شاعر رنيه يفحم الشاعر الكبير محسن الهزاني بقصيدة على وزن (رنيه)

[معلومات العضو بدران البدراني]

بيض الله وجهك ياأبو مبارك علومك دايمن غانمه ,مواضيعك متميزة

مانقول الاماشاء الله عليك,,

 

 

 

 

[معلومات العضو صالح الجعيدي]

صح لسانك أخوي/هايف العماني ،،،
ولاهنت يالغالي ،،، ،،، ،،،
مع خالص التحية والتقدير.

 

 

 

 

[معلومات العضو عبدالرحمن الشرافي]

بيض الله وجهك يابومبارك على الموضوع الاكثر من رائع


وصح لسان العبد



تحياتي

 

 

 

 

[معلومات العضو العماني]

مرحبا بكم اخواني ولاهنتوا على الردود الطيبه

تقبلوا تحياتي،،

 

 

 

 

[معلومات العضو ابو زابن المسعري]

رحم الله الشعار

وعزالله قصيد عليه الكلام

بيض الله وجهك

 

 

 

 

[معلومات العضو العماني]

ووجهك ابيض يابوزابن ولاهنت على المرور

تقبل تحياتي،،

 

 

 

 

ماقصرت يالعماني والله لايهينك على المجهود......

 

 

 

 

[معلومات العضو عبدالله الحضبي]

شكرا لك ياهايف العماني


والابيات لها اكمال :

كان الدسم ذات ليلة يتعلل في احد مجالس.. الرجال فجاء ..مجال لقصيدة عبد
رنيه المسندة على محسن الهزاني وسأل عنها وكان الدسم
رجل مسن قد بلغ التسعين عاما وليس له مزاج في الغزل
فاعتذر وقال اسمحوا لي الليلة وسوف احضرها لكم غدا
وعندما جاء الغد كان قد احضر قصيده على قافيتها
وهو يشكي الى الله ..من الكبر.. وقلة.. الشوف
كما يتأسف ان عياله صغار فيقول:

البارحه مـا قـرب النـوم للعيـن=عافن عيوني نومهـن واسهرنيـه
اسهر طوال الليل والناس غافيـن=ونوم الملأ يا عزوتـي حاربنيـه
سهرت واسهرني عن النوم همين=الهـم جانـي والكبـر نوخنـيـه
ما همني اللي هم شيخ الهزازيـن=اللي وصف له زينهن عبد رنيـه
هم همهم طرد البنـات المزاييـن=وانا بلايـه مـن زمانـي محنيـه
هم همهم واحد وانا همـي الفيـن=متفاختات ظعونهـم مـع ظعنيـه
عقب الصبا يا لابتي شفت انا شين=الى نويت امشي رجولي عصنيـه
ترى الصبا يا مدوريـن القوانيـن=الطيـب بـه والمرجلـه يلتقنيـه
وجدي على ايام الصبا وينهن وين=يا حلوهن يـا ليتهـن يرجعنيـه
المقفيـه عمارهـم فالهـم شيـن=راحت ليالـي عزهـم واقرشنيـه
والمقبلـه عمارهـم فالهـم زيـن=لو تفتشـون قلوبهـم تضحكنيـه
الكبر رماني مـع اثنيـن واثنيـن=وجميع الأربع من سببهن رمنيـه
لكن رمن قبلـي رجـال كثيريـن=وقلوبهم مـن زايـد الهـم طنيـه
اشوف ناس من كدرهن مطاعيـن=وانا من جملتهم حديهـن طعنيـه
شوفي قصر واطالع الزول زوليـن=والسبع مـن ترديدهـن عجزنيـه
الكبر لفواته مثـل لفـوت البيـن=ما بالصدور الـى لفـا يفرحنيـه
كبرت وعيالي بعدهـم صغيريـن=ورجلي عن رقـي العـلا هوننيـه
وقمت اكتلف من سجتي للدياويـن=وصاب الظهر من بطو الايام حنيه
عشنا مع الحيين خمسة وتسعيـن=بحساب يوم وكنهن مـا مضنيـه