد عدودهـا

 

 

 

 

[معلومات العضو ابومبخوت الدوسري]

خيل البويضاء تمون يا الغالي وأشكر مرورك الكريم ولاهنت لك أجمل التحااااااياااااااااا